ຕຳຫຼວດແຂວງກວາງຈິ ຊ່ວຍເຫຼືອ ລາວ ມອດໄຟໄໝ້ລາມປ່າ, ປົກປັກຮັກສາເຂດທີ່ຢູ່ອາໄສຂອງປະຊາຊົນ

	ຫວຽດນາມ ຊ່ວຍເຫຼືອ ລາວ ບູ​ລະ​ນະ​ສ້ອມ​ແປງໂຮງ​ໝໍໄຊ​ສົມ​ບູນ
	ທະນາຄານໂລກ ສືບຕໍ່ຮ່ວມເດີນທາງ, ຊ່ວຍເຫຼືອ ຫວຽດນາມ

ຂໍ້ມູນຈາກຕຳຫຼວດແຂວງກວາງຈິ ໃຫ້ຮູ້ວ່າ: ເມື່ອບໍ່ດົນມານີ້, ກຳລັງຕຳຫຼວດ ສະກັດກັ້ນ ແລະ ຕ້ານອັກຄີໄພ ແລະ ກູ້ໄພ-ກູ້ຊີບຂອງແຂວງ ໄດ້ສົມທົບກັບພາກສ່ວນທີ່ກ່ຽວຂ້ອງຂອງ ສປປ ລາວ ເຂົ້າສະກັດກັ້ນ ແລະ ມອດໄຟໄໝ້ລາມປ່າຢ່າງທັນການ, ປະກອບສ່ວນປົກປັກຮັກສາຊັບສິນຂອງປະຊາຊົນ ແລະ ຮັດແໜ້ນສາຍພົວພັນມິດຕະພາບ ຫວຽດນາມ - ລາວ.

ເຫດການໄຟໄໝ້ປ່າທີ່ມີຄວາມສ່ຽງຈະລາມເຂົ້າເຮືອນຊານຂອງປະຊາຊົນ. (ຮູບ: CAQT)

ສະເພາະແມ່ນໃນເວລາ 22:37 ໂມງ ຂອງວັນທີ 11 ເມສາ 2026, ພະແນກຕຳຫຼວດ ສະກັດກັ້ນ ແລະ ຕ້ານອັກຄີໄພ ແລະ ກູ້ໄພ-ກູ້ຊີບ, ຕຳຫຼວດແຂວງກວາງຈິ ໄດ້ຮັບແຈ້ງເຫດຈາກປ້ອມຕຳຫຼວດດ່ານສາກົນແດນສະຫວັນ ກ່ຽວກັບເຫດການໄຟໄໝ້ປ່າປູກ ຢູ່ບ້ານແດນສະຫວັນ, ເມືອງເຊໂປນ, ແຂວງສະຫວັນນະເຂດ (ລາວ), ເຊິ່ງມີຄວາມສ່ຽງຈະຂະຫຍາຍຕົວເປັນບໍລິເວນກວ້າງ ແລະ ຄຸກຄາມເຂດທີ່ຢູ່ອາໄສຂອງປະຊາຊົນທີ່ຢູ່ໃກ້ຄຽງ.

ພາຍຫຼັງລາຍງານ ແລະ ຂໍທິດຊີ້ນຳຈາກຄະນະກອງບັນຊາການຕຳຫຼວດແຂວງ ແລະ ຄະນະກຳມະການປະຊາຊົນແຂວງ, ທາງໜ່ວຍງານໄດ້ລະດົມລົດດັບເພີງ 2 ຄັນ ພ້ອມດ້ວຍພະນັກງານ-ນັກຮົບ 12 ສະຫາຍ ລົງຮອດສະຖານທີ່ເກີດເຫດຢ່າງວ່ອງໄວ ເພື່ອສົມທົບກັບກຳລັງທີ່ກ່ຽວຂ້ອງຂອງປະເທດເພື່ອນມິດໃນການຈັດຕັ້ງປະຕິບັດການມອດໄຟ.

ບັນດານັກຮົບຈາກພະແນກຕຳຫຼວດ ສະກັດກັ້ນ ແລະ ຕ້ານອັກຄີໄພ ແລະ ກູ້ໄພ-ກູ້ຊີບ ເຂົ້າຮ່ວມການມອດໄຟ. (ຮູບ: CAQT)

ພາຍໃຕ້ເງື່ອນໄຂສະພາບພູມສັນຖານເຂດພູດອຍທີ່ຫຍຸ້ງຍາກສັບສົນ, ໃນຍາມກາງຄືນ ແລະ ມີຄວາມສ່ຽງສູງທີ່ໄຟຈະລາມອອກໄປ, ກຳລັງຂອງທັງສອງຝ່າຍໄດ້ຈັດຕັ້ງການສຳຫຼວດ, ກໍານົດທິດທາງຂອງໄຟ, ແຫຼ່ງນ້ຳ, ແລະ ນຳໃຊ້ເຕັກນິກການດັບເພີງແບບຄົບຊຸດ, ປະສານງານກັນຢ່າງກົມກຽວເພື່ອຄວບຄຸມອັກຄີໄພ.

ຜ່ານຄວາມພະຍາຍາມຫຼາຍກວ່າ 3 ຊົ່ວໂມງ, ຈົນຮອດເວລາ 2:00 ໂມງ ຂອງວັນທີ 12 ເມສາ 2026, ໄຟແມ່ນໄດ້ຖືກມອດໃຫ້ດັບມອດລົງຢ່າງສິ້ນເຊີງ, ສາມາດປົກປັກຮັກສາເນື້ອທີ່ປ່າປູກໄດ້ປະມານ 50 ເຮັກຕາ ແລະ ເຂດທີ່ຢູ່ອາໄສຂອງປະຊາຊົນໃຫ້ມີຄວາມປອດໄພ.

ການສົມທົບກັນຢ່າງມີປະສິດທິພາບລະຫວ່າງກຳລັງສອງປະເທດໃນຄັ້ງນີ້ ໄດ້ສືບຕໍ່ຢືນຢັນເຖິງຈິດໃຈຄວາມສາມັກຄີ, ການຮ່ວມມືໃນການຮັກສາຄວາມສະຫງົບ ແລະ ຄວາມປອດໄພ, ປະກອບສ່ວນເພີ່ມພູນຄູນສ້າງສາຍພົວພັນມິດຕະພາບອັນພິເສດ ຫວຽດນາມ - ລາວ.

ຫວຽດນາມ ຊ່ວຍເຫຼືອ ລາວປ້ອງກັນ, ຕ້ານພະຍາດໂຄວິດ-19 ຕອນເຊົ້າວັນທີ 20 ຕຸລາ, ທ່ານ ຈ້ຽວມີງຊ໊ຽດ, ຮອງເລຂາພັກເມືອງເມື່ອງລາດ (ແຂວງແທັງຮວ໊າ) ໄດ້ມອບອຸປະກອນການແພດປ້ອງກັນ, ຕ້ານພະຍາດໂຄວິດ-19 ໃຫ້ແກ່ປະຊາຊົນເມືອງສົບເບົາ ແລະເມືອງວຽງໄຊ (ແຂວງຫົວພັນ, ລາວ) ດ້ວຍມູນຄ່າທັງໝົດ 100 ລ້ານດົ່ງຢູ່ທີ່ດ່ານຊາຍແດນແຕ໊ນຕັ່ນ.

ມອບ​ຜ້າ​ອັດ​ປາກ​ອັດ​ດັງ ​ຊ່ວຍເຫຼືອ​ປະ​ຊາ​ຄົມ​ຊາວ ຫວຽດ​ນາມ ອາ​ໄສ ຢູ່ ລາວ ຕອນເຊົ້າວັນທີ 30 ມິຖຸນາ, ຢູ່ສຳນັກງານ ສະມາຄົມໃຫຍ່ຊາວ ຫວຽດນາມ ອາໄສ ຢູ່ ລາວ ຕັ້ງຢູ່ ວຽງຈັນ, ຕາງໜ້າສະຖານທູດ ຫວຽດນາມ ປະຈຳ ລາວ ໄດ້ມອບຜ້າອັດປາກອັດດັງຈຳນວນ 20.000 ອັນ ໃຫ້ແກ່ປະຊາຄົມຊາວ ຫວຽດນາມ ທີ່ພວມດຳລົງຊີວິດ, ເຮັດວຽກ ແລະ ຮ່ຳຮຽນຢູ່ ລາວ.