ຫວຽດນາມ ເພີ່ມທະວີການປະສານສົມທົບກັບວິສາຫະກິດ ສະຫະລັດ ອາເມລິກາ ເພື່ອຫັນກຽມໃຫ້ແກ່ ປີ ເອເປັກ (APEC) 2027

	ເສີມຂະຫຍາຍບົດບາດຂອງສື່ມວນຊົນປະຕິວັດ - ກຳລັງແນວໜ້າໃນການປົກປັກຮັກສາຮາກຖານແນວຄິດຂອງພັກໃນຍຸກສະໄໝໃໝ່
	APEC 2027: ນຳໃຊ້ "ພະລັງອຳນາດອ່ອນ" ເພື່ອເປີດທາງສູ່ອະນາຄົດ

ທ່ານນາງຮອງລັດຖະມົນຕີກະຊວງການຕ່າງປະເທດ ຫງວຽນມິງຮັ່ງ (Nguyễn Minh Hằng) ຕ້ອນຮັບຄະນະວິສາຫະກິດ ສະຫະລັດ ອາເມລິກາ ໂດຍແມ່ນທ່ານ John Goyer, ຜູ້ອຳນວຍການບໍລິຫານພາກພື້ນ ອາຊີຕາເວັນອອກສ່ຽງໃຕ້, ສະພາການຄ້າ ສະຫະລັດ ອາເມລິກາ (USCC) ເປັນຫົວໜ້າຄະນະ. (ພາບ: ແທ່ງລອງ)

ທ່ານນາງຮອງລັດຖະມົນຕີ ຫງວຽນມິງຮັ່ງ ຢືນຢັນວ່າ, ຫວຽດນາມ ໃຫ້ຄວາມສຳຄັນຕໍ່ສາຍພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ສະຫະລັດ ອາເມລິກາ ແລະ ຕີລາຄາສູງຕໍ່ການປະກອບສ່ວນຂອງປະຊາຄົມວິສາຫະກິດ ສະຫະລັດ ອາເມລິກາ ໃນບັນດາຂົງເຂດການຮ່ວມມືສອງຝ່າຍທາງດ້ານເສດຖະກິດ, ການຄ້າ, ການລົງທຶນ, ວິທະຍາສາດ - ເຕັກໂນໂລຊີ ແລະ ການປ່ຽນແປງໃໝ່ປະດິດສ້າງ; ແບ່ງປັນກ່ຽວກັບບັນດາທິດທາງ, ບຸລິມະສິດ ແລະ ເປົ້າໝາຍການພັດທະນາຂອງ ຫວຽດນາມ ໃນໄລຍະໃໝ່, ໂດຍສະເພາະແມ່ນເປົ້າໝາຍການເຕີບໂຕເປັນຕົວເລກສອງຫຼັກ.

ໂດຍຢືນຢັນເຖິງບົດບາດສຳຄັນຂອງເວທີປຶກສາຫາລືການຮ່ວມມືເສດຖະກິດ ອາຊີ-ປາຊີຟິກ (APEC) ໃນການຊຸກຍູ້ການເຊື່ອມໂຍງພາກພື້ນ, ທ່ານນາງຮອງລັດຖະມົນຕີ ຫງວຽນມິງຮັ່ງ ເນັ້ນໜັກວ່າ, ການເປັນເຈົ້າພາບ APEC 2027 ແມ່ນການເຄື່ອນໄຫວການຕ່າງປະເທດທີ່ສຳຄັນແຖວໜ້າຂອງ ຫວຽດນາມ ໃນຕໍ່ໜ້າ.

ທ່ານນາງຮອງລັດຖະມົນຕີ ໃຫ້ຮູ້ວ່າ, ຫວຽດນາມ ພວມເລັ່ງລັດຜັນຂະຫຍາຍວຽກງານການຫັນກຽມໃນທຸກດ້ານ, ແລະ ການເຂົ້າຮ່ວມຂອງປະຊາຄົມວິສາຫະກິດ ພ້ອມກັບບັນດາການເຄື່ອນໄຫວຄູ່ຮ່ວມມື ພາກລັດ - ເອກະຊົນ ຈະໄດ້ຮັບບຸລິມະສິດຊຸກຍູ້ໃນ ປີ ເອເປັກ (APEC) 2027 ຢູ່ ຫວຽດນາມ.

ທ່ານນາງຮອງລັດຖະມົນຕີກະຊວງການຕ່າງປະເທດ ຫງວຽນມິງຮັ່ງ ກ່າວປາໄສໃນການເຮັດວຽກ. (ພາບ: ແທ່ງລອງ)

ທ່ານນາງຮອງລັດຖະມົນຕີ ຫງວຽນມິງຮັ່ງ ສະເໜີໃຫ້ບັນດາວິສາຫະກິດ ສະຫະລັດ ອາເມລິກາ ສືບຕໍ່ປະສານສົມທົບຢ່າງໃກ້ຊິດກັບ ຫວຽດນາມ, ແບ່ງປັນບັນດາຂໍ້ສະເໜີ, ຂໍ້ລິເລີ່ມ ແນໃສ່ເພີ່ມທະວີການເຊື່ອມຕໍ່ວິສາຫະກິດໃນພາກພື້ນ ອາຊີ - ປາຊີຟິກ, ປະກອບສ່ວນເຂົ້າໃນຜົນສຳເລັດຂອງ ປີ ເອເປັກ (APEC) 2027; ສືບຕໍ່ມານະພະຍາຍາມປະກອບສ່ວນຊຸກຍູ້ສາຍພົວພັນເສດຖະກິດ - ການຄ້າສອງຝ່າຍໃຫ້ນັບມື້ນັບຂະຫຍາຍຕົວຢ່າງແທດຕົວຈິງ, ມີປະສິດທິຜົນ, ປະກອບສ່ວນຢ່າງຕັ້ງໜ້າເຂົ້າໃນການເຮັດໃຫ້ສາຍພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ສະຫະລັດ ອາເມລິກາ ເລິກເຊິ່ງກວ່າເກົ່າ.

ທ່ານ John Goyer, ຜູ້ອຳນວຍການບໍລິຫານພາກພື້ນ ອາຊີຕາເວັນອອກສ່ຽງໃຕ້ ຂອງ USCC ສະແດງຄວາມປະທັບໃຈຕໍ່ກັບບັນດາຜົນສຳເລັດແຫ່ງການພັດທະນາເສດຖະກິດ, ຕີລາຄາສູງຕໍ່ບັນດາທິດທາງການພັດທະນາ ແລະ ການປະຕິຮູບຮອບດ້ານຂອງ ຫວຽດນາມ ໃນໄລຍະຜ່ານມາ, ຢືນຢັນວ່າປະຊາຄົມວິສາຫະກິດ ສະຫະລັດ ອາເມລິກາ ສະໜັບສະໜູນ ຫວຽດນາມ ເປັນເຈົ້າພາບ ປີ ເອເປັກ (APEC) 2027 ແລະ ຈະປະສານສົມທົບຢ່າງໃກ້ຊິດກັບ ຫວຽດນາມ ເພື່ອປະກອບສ່ວນເຂົ້າໃນຜົນສຳເລັດຂອງເຫດການທີ່ສຳຄັນນີ້, ໂດຍຜ່ານນັ້ນກໍເພື່ອຊຸກຍູ້ການເຕີບໂຕເສດຖະກິດຂອງພາກພື້ນ ແລະ ບັນດາພື້ນຖານເສດຖະກິດສະມາຊິກ APEC.

ໃນການແລກປ່ຽນ, ຕົວແທນຂອງບັນດາວິສາຫະກິດ ສະຫະລັດ ອາເມລິກາ ໄດ້ຍົກອອກຫຼາຍຂໍ້ສະເໜີທີ່ແທດຕົວຈິງ ເພື່ອຊຸກຍູ້ການຮ່ວມມື ພາກລັດ - ເອກະຊົນ, ບັນດາຄວາມສົນໃຈຂອງວິສາຫະກິດທີ່ຢາກຊຸກຍູ້ການສົນທະນາໃນ APEC, ທັງໃຫ້ຄຳໝັ້ນສັນຍາວ່າຈະເຂົ້າຮ່ວມຢ່າງຕັ້ງໜ້າ, ປະກອບສ່ວນຢ່າງມີປະສິດທິຜົນເຂົ້າໃນບັນດາກິດຈະກຳໃນ ປີ ເອເປັກ ຫວຽດນາມ (APEC Vietnam) 2027.

ບັນດາຜູ້ແທນຖ່າຍຮູບຮ່ວມກັນ. (ພາບ: ແທ່ງລອງ)

ເສີມຂະຫຍາຍບົດບາດຂອງສື່ມວນຊົນປະຕິວັດ - ກຳລັງແນວໜ້າໃນການປົກປັກຮັກສາຮາກຖານແນວຄິດຂອງພັກໃນຍຸກສະໄໝໃໝ່ ຍສໝ - ໃນຍຸກສະໄໝແຫ່ງການບືນຕົວຂຶ້ນ, ພ້ອມກັບການຂະຫຍາຍຕົວຢ່າງແຂງແຮງຂອງສື່ສານດີຈີຕອນ, ສື່ມວນຊົນປະຕິວັດ ຫວຽດນາມ ຈຳເປັນຕ້ອງເສີມຂະຫຍາຍບົດບາດເປັນກຳລັງແນວໜ້າ, ແມ່ນອາວຸດທາງດ້ານແນວຄິດທີ່ແຫຼມຄົມຂອງພັກ ແລະ ລັດ ໃນການຕໍ່ສູ້ປ້ອງກັນ, ສະກັດກັ້ນ ແລະ ຕອບໂຕ້ບັນດາຖ້ອຍທຳນອງທີ່ບິດເບືອນຂອງບັນດາກຳລັງປໍລະປັກ.

ວິສາຫະກິດປ້ອງກັນຊາດ ຕວກກີ ປາດຖະໜາຢາກຂະຫຍາຍການຮ່ວມມືກັບ ຫວຽດນາມ ຍສມ - ຜູ້ນຳກຸ່ມບໍລິສັດ MKE ແລະ Aselsan ຂອງ ຕວກກີ ປາດຖະໜາຢາກຂະຫຍາຍການຮ່ວມມືກັບບັນດາວິສາຫະກິດປ້ອງກັນຊາດ ຫວຽດນາມ ໃນຂົງເຂດທີ່ມີທ່າແຮງ ແລະ ມີລັກສະນະຍຸດທະສາດໃນຕໍ່ໜ້າ.