ເຜີຍແຜ່ຮູບພາບຂອງຫວຽດນາມ ທັນສະໄໝ, ມະນຸດສະທຳຢູ່ ສປຊ
ທ່ານຮອງລັດຖະມົນຕີການຕ່າງປະເທດ ນາງ ຫງວຽນມິງຮັ່ງ ໄດ້ເປັນປະທານພິທີເປີດ. ເຂົ້າຮ່ວມພິທີມີຜູ້ຕາງໜ້າບັນດາອົງການສະຫະປະຊາຊາດ, ບັນດາອົງການປະຈຳ, ອົງການຈັດຕັ້ງສາກົນ, ເພື່ອນມິດສາກົນ ແລະ ປະຊາຄົມຊາວຫວຽດນາມ ຢູ່ New York.
ເຫດການດັ່ງກ່າວໄດ້ດຳເນີນໃນສະພາບການທີ່ຫວຽດນາມ ເຂົ້າເປັນສະມາຊິກສະພາສິດທິມະນຸດສະຫະປະຊາຊາດ ອາຍຸການ 2023-2025, ໂດຍຜ່ານນັ້ນ ສະແດງໃຫ້ເຫັນຄວາມຮັບຮູ້ຂອງຫວຽດນາມ ຄວາມຮັບຜິດຊອບ, ການຮ່ວມມື ແລະຫຼັກໝັ້ນອັນຍາວນານຂອງຫວຽດນາມ ໃນການຊຸກຍູ້ ແລະປົກປ້ອງສິດທິມະນຸດທົ່ວໂລກ.
 |
| ງານວາງສະແດງຮູບພາບ “ຫວຽດນາມ - ສະມາຊິກສະພາສິດທິມະນຸດສະຫະປະຊາຊາດ: ເຄົາລົບ ແລະເຂົ້າໃຈ. ປຶກສາຫາລື ແລະຮ່ວມມື. ສິດທິມະນຸດທັງໝົດ - ເພື່ອປະຊາຊົນທັງໝົດ”. (ພາບ: ຄະນະຈັດຕັ້ງ) |
ງານວາງສະແດງໄດ້ສະແດງຮູບພາບສິລະປະກວ່າ 50 ແຜ່ນ, ແນະນຳຄວາມງາມຂອງທຳມະຊາດ, ວັດທະນະທຳ ແລະ ປະຊາຊົນຫວຽດນາມ - ຈາກອ່າວຮ່າລອງທີ່ສວຍງາມ, ທົ່ງນາທາງທິດຕາເວັນຕົກສຽງເໜືອ, ຖະໜົນບູຮານໂຮ້ຍອານ ເຖິງຊີວິດການເປັນຢູ່ຂອງຮ່າໂນ້ຍ ແລະ ນະຄອນໂຮ່ຈິມິນ ທັນສະໄໝ. ຮູບຖ່າຍແຕ່ລະແຜ່ນແມ່ນບົດເລື່ອງທີ່ເລິກເຊິ່ງກ່ຽວກັບຄວາມກົມກຽວລະຫວ່າງປະເພນີ ແລະ ທັນສະໄໝ, ສະທ້ອນເຖິງຈິດໃຈມະນຸດສະທຳ, ຄວາມອົດທົນ ແລະ ຄວາມເຄົາລົບຕໍ່ຄວາມແຕກຕ່າງ - ຄຸນຄ່າຫຼັກທີ່ສະແດງອອກຜ່ານຂໍ້ຄວາມຂອງງານວາງສະແດງ: “ເຄົາລົບ ແລະ ເຂົ້າໃຈ. ປຶກສາຫາລື ແລະ ຮ່ວມມື. ສິດທິມະນຸດທັງໝົດ - ເພື່ອທຸກຄົນ”.
ຮູບພາບຫຼາຍແຜ່ນໄດ້ສຸມໃສ່ບັນດາຜົນງານອັນພົ້ນເດັ່ນຂອງຫວຽດນາມ ໃນການຮັບປະກັນສິດທິມະນຸດ, ນັບແຕ່ຄວາມສະເໝີພາບທາງເພດ, ສິດຂອງເດັກ, ການສຶກສາ, ສຸຂະພາບ, ການພັດທະນາຊົນເຜົ່າ, ການຕອບສະໜອງການປ່ຽນແປງຂອງດິນຟ້າອາກາດ ແລະ ປົກປັກຮັກສາສິ່ງແວດລ້ອມ. ນີ້ແມ່ນຫຼັກຖານທີ່ມີຄວາມມານະພະຍາຍາມຢ່າງບໍ່ຢຸດຢັ້ງຂອງຫວຽດນາມ ໃນການປະຕິບັດເປົ້າໝາຍພັດທະນາແບບຍືນຍົງ (SDGs) ຂອງສະຫະປະຊາຊາດ.
ງານວາງສະແດງແມ່ນໂອກາດເພື່ອແນໃສ່ເພີ່ມທະວີການພົບປະແລກປ່ຽນ, ປຶກສາຫາລື ແລະ ແນະນຳກ່ຽວກັບປະເທດ, ປະຊາຊົນ, ວັດທະນະທຳຫວຽດນາມ, ພ້ອມທັງຊຸກຍູ້ບັນດາບຸລິມະສິດ, ຂໍ້ລິເລີ່ມ, ການປະກອບສ່ວນຂອງຫວຽດນາມ ໃຫ້ ສປຊ ໃນໄລຍະຈະມາເຖິງ, ໃນສະພາບການທີ່ ຫວຽດນາມ ພວມກະກຽມຈັດຕັ້ງພິທີລົງນາມໃນສົນທິສັນຍາຂອງສະຫະປະຊາຊາດກ່ຽວກັບອາດຊະຍາກຳທາງອິນເຕີແນັດຢູ່ຮ່າໂນ້ຍ ໃນທ້າຍເດືອນ ຕຸລາ 2025 ແລະ ພວມດຳເນີນການເລືອກຕັ້ງຄືນໃໝ່ເປັນສະມາຊິກສະພາສິດທິມະນຸດສະຫະປະຊາຊາດໄລຍະ 2026-2028.
 |
| ເພື່ອນມິດສາກົນຢ້ຽມຊົມງານວາງສະແດງ. (ພາບ: ຄະນະຈັດຕັ້ງ) |
ຜ່ານງານວາງສະແດງ, ຫວຽດນາມ ປາດຖະໜາຢາກສົ່ງສານຂອງປະເທດສະມາຊິກທີ່ຕັ້ງໜ້າ ແລະ ມີຄວາມຮັບຜິດຊອບ, ຍາມໃດກໍ່ຊຸກຍູ້ການເຈລະຈາ ແລະ ການຮ່ວມມືໃນການຮັບປະກັນສິດທິມະນຸດ, ພ້ອມທັງແບ່ງປັນບັນດາການກະທຳ ແລະ ປະສົບການທີ່ດີໃນການພັດທະນາແບບຍືນຍົງ ແລະ ແທດຈິງ, ສອດຄ່ອງກັບຈິດໃຈຂອງກົດບັດສະຫະປະຊາຊາດ ແລະ ຖະແຫຼງການສາກົນກ່ຽວກັບສິດທິມະນຸດ.
ຫວຽດນາມ ຢືນຢັນຄຳໝັ້ນສັນຍາສືບຕໍ່ປະກອບສ່ວນຢ່າງຕັ້ງໜ້າເຂົ້າໃນບັນດາຄວາມມານະພະຍາຍາມລວມຂອງປະຊາຄົມໂລກໃນການຊຸກຍູ້ສິດທິມະນຸດບົນພື້ນຖານຫຼັກການເຄົາລົບອະທິປະໄຕ, ບໍ່ແຊກແຊງເຂົ້າວຽກງານພາຍໃນ, ສະເໝີພາບ ແລະ ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ, ປະກອບສ່ວນສ້າງສາໂລກສັນຕິພາບ, ສະເໝີພາບ, ມະນຸດສະທຳ ແລະ ວັດທະນາຖາວອນ.
 | ການເຄື່ອນໄຫວວັດທະນະທຳຫວຽດນາມ ທີ່ເປັນເອກະລັກສະເພາະຫຼາຍຢ່າງ ໄດ້ດຳເນີນຢູ່ນະຄອນ Budapest, ຮົງກາຣີ. ຍສໝ - ເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ ແລະ ຮຸງກາຣີ, ສະຖານທູດ ຫວຽດນາມ ປະຈຳ ຮຸງກາຣີ ໄດ້ສົມທົບກັບອຳນາດການປົກຄອງເມືອງ 3, ນະຄອນຫຼວງ Budapest ຈັດຕັ້ງວັນວັດທະນະທຳ ຫວຽດນາມ ດ້ວຍບັນດາການເຄື່ອນໄຫວວັດທະນະທຳທີ່ເປັນເອກະລັກສະເພາະຄື: ງານວາງສະແດງພາບແຕ້ມ, ຮູບພາບ, ລາຍການຮູບເງົາເອກະສານ, ແນະນຳປະເທດຊາດ, ປະຊາຊົນ ແລະ ... |
 | ອາຊຽນ ຊຸກຍູ້ຄວາມສະເໝີພາບລະຫວ່າງຍິງ - ຊາຍໃນການດຳເນີນທຸລະກິດ ແລະ ສິດທິມະນຸດ ຍສໝ - ດ້ວຍຫົວຂໍ້ “ກອງປະຊຸມສໍາມະນາພາກພື້ນ ອາຊຽນ ກ່ຽວກັບທັດສະນະຄວາມສະເໝີພາບລະຫວ່າງຍິງ-ຊາຍໃນການດຳເນີນທຸລະກິດ ແລະ ສິດທິມະນຸດ”, ບັນດາຜູ້ແທນໄດ້ສຸມໃສ່ການສ້າງຂອບເຂດການແກ້ໄຂບັນດາສິ່ງທ້າທາຍກ່ຽວກັບເພດ ແລະ ການປະພຶດກ່ຽວກັບດ້ານໂຄງສ້າງ ແລະ ວັດທະນະທຳ, ພ້ອມທັງເພີ່ມທະວີການປົກປ້ອງສິດໃຫ້ແກ່ແມ່ຍິງ ແລະ ເດັກນ້ອຍ. |
ມີງດຶກ