ການກວດກາພາກສະໜາມຕົວຈິງ, ຊຸກຍູ້ແຜນງານ 500 ວັນ ແລະ ຄືນ ຢູ່ທ້ອງຖິ່ນ
ເມື່ອບໍ່ດົນມານີ້ (ວັນທີ 13 ກໍລະກົດ), ບັນດາຄະນະປະຕິບັດງານຂອງ ຄະນະຊີ້ນຳແຫ່ງຊາດ ກ່ຽວກັບການຊອກຫາ, ທ້ອນໂຮມ ແລະ ກຳນົດຕົວຕົນອັດຖິຂອງນັກຮົບເສຍສະຫຼະຊີບເພື່ອຊາດ (ຄະນະຊີ້ນຳ 515) ແລະ ຂອງກອງທັບເຂດ 3 ໄດ້ດຳເນີນການລົງກວດກາພາກສະໜາມຕົວຈິງ ຢູ່ແຂວງ ກວາງງາຍ, ແຂວງ ນິງບິ່ງ ແລະ ເຮັດວຽກຮ່ວມກັບອຳນາດການປົກຄອງທ້ອງຖິ່ນ ແນໃສ່ເລັ່ງລັດການຈັດຕັ້ງປະຕິບັດ “ແຜນງານ 500 ວັນ ແລະ ຄືນ” ພາຍໃນການຊອກຫາ, ທ້ອນໂຮມ ແລະ ກຳນົດຕົວຕົນອັດຖິຂອງນັກຮົບເສຍສະຫຼະຊີບເພື່ອຊາດ.
 |
| ທ່ານພົນໂທ ຫງວຽນວັນເກົ໋າ, ຮອງລັດຖະມົນຕີກະຊວງປ້ອງກັນປະເທດ, ຮອງຫົວໜ້າຄະນະຊີ້ນຳແຫ່ງຊາດ ກ່ຽວກັບການຊອກຫາ, ທ້ອນໂຮມ ແລະ ກຳນົດຕົວຕົນອັດຖິຂອງນັກຮົບເສຍສະຫຼະຊີບເພື່ອຊາດ ກ່າວຄຳປາໄສຢູ່ທີ່ກອງປະຊຸມເຮັດວຽກ. |
ສຳລັບ 6 ເຂດໃໝ່ທີ່ມີຂໍ້ມູນສົງໄສວ່າອາດຈະມີອັດຖິນັກຮົບເສຍສະຫຼະຊີບເພື່ອຊາດນັ້ນ, ທ່ານພົນໂທ ຫງວຽນວັນເກົ໋າ ໄດ້ຮຽກຮ້ອງໃຫ້ຮີບຮ້ອນສັງລວມ, ປຽບທຽບ ແລະ ກວດກາຢັ້ງຢືນ: "ບົນພື້ນຖານເນື້ອໃນບົດສະຫຼຸບຂອງແຕ່ລະທ້ອງຖິ່ນ, ແມ່ນໃຫ້ສ້າງແຜນທີ່ຊອກຫາ, ທ້ອນໂຮມ ແລະ ສັງລວມບັນດາແຫຼ່ງຂໍ້ມູນຂ່າວສານທີ່ເກັບກຳໄດ້. ແຂວງ ກວາງງາຍ ຕ້ອງສືບຕໍ່ເກັບກຳ, ກວດກາຄືນ, ຢັ້ງຢືນ ແລະ ຈັດກອງປະຊຸມສໍາມະນາຢ່າງລະອຽດຖີ່ຖ້ວນກ່ຽວກັບບັນດາແຫຼ່ງຂ່າວ; ໂດຍສຸມໃສ່ບັນດາເຂດທີ່ຍັງມີອັດຖິນັກຮົບເສຍສະຫຼະຊີບເພື່ອຊາດເປັນຈຳນວນຫຼາຍ ແລະ ເຂດທີ່ມີຂຸມຝັງສົບລວມຂອງນັກຮົບເສຍສະຫຼະຊີບເພື່ອຊາດທີ່ໄດ້ກຳນົດໄວ້ແລ້ວ. ສູ້ຊົນເຮັດໃຫ້ສຳເລັດຄາດໝາຍການຊອກຫາ, ທ້ອນໂຮມອັດຖິນັກຮົບເສຍສະຫຼະຊີບເພື່ອຊາດ ທີ່ທາງກອງທັບເຂດມອບໝາຍໃຫ້. ໃນປະຈຸບັນ, ຜ່ານບັນດາເບາະແສທີ່ປະຊາຊົນ ແລະ ແຫຼ່ງຂໍ້ມູນຕ່າງໆສະໜອງໃຫ້, ແມ່ນໄດ້ກຳນົດ 6 ເຂດ ທີ່ມີຄວາມເປັນໄປໄດ້ວ່າອາດຈະຍັງມີອັດຖິນັກຮົບເສຍສະຫຼະຊີບເພື່ອຊາດ. ສຳລັບ 6 ເຂດດັ່ງກ່າວນີ້, ຂ້າພະເຈົ້າສະເໜີໃຫ້ຄະນະຊີ້ນຳຂັ້ນແຂວງ ແລະ ບັນດາກຳລັງການ ເຂົ້າຮ່ວມຢ່າງຮີບດ່ວນ, ສັງລວມ, ກວດກາຄືນ, ປຽບທຽບ ແລະ ກວດກາຢັ້ງຢືນໃຫ້ລະອຽດທີ່ສຸດ."
ຢູ່ແຂວງ ນິງບິ່ງ, ທ່ານພົນໂທ ເລືອງວັນກ໋ຽມ, ຜູ້ບັນຊາການກອງທັບເຂດ 3, ໄດ້ລົງກວດກາວຽກງານການຈັດຕັ້ງປະຕິບັດ "ບັ້ນຮົບ 500 ວັນ ແລະ ຄືນ", ແນໃສ່ຕີລາຄາການຜັນຂະຫຍາຍບັ້ນຮົບໃນພາກສະໜາມຕົວຈິງ, ແກ້ໄຂຄວາມຫຍຸ້ງຍາກ ແລະ ຂໍ້ຄົງຄ້າງໃຫ້ທັນການ, ພ້ອມທັງຊີ້ນຳບັນດາທາງອອກເພື່ອຍົກສູງປະສິດທິຜົນການປະຕິບັດໜ້າທີ່ໃນຕໍ່ໜ້າ. ຢູ່ທີ່ບັນດາປ່າຊ້ານັກຮົບເສຍສະຫຼະຊີບເພື່ອຊາດ, ຄະນະປະຕິບັດງານໄດ້ຈຸດທູບ, ອາໄລຫາ ແລະ ສະແດງຄວາມຮູ້ບຸນຄຸນຕໍ່ບັນດານັກຮົບວິລະຊົນເສຍສະຫຼະຊີບເພື່ອຊາດ; ກວດກາຕົວຈິງວຽກງານຜັນຂະຫຍາຍການເກັບຕົວຢ່າງອັດຖິນັກຮົບເສຍສະຫຼະຊີບເພື່ອຊາດ ເພື່ອຮັບໃຊ້ໃຫ້ແກ່ວຽກງານກຳນົດຕົວຕົນ; ຢ້ຽມຢາມ, ຖາມຂ່າວຄາວ, ປຸກລະດົມກຳລັງໃຈ ແລະ ມອບຂອງຂວັນໃຫ້ແກ່ບັນດາໝວດ, ໜ່ວຍງານ ທີ່ປະຕິບັດໜ້າທີ່ເກັບຕົວຢ່າງອັດຖິນັກຮົບເສຍສະຫຼະຊີບເພື່ອຊາດໂດຍກົງ.
ໃນວັນດຽວກັນ, ກອງບັນຊາການທະຫານ ນະຄອນ ດານັງ ໄດ້ຄົ້ນພົບ ແລະ ທ້ອນໂຮມອັດຖິນັກຮົບເສຍສະຫຼະຊີບເພື່ອຊາດໄດ້ 5 ອັດຖິ ຢູ່ເຂດຖ້ຳ ດ໋າຊັບ , ຂຶ້ນກັບຕາແສງ ຮ່າຢາ, ນະຄອນ ດານັງ. ຕາມແຜນການ, ພິທີໄວ້ອາໄລ ແລະ ປົງສົບອັດຖິນັກຮົບເສຍສະຫຼະຊີບເພື່ອຊາດທັງ 5 ອັດຖິ ຈະໄດ້ຈັດຂຶ້ນໃນຕອນບ່າຍມື້ນີ້ (14 ກໍລະກົດ), ຢູ່ປ່າຊ້ານັກຮົບເສຍສະຫຼະຊີບເພື່ອຊາດ ດ້າຍດົ່ງ, ຕາແສງ ຮ່າຢາ.
ຢູ່ແຂວງ ກາວບັງ, ກອງບັນຊາການທະຫານແຂວງ ກາວບັງ ກໍໄດ້ຈັດຕັ້ງການຂຸດຄົ້ນ ແລະ ທ້ອນໂຮມອັດຖິນັກຮົບເສຍສະຫຼະຊີບເພື່ອຊາດ ໝາວັນຢີ ຢູ່ທີ່ບ້ານ ລາງມົນ, ຕາແສງ ມິງເຕິມ , ແຂວງ ກາວບັງ.
 | ວັນທີ 2 ກັນຍາ ແມ່ນວັນມໍລະດົກມິດຕະພາບ ຫວຽດນາມ - ອາເມລິກາ ຢູ່ນະຄອນ ຊານຟານຊິດສໂກ ຍສໝ - ໃນການໄປຢ້ຽມຢາມ ແລະ ເຮັດວຽກຂອງຄະນະຜູ້ແທນກະຊວງການຕ່າງປະເທດ ຫວຽດນາມ, ຄະນະກຳມະການແຫ່ງລັດກ່ຽວກັບຊາວຫວຽດນາມ ຢູ່ອາເມລິກາ ໃນທ້າຍເດືອນສິງຫາ 2024, ທ່ານນາງຮອງລັດຖະມົນຕີ ເລທິທູຮັ່ງ, ປະທານຄະນະກຳມະການ ໄດ້ຮັບຖະແຫຼງການຈາກເຈົ້າຄອງນະຄອນຊານຟານຊິດສໂກ ລົງນາມ ດ້ວຍເນື້ອໃນປະກາດເອົາວັນທີ 2 ກັນຍາ ປີ 2024 ເປັນວັນມໍລະດົກມິດຕະພາບ ຫວຽດນາມ - ອາເມລິກາ ຢູ່ນະຄອນ ... |
 | ຫວຽດນາມ ແລະ ສີລັງກາ ມຸ່ງໄປເຖິງເຕີບໂຕວົງເງິນການຄ້າສອງຝ່າຍທີ່ບັນລຸ 500 ລ້ານ USD ຍສໝ - ຕອນບ່າຍວັນທີ 22 ພະຈິກ, ທ່ານຮອງລັດຖະມົນຕີກະຊວງການຕ່າງປະເທດ ໂດະຮູ່ງຫວຽດ ໄດ້ຕ້ອນຮັບທ່ານ Saj U. Mendis ເອກອັກຄະລັດຖະທູດ ສີລັງກາ ປະຈຳ ຫວຽດນາມ. |