ສານຂອງ ທ່ານ ເລຂາທິການໃຫຍ່, ປະທານປະເທດ ແຫ່ງ ສປປ ລາວ ອວຍພອນບຸນປີໃໝ່ລາວ

	ທ່ານ ໂຕເລິມ ເລຂາທິການໃຫຍ່ ໄດ້ຮັບການເລືອກຕັ້ງໃຫ້ດຳລົງຕຳແໜ່ງປະທານປະເທດ ອາຍຸການ 2026-2031
	ຮັກສາການລັດຖະມົນຕີ​ກະຊວງການ​ຕ່າງປະ​ເທດ, ທ່ານ ​ເລ​ຮ່ວາຍ​ຈູງ ​ໄດ້​ໂທລະສັບ​ກັບ​ທ່ານ​ລັດຖະມົນຕີ​ການ​ຕ່າງປະ​ເທດ​ລາວ

ທ່ານ ເລຂາທິການໃຫຍ່, ປະທານປະເທດ ແຫ່ງ ສປປ ລາວ ທອງລຸນ ສີສຸລິດ. (ຮູບ: Vientiane Times)

ກ່າວປາໄສຢູ່ທີ່ທຳນຽບປະທານປະເທດ, ທ່ານ ເລຂາທິການໃຫຍ່, ປະທານປະເທດ ທອງລຸນ ສີສຸລິດ ໄດ້ສົ່ງຄຳອວຍພອນໄຊອັນປະເສີດມາຍັງປະຊາຊົນລາວບັນດາເຜົ່າທຸກຖ້ວນໜ້າ, ຄົນເຊື້ອຊາດລາວທີ່ອາໄສຢູ່ຕ່າງປະເທດ, ຕະຫຼອດຮອດເພື່ອນມິດສາກົນ ທີ່ພວມດຳລົງຊີວິດ ແລະ ເຮັດວຽກຢູ່ ສປປ ລາວ.

ເມື່ອທົບທວນຄືນໃນປີຜ່ານມາ, ທ່ານ ເລຂາທິການໃຫຍ່, ປະທານປະເທດ ແຫ່ງ ສປປ ລາວ ໄດ້ຕີລາຄາວ່າ ນີ້ແມ່ນໄລຍະທີ່ສ້າງໄດ້ຜົນສຳເລັດອັນສຳຄັນຫຼາຍດ້ານ, ປຸກລະດົມຄວາມພາກພູມໃຈຂອງຊາດ, ໃນນັ້ນມີບັນດາເຫດການທີ່ສຳຄັນເປັນພິເສດ ເຊັ່ນ: ພິທີສະເຫຼີມສະຫຼອງວັນຊາດ ແຫ່ງ ສປປ ລາວ ຄົບຮອບ 50 ປີ (2/12/1975 - 2/12/2025); ການຈັດຕັ້ງຜົນສຳເລັດຂອງກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ປະຊາຊົນ ປະຕິວັດລາວ; ການເລືອກຕັ້ງສະມາຊິກສະພາແຫ່ງຊາດ ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ ຊຸດທີ V…

ເຖິງວ່າຈະຕ້ອງຜະເຊີນກັບຄວາມຫຍຸ້ງຍາກ ແລະ ສິ່ງທ້າທາຍຫຼາຍປະການຈາກທັງພາຍໃນ ແລະ ຕ່າງປະເທດ, ແຕ່ ສປປ ລາວ ຍັງສາມາດຮັກສາສະຖຽນລະພາບທາງດ້ານການເມືອງຢ່າງໜັກແໜ້ນ, ຮັບປະກັນຄວາມສະຫງົບຮຽບຮ້ອຍທາງສັງຄົມ, ບັນທຶກໄດ້ທ່າອ່ຽງການຟື້ນຕົວ ແລະ ການເຕີບໂຕທາງດ້ານເສດຖະກິດທີ່ຕັ້ງໜ້າ. ໝາກຜົນເຫຼົ່ານີ້ແມ່ນໄດ້ມາຈາກການເສີມຂະຫຍາຍກຳລັງແຮງມະຫາສາມັກຄີປວງຊົນທັງຊາດ, ພ້ອມກັບການສະໜັບສະໜູນຈາກບັນດາປະເທດເພື່ອນມິດ ແລະ ອົງການຈັດຕັ້ງສາກົນ.

ທ່ານ ເລຂາທິການໃຫຍ່, ປະທານປະເທດ ທອງລຸນ ສີສຸລິດ ຍັງໄດ້ເນັ້ນໜັກເຖິງບົດບາດ ແລະ ຖານະບົດບາດຂອງ ສປປ ລາວ ທີ່ໄດ້ຮັບການຍົກສູງຂຶ້ນເລື້ອຍໆ ໃນເວທີພາກພື້ນ ແລະ ສາກົນ, ເຊິ່ງຖືວ່າເປັນພື້ນຖານອັນສຳຄັນ ເພື່ອພາປະເທດຊາດກ້າວເຂົ້າສູ່ໄລຍະການພັດທະນາໃໝ່.

ກ່ຽວກັບທິດທາງໃນຕໍ່ໜ້າ, ທ່ານ ເລຂາທິການໃຫຍ່, ປະທານປະເທດ ແຫ່ງ ສປປ ລາວ ທອງລຸນ ສີສຸລິດ ໄດ້ຄາດຄະເນວ່າ ສະພາບການໂລກຈະສືບຕໍ່ຜັນແປໄປຢ່າງສັບສົນ, ເຊິ່ງແຝງໄວ້ດ້ວຍຄວາມບໍ່ສະຫງົບ ແລະ ຂໍ້ຂັດແຍ່ງຫຼາຍປະການ. ທ່ານໄດ້ຮຽກຮ້ອງໃຫ້ປະຊາຊົນທຸກຊັ້ນຄົນ ຈົ່ງເສີມຂະຫຍາຍນ້ຳໃຈຮັກຊາດ, ຮັດແໜ້ນຄວາມສາມັກຄີເປັນປຶກແຜ່ນ, ປະສານສົມທົບຢ່າງແໜ້ນແຟ້ນກັບຄະນະບໍລິຫານງານສູນກາງພັກ ແລະ ລັດຖະບານ ເພື່ອຜ່ານຜ່າຄວາມຫຍຸ້ງຍາກ ແລະ ສິ່ງທ້າທາຍຕ່າງໆ.

ທ່ານ ເລຂາທິການໃຫຍ່, ປະທານປະເທດ ໄດ້ສະເໜີໃຫ້ຊຸກຍູ້ການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XII ຂອງພັກ ແລະ ບັນດາຄາດໝາຍຂອງແຜນພັດທະນາເສດຖະກິດ-ສັງຄົມ 5 ປີ ຄັ້ງທີ X, ໂດຍເນັ້ນໃສ່ປະສິດທິຜົນຕົວຈິງ, ເປົ້າໝາຍໄປສູ່ຮູບແບບການເຕີບໂຕສີຂຽວ ແລະ ການພັດທະນາແບບຍືນຍົງ.

ໃນຕອນທ້າຍຂອງສານ, ທ່ານ ເລຂາທິການໃຫຍ່, ປະທານປະເທດ ທອງລຸນ ສີສຸລິດ ໄດ້ສົ່ງຄຳອວຍພອນໄຊໃຫ້ມີສຸຂະພາບເຂັ້ມແຂງ, ມີຄວາມສຸກ ແລະ ປະສົບຜົນສຳເລັດມາຍັງປະຊາຊົນລາວທຸກຖ້ວນໜ້າ, ຕະຫຼອດຮອດຊຸມຊົນຊາວຕ່າງປະເທດທີ່ພວມປະກອບສ່ວນເຂົ້າໃນການພັດທະນາປະເທດຊາດ; ພ້ອມທັງສະແດງຄວາມປາດຖະໜາຢາກໃຫ້ບຸນປີໃໝ່ປະເພນີລາວ ໄດ້ຮັບການສະເຫຼີມສະຫຼອງໃນບັນຍາກາດທີ່ມີສັນຕິພາບ, ເບີກບານມ່ວນຊື່ນ ແລະ ມີຄວາມປອດໄພ.

ທ່ານ ເລືອງເກື່ອງ ປະທານປະເທດຫວຽດນາມ ຕ້ອນຮັບທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດລາວ ຍສໝ - ວັນທີ 28 ເມສາ, ທີ່ແຂວງຮ່າຕິງ, ທ່ານ ເລືອງເກື່ອງ ປະທານປະເທດຫວຽດນາມ ໄດ້ຕ້ອນຮັບທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດລາວ ເນື່ອງໃນໂອກາດທ່ານ ທອງລຸນ ສີສຸລິດ ມາຫວຽດນາມ ເຂົ້າຮ່ວມພິທີເປີດນໍາໃຊ້ທ່າເຮືອເລກ 3 - ທ່າກໍາປ່ັນຫວູງອ໊າງ - ແມ່ນໜຶ່ງໃນບັນດາຈິດຈະການສໍາຄັນເພື່ອເຊື່ອມຕໍ່ເສດຖະກິດລະຫວ່າງສອງປະເທດ ແລະເຂົ້າຮ່ວມພິທີສະເຫຼີມສະຫຼອງ ...

ເລຂາທິການໃຫຍ່ ໂຕເລິມ ຈະໄປໄຫວ້ອາໄລທ່ານ ຄຳໄຕ ສີພັນດອນ ອະດີດປະທານພັກປະຊາຊົນປະຕິວັດລາວ, ອະດີດປະທານປະເທດ ແຫ່ງ ສປປ ລາວ ຍສໝ - ເລຂາທິການໃຫຍ່ ໂຕເລິມ ຈະໄປໄຫວ້ອາໄລທ່ານ ຄຳໄຕ ສີພັນດອນ ອະດີດປະທານພັກປະຊາຊົນປະຕິວັດລາວ, ອະດີດປະທານປະເທດ ແຫ່ງ ສປປ ລາວ