ສະພາແຫ່ງຊາດ ຜ່ານຮັບຮອງເອົາກົດໝາຍວ່າດ້ວຍການປັບປຸງ ແລະ ເພີ່ມເຕີມ ບາງມາດຕາຂອງກົດໝາຍວ່າດ້ວຍອົງການຕົວແທນ ຫວຽດນາມ ຢູ່ຕ່າງປະເທດ

	ວຽກງານຊາວ ຫວຽດນາມ ຢູ່ຕ່າງປະເທດ: ເປີດກວ້າງແຫຼ່ງພະລັງເພື່ອການພັດທະນາ
	ທ່ານເອກອັກຄະລັດຖະທູດຫວຽດນາມ ປະຈຳ ລາວ ໄດ້ສະແດງຄວາມຮູ້ບຸນຄຸນຕໍ່ບັນດາຄອບຄົວຊາວຫວຽດນາມ ຢູ່ຕ່າງປະເທດ ທີ່ມີການປະກອບສ່ວນເຂົ້າໃນການປະຕິວັດ

ຕາມນັ້ນ, ມີຜູ້ແທນ 489/490 ທ່ານ ທີ່ເຂົ້າຮ່ວມການລົງຄະແນນສຽງໄດ້ເຫັນດີເຫັນພ້ອມ, ກວມເອົາ 97,80% ຂອງຈຳນວນຜູ້ແທນສະພາແຫ່ງຊາດທັງໝົດ, ເຊິ່ງສະແດງໃຫ້ເຫັນເຖິງຄວາມເປັນເອກະພາບໃນລະດັບສູງຕໍ່ກັບການປັບປຸງຂອບເຂດນິຕິກຳໃຫ້ສົມບູນ ເພື່ອຮັບໃຊ້ການເຄື່ອນໄຫວຂອງບັນດາອົງການຕົວແທນ ຫວຽດນາມ (VietNam) ຢູ່ຕ່າງປະເທດ.

ສະພາແຫ່ງຊາດ ໄດ້ລົງຄະແນນສຽງຜ່ານຮັບຮອງເອົາ ກົດໝາຍວ່າດ້ວຍການປັບປຸງ ແລະ ເພີ່ມເຕີມບາງມາດຕາຂອງກົດໝາຍວ່າດ້ວຍອົງການຕົວແທນ ແຫ່ງສາທາລະນະລັດ ສັງຄົມນິຍົມ ຫວຽດນາມ (VietNam) ຢູ່ຕ່າງປະເທດ ດ້ວຍອັດຕາສ່ວນການເຫັນດີເຫັນພ້ອມໃນລະດັບສູງ.

ກ່ອນຈະດຳເນີນການລົງຄະແນນສຽງ, ບັນດາຜູ້ແທນໄດ້ຮັບຟັງ ທ່ານລັດຖະມົນຕີກະຊວງການຕ່າງປະເທດ ເລຮວ່າຍຈຸງ (LeHoaiTrung), ຕາງໜ້າໃຫ້ລັດຖະບານ ນຳສະເໜີບົດລາຍງານຫຍໍ້ກ່ຽວກັບການຮັບເອົາ, ການຊີ້ແຈ້ງ ແລະ ການປັບປຸງຮ່າງກົດໝາຍ. ບົດລາຍງານໃຫ້ຮູ້ວ່າ, ລັດຖະບານໄດ້ຮັບເອົາທຸກຄຳເຫັນກວດກາ ແລະ ຄຳຄິດຄຳເຫັນຂອງບັນດາຜູ້ແທນສະພາແຫ່ງຊາດຢ່າງຄົບຖ້ວນ, ຮັບປະກັນໃຫ້ຮ່າງກົດໝາຍສອດຄ່ອງກັບແນວທາງຂອງພັກ, ມີຄວາມຖືກຕ້ອງຕາມລັດຖະທຳມະນູນ, ຖືກຕ້ອງຕາມກົດໝາຍ ແລະ ມີຄວາມເປັນເອກະພາບກັບລະບົບກົດໝາຍ, ພ້ອມທັງສອດຄ່ອງກັບບັນດາສົນທິສັນຍາສາກົນທີ່ ຫວຽດນາມ (VietNam) ເປັນພາຄີ.

ໜຶ່ງໃນບັນດາເນື້ອໃນທີ່ໜ້າສົນໃຈແມ່ນການເພີ່ມເຕີມ, ເປີດກວ້າງພາລະບົດບາດ ແລະ ໜ້າທີ່ຂອງອົງການຕົວແທນ ເພື່ອແນໃສ່ຕອບສະໜອງກັບຄວາມຕ້ອງການໃນໄລຍະໃໝ່. ຕາມນັ້ນແລ້ວ, ຮ່າງກົດໝາຍໄດ້ເພີ່ມເຕີມບາງຂົງເຂດວຽກງານ ເຊັ່ນ: ກະສິກຳ, ການຂົນຂວາຍຈົດທະບຽນມໍລະດົກວັດທະນະທຳ, ການຊຸກຍູ້ການນຳໃຊ້ພາສາຫວຽດນາມຢູ່ຕ່າງປະເທດ; ພ້ອມກັນນັ້ນກໍ່ໄດ້ເພີ່ມ "ວິສາຫະກິດ" ເຂົ້າໃນເປົ້າໝາຍທີ່ໄດ້ຮັບການປົກປ້ອງດ້ານກົງສຸນ. ບັນດາຂໍ້ກຳນົດກ່ຽວກັບຄວາມຮັບຜິດຊອບໃນການແຈ້ງການໃນກໍລະນີສຸກເສີນ ຫຼື ຕາມການຊີ້ນຳຂອງຂັ້ນທີ່ມີອຳນາດ ກໍ່ໄດ້ຮັບການຊີ້ແຈ້ງຢ່າງຈະແຈ້ງ.

ລັດຖະບານຍັງໄດ້ກວດກາຄືນ ແລະ ຊີ້ແຈ້ງບົດບາດຂອງອົງການຕົວແທນໃນບັນດາຂົງເຂດການທູດເສດຖະກິດ, ວັດທະນະທຳ, ວິທະຍາສາດເຕັກໂນໂລຢີ ແລະ ນະວັດຕະກຳ; ກົນໄກການປະສານງານລະຫວ່າງອົງການຕົວແທນກັບບັນດາທ້ອງຖິ່ນ; ກໍ່ຄືການຈັດຕັ້ງປະຕິບັດບັນດາໜ້າທີ່ທີ່ກ່ຽວຂ້ອງກັບການອະນຸລັກ ແລະ ເຜີຍແຜ່ພາສາຫວຽດນາມ.

ທ່ານລັດຖະມົນຕີກະຊວງການຕ່າງປະເທດ ເລຮວ່າຍຈຸງ (LeHoaiTrung), ຕາງໜ້າໃຫ້ລັດຖະບານ ໄດ້ນຳສະເໜີບົດລາຍງານຫຍໍ້ກ່ຽວກັບການຮັບເອົາ, ການຊີ້ແຈ້ງ ແລະ ການປັບປຸງຮ່າງກົດໝາຍ.

ກ່ຽວກັບການຈັດຕັ້ງກົງຈັກ ແລະ ບຸກຄະລາກອນ, ກົດໝາຍໄດ້ເພີ່ມເຕີມບັນດາຫຼັກການໃນການຍົກຍ້າຍ ແລະ ປ່ຽນແທນບັນຊີລາຍຊື່ພະນັກງານລະຫວ່າງບັນດາອົງການຕົວແທນ ໂດຍອີງຕາມຄວາມຕ້ອງການຂອງໜ້າທີ່ ແລະ ເຂດວຽກງານ; ກຳນົດມາດຖານສຳລັບເອກອັກຄະລັດຖະທູດ, ໃນນັ້ນໄດ້ເນັ້ນໜັກເຖິງຂີດຄວາມສາມາດໃນການຈັດຕັ້ງປະຕິບັດການຫັນເປັນດິຈິຕອນ. ພ້ອມກັນນັ້ນ, ກໍ່ໄດ້ປັບປຸງບາງນິຍາມ ເຊັ່ນ "ຕຳແໜ່ງການທູດພິເສດ", ເພີ່ມເຕີມຕຳແໜ່ງ "ອຸປະທູດ" ແລະ ກຳນົດການຕໍ່ອາຍຸວາລະການດຳລົງຕຳແໜ່ງຂອງເອກອັກຄະລັດຖະທູດໄດ້ສູງສຸດບໍ່ເກີນ 36 ເດືອນ.

ກ່ຽວຂ້ອງກັບລະບອບນະໂຍບາຍ, ຮ່າງກົດໝາຍໄດ້ເພີ່ມເຕີມຂໍ້ກຳນົດກ່ຽວກັບການສະໜັບສະໜູນຄ່າຮຽນໃຫ້ແກ່ລູກຂອງພະນັກງານທີ່ຕິດຕາມໄປຮຽນຈົນຈົບຊັ້ນມັດທະຍົມຕອນປາຍ; ຊີ້ແຈ້ງບັນດາເນື້ອໃນກ່ຽວກັບເງິນອຸດໜູນຄວບຕຳແໜ່ງ, ປະກັນໄພ, ກົນໄກການປັບປຸງຄ່າຄອງຊີບ ແລະ ບັນດາມາດຕະການປ້ອງກັນການສວຍໃຊ້ນະໂຍບາຍເພື່ອສະແຫວງຫາຜົນປະໂຫຍດ. ບັນດາບັນຫາກ່ຽວກັບການລົງທຶນຂອງລັດ, ການຄຸ້ມຄອງການເງິນ, ການນຳໃຊ້ເງິນຕາຕ່າງປະເທດ ແລະ ກົນໄກພິເສດໃນການຈັດຕັ້ງປະຕິບັດໂຄງການຢູ່ອົງການຕົວແທນ ກໍ່ໄດ້ຮັບການກວດກາຄືນ, ເພື່ອຮັບປະກັນໃຫ້ສອດຄ່ອງກັບຂໍ້ກຳນົດຂອງກົດໝາຍໃນປະຈຸບັນ, ໃນນັ້ນມີກົດໝາຍວ່າດ້ວຍງົບປະມານແຫ່ງລັດ.

ການຜ່ານຮັບຮອງເອົາກົດໝາຍວ່າດ້ວຍການປັບປຸງ ແລະ ເພີ່ມເຕີມ ແມ່ນແນໃສ່ແກ້ໄຂບັນດາຂໍ້ຄົງຄ້າງ ແລະ ສິ່ງທີ່ບໍ່ທັນສອດຄ່ອງຂອງກົດໝາຍສະບັບປະຈຸບັນ (ທີ່ປະກາດໃຊ້ໃນປີ 2009 ແລະ ປັບປຸງໃນປີ 2017), ພ້ອມທັງຍົກສູງປະສິດທິຜົນການເຄື່ອນໄຫວຂອງບັນດາອົງການຕົວແທນໃນບໍລິບົດໃໝ່. ກົດໝາຍມຸ່ງໄປສູ່ເປົ້າໝາຍເພີ່ມທະວີຄວາມເປັນມືອາຊີບ, ຫັນວຽກງານການຕ່າງປະເທດໃຫ້ທັນສະໄໝ, ຕອບສະໜອງຄວາມຕ້ອງການພັດທະນາເສດຖະກິດ-ສັງຄົມ, ກໍ່ຄືແນວທາງຊຸກຍູ້ການແບ່ງຂັ້ນ, ແບ່ງສິດຄຸ້ມຄອງ, ຮັບປະກັນຄວາມເປັນເອກະພາບ ແລະ ຄົບຊຸດຂອງລະບົບກົດໝາຍ.

ກົດໝາຍວ່າດ້ວຍການປັບປຸງ ແລະ ເພີ່ມເຕີມບາງມາດຕາຂອງກົດໝາຍວ່າດ້ວຍອົງການຕົວແທນ ແຫ່ງສາທາລະນະລັດ ສັງຄົມນິຍົມ ຫວຽດນາມ (VietNam) ຢູ່ຕ່າງປະເທດ ຈະມີຜົນສັກສິດບັງຄັບໃຊ້ນັບຕັ້ງແຕ່ວັນທີ 1 ກໍລະກົດ 2026 ເປັນຕົ້ນໄປ.

ພົບປະກັບຊາວຫວຽດນາມ ຢູ່ຕ່າງປະເທດ ເພື່ອສະເຫຼີມສະຫຼອງວັນລະບານໃໝ່ປີມະເສັງ 2025 ໃນບໍລິເວນນະຄອນ ໂຮ່ຈີມິນ ຍສໝ​ - ​ແຕ່​ວັນ​ທີ 17-18 ມັງກອນ 2025, ຢູ່​ນະຄອນ ​ໂຮ່ຈີ​ມິນ, ຄະນະ​ກຳມະການກ່ຽວກັບຊາວ​ຫວຽດນາມ ອາ​ໄສ​ຢູ່​ຕ່າງປະ​ເທດ​ນະຄອນ ​ໂຮ່ຈີ​ມິນ ສົມທົບ​ກັບ​ບັນດາພະແນກ, ຂະແໜງການ, ຫົວໜ່ວຍ​ທີ່​ກ່ຽວຂ້ອງ​ ຈະຈັດ​ຕັ້ງ​ລາຍການ​ພົບ​ປະ​ຊາວຫວຽດນາມ ຢູ່ຕ່າງປະເທດ ເພື່ອສະເຫຼີມສະຫຼອງວັນລະບານໃໝ່ປີມະເສັງ 2025 ໃນບໍລິເວນນະຄອນ ໂຮ່ຈີມິນ.

ນະຄອນ ໂຮ່ຈິມິນ ເຊີດຊູການປະກອບສ່ວນຂອງບັນດານັກປັນຍາຊົນຫວຽດນາມ ຢູ່ຕ່າງປະເທດ ຍສໝ - ວັນ​ທີ 9 ພະຈິກ, ຄະນະ​ກຳມະການກ່ຽວກັບ​ຊາວ​ ຫວຽດນາມ ຢູ່​ຕ່າງປະ​ເທດ ນະຄອນ ​ໂຮ່ຈີ​ມິນ ​ໄດ້​ຈັດ​ພິທີ​ຍ້ອງຍໍ​ບັນດາ​ນັກ​ຊ່ຽວຊານ​ປັນຍາ​ຊົນ ​ຫວຽດນາມ ທີ່ອາ​ໄສຢູ່​ຕ່າງປະ​ເທດ​ ຍ້ອນບັນດາປະກອບສ່ວນຄວາມຄິດເຫັນ ແລະ ​ເຂົ້າ​ຮ່ວມ​ບັນດາ​ການ​ເຄື່ອນ​ໄຫວ​ກໍ່ສ້າງ, ພັດທະນາ​ນະຄອນ.