ທ່ານ ໂຕເລິມ ສືບຕໍ່ດຳລົງຕຳແໜ່ງ ເລຂາທິການໃຫຍ່ຄະນະບໍລິຫານງານສູນກາງພັກສະໄໝທີ XIV
 |
| ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກສະໄໝທີ XIII ສືບຕໍ່ດຳລົງຕຳແໜ່ງ ເລຂາທິການໃຫຍ່ຄະນະບໍລິຫານງານສູນກາງພັກສະໄໝທີ XIV (ພາບ: VOV) |
ຕອນເຊົ້າວັນທີ 23 ມັງກອນຢູ່ສຳນັກງານສູນກາງພັກ, ຄະນະບໍລິຫານງານສູນກາງພັກກອມມູນິດ ຫວຽດນາມສະໄໝທີ XIV ໄດ້ຈັດກອງປະຊຸມຄັ້ງປະຖົມມະລຶກ ເພື່ອຕັດສິນໃຈບັນດາບັນຫາສຳຄັນພິເສດ, ສ້າງຂີດໝາຍເລີ່ມຕົ້ນສະໄໝໃໝ່. ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກສະໄໝທີ XIII ໄດ້ມີບົດກ່າວຄຳເຫັນໄຂກອງປະຊຸມ ແລະ ຕາງໜ້າຄະນະປະທານກອງປະຊຸມ ບໍລິຫານໂຄງການຂອງກອງປະຊຸມ.
ບົນພື້ນຖານປະຕິບັດຢ່າງເຂັ້ມງວດກົດລະບຽບຂອງພັກ, ຂໍ້ກຳນົດການເຮັດວຽກ, ຂໍ້ກຳນົດການເລືອກຕັ້ງ ແລະ ບັນດາເນື້ອໃນທີ່ກ່ຽວຂ້ອງ, ເສີມຂະຫຍາຍຈິດໃຈສາມັກຄີ ແລະ ຄວາມຮັບຜິດຊອບຢູ່ລະດັບສູງສຸດ, ປະຕິບັດຫຼັກການລວມສຸມປະຊາທິປະໄຕໃຫ້ເປັນຢ່າງດີ, ກອງປະຊຸມຄັ້ງປະຖົມມະລຶກ ຄະນະບໍລິຫານງານສູນກາງພັກສະໄໝທີ XIV ໄດ້ປະຕິບັດສຳເລັດບັນດາເນື້ອໃນສຳຄັນພິເສດຄື: ເລືອກຕັ້ງກົມການເມືອງ, ເລຂາທິການໃຫຍ່, ຄະນະເລຂາທິການ, ຮັບຟັງບົດລາຍງານກ່ຽວກັບບັນດາໂຄງຮ່າງຕຳແໜ່ງການນຳຫຼັກແຫຼ່ງຂອງພັກ, ລັດ ແລະ ປະກອບຄຳເຫັນກ່ຽວກັບບຸກຄະລາກອນດຳລົງຕຳແໜ່ງຜູ້ປະຈຳການຄະນະເລຂາທິການ, ຄະນະກວດກາສູນກາງ, ປະທານຄະນະກວດກາສູນກາງ.
ຄະນະບໍລິຫານງານສູນກາງພັກສະໄໝທີ XIV ໄດ້ເຫັນດີເປັນເອກະພາບເລືອກຕັ້ງທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກສະໄໝທີ XIII ສືບຕໍ່ດຳລົງຕຳແໜ່ງ ເລຂາທິການໃຫຍ່ຄະນະບໍລິຫານງານສູນກາງພັກສະໄໝທີ XIV.
ຕາມ vovworld.vn
https://vovworld.vn/lo-LA/ຂາວເດນ/ທານ-ໂຕເລມ-ສບຕດຳລງຕຳແໜງ-ເລຂາທການໃຫຍຄະນະບລຫານງານສນກາງພກສະໄໝທ-xiv-1461548.vov
 | ກອງປະຊຸມໃຫຍ່ ຄັ້ງ XIV ຂອງພັກ: ຄວາມຄາດໝາຍນະໂຍບາຍສຳລັບຫວຽດນາມ. ຍສໝ - ຕໍ່ກັບສະພາບການປ່ຽນແປງຂອງໂລກຢ່າງເລິກເຊິ່ງ, ຫວຽດນາມ ໄດ້ເຂົ້າຮ່ວມກອງປະຊຸມໃຫຍ່ ຄັ້ງ XIV ຂອງພັກດ້ວຍບັນດາຜົນງານສຳຄັນຫຼາຍຢ່າງກ່ຽວກັບສະຖຽນລະພາບດ້ານເສດຖະກິດ, ເພີ່ມທະວີການພົວພັນຕ່າງປະເທດ, ການເຊື່ອມໂຍງເຂົ້າກັບສາກົນ. ຕາມທັດສະນະຂອງເພື່ອນມິດສາກົນ ແລະ ບັນດານັກສຶກສາທີ່ມີຊື່ສຽງ, ຄວາມຄາດໝາຍອັນໃຫຍ່ຫຼວງແມ່ນໄດ້ວາງອອກໃນບັນດາການຕັດສິນໃຈນະໂຍບາຍທີ່ຈະຊ່ວຍໃຫ້ ຫວຽດນາມ ຫັນຈາກຈຸດໝາຍທີ່ດຶງດູດເຂົ້າເປັນຄູ່ຮ່ວມມືສ້າງຄຸນຄ່າ, ມຸ່ງໄປເຖິງຈຸດໝາຍປະເທດພັດທະນາທີ່ມີລາຍຮັບສູງໃນປີ 2045. |
 | ງານບຸນວັດທະນະທຳໂລກຄັ້ງທຳອິດຢູ່ຮ່າໂນ້ຍ - ການເດີນທາງເຊື່ອມຕໍ່ 5 ທະວີບ ຢູ່ໃຈກາງນະຄອນຫຼວງ ຍສໝ - ແຕ່ວັນທີ 10-12 ຕຸລາ 2025, ຢູ່ກຳແພງພະລາຊະວັງທັງລອງ , ກະຊວງວັດທະນະທຳ, ກິລາ ແລະ ທ່ອງທ່ຽວ ສົມທົບກັບກະຊວງການຕ່າງປະເທດ ແລະ ຄະນະກຳມະການປະຊາຊົນນະຄອນ ຮ່າໂນ້ຍ ໄດ້ຈັດຕັ້ງ “ງານບຸນວັດທະນະທຳໂລກຄັ້ງທຳອິດຢູ່ຮ່າໂນ້ຍ”. ນີ້ແມ່ນເຫດການການທູດວັດທະນະທຳສຳຄັນຂອງຫວຽດນາມ ໃນປີ 2025, ໂດຍມີຄວາມໝາຍເປັນພິເສດໃນການເຊີດຊູບັນດາຄຸນຄ່າວັດທະນະທຳທີ່ຫຼາກຫຼາຍ, ເພີ່ມທະວີການແລກປ່ຽນປະຊາຊົນ, ເພີ່ມທະວີຄວາມເຂົ້າໃຈ, ມິດຕະພາບລະຫວ່າງຫວຽດນາມ ... |
ຕາມ vovworld.vn