ໄຂເປີດງານຕະຫຼາດນັດສິນຄ້າຫວຽດນາມ - ລາວ 2025
 | ປະສົບການ Hanbok ແລະ ດົນຕີ Kpop ຢູ່ “ງານບຸນວັດທະນະທຳມິດຕະພາບ ຫວຽດນາມ - ສ.ເກົາຫຼີ 2025” |
| ກະຊວງປ້ອງກັນປະເທດ ຫວຽດນາມ ເຂົ້າຮ່ວມງານວາງສະແດງອຸດສາຫະກຳປ້ອງກັນຊາດຢູ່ ຕວັກກີ 2025 |
ເປັນປະທານຮ່ວມພິທີເປີດງານຕະຫຼາດນັດມີທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ລາວ ມາໄລທອງ ກົມມະສິດ, ຝ່າຍຫວຽດນາມ ມີທ່ານຮອງລັດຖະມົນຕີກະຊວງອຸດສາຫະກຳ ແລະ ການຄ້າ ເຈື່ອງແທັງຮວາຍ, ທ່ານເອກອັກຄະລັດຖະທູດຜູ້ມີອຳນາດເຕັມແຫ່ງຫວຽດນາມ ປະຈຳ ລາວ ຫງວຽນມິງເຕີມ..., ນອກນັ້ນ ຍັງມີການເຂົ້າຮ່ວມຂອງບັນດາຜູ້ຕາງໜ້າການທູດ, ອົງການສາກົນປະຈຳລາວ, ບັນດາອົງການຂ່າວ ແລະ ວິສາຫະກິດ ຫວຽດນາມ ແລະ ລາວ ຫຼາຍຄົນ.
 |
| ຜູ້ນຳຫວຽດນາມ ແລະລາວ ຕັດແຖບຜ້າເປີດງານ VIETLAO EXPO 2025. |
ກ່າວຄຳປາໄສທີ່ໄຂເປີດງານຕະຫຼາດນັດ, ທ່ານຮອງລັດຖະມົນຕີກະຊວງອຸດສາຫະກຳ ແລະ ການຄ້າ ເຈື່ອງແທັງຮວາຍ ໃຫ້ຮູ້ວ່າ ນີ້ແມ່ນໜຶ່ງໃນບັນດາການເຄື່ອນໄຫວສົ່ງເສີມການຄ້າປະຈຳປີຂະໜາດໃຫຍ່ໂດຍກະຊວງອຸດສາຫະກຳ ແລະ ການຄ້າ 2 ປະເທດສົມທົບກັນຈັດຕັ້ງ, ດ້ວຍເປົ້າໝາຍປະກອບສ່ວນປະຕິບັດບັນດາທິດທາງຂອງສອງກົມການເມືອງ, ຖະແຫຼງການຮ່ວມ ແລະ ຂໍ້ຕົກລົງຂັ້ນສູງຂອງ 2 ປະເທດ. ພິເສດແມ່ນບັນດາຄຳໝັ້ນສັນຍາກ່ຽວກັບການຮ່ວມມືດ້ານການຄ້າທີ່ກອງປະຊຸມຮ່ວມມືລະຫວ່າງລັດຖະບານ ຫວຽດນາມ - ລາວ ຄັ້ງທີ 47 ໄດ້ດຳເນີນໃນເດືອນມັງກອນ 2025, ໂດຍພາຍໃຕ້ການເປັນປະທານຂອງນາຍົກລັດຖະມົນຕີ 2 ປະເທດ.
“ງານຕະຫຼາດນັດຍັງມີຄວາມໝາຍແທດຈິງ, ປະກອບສ່ວນເພີ່ມທະວີການເຊື່ອມຈອດດ້ານເສດຖະກິດ, ຊຸກຍູ້ການລົງທຶນ ແລະ ການຄ້າ, ເປີດກວ້າງຕະຫຼາດ, ຊຸກຍູ້ບັນດາຜະລິດຕະພັນທີ່ເຂັ້ມແຂງຂອງແຕ່ລະຝ່າຍ, ສ້າງເງື່ອນໄຂໃຫ້ບັນດາວິສາຫະກິດຂອງສອງປະເທດພົບປະ, ຊອກຫາກາລະໂອກາດຮ່ວມມືດ້ານການລົງທຶນ ເພື່ອມຸ່ງໄປເຖິງການເຕີບໂຕແບບຍືນຍົງ ແລະ ວັດທະນາຖາວອນລວມ”, ທ່ານຮອງລັດຖະມົນຕີ ເຈື່ອງແທັງຮວາຍ ເນັ້ນໜັກ
ປະຕິບັດຕາມຜົນສໍາເລັດຂອງງານຕະຫຼາດນັດທີ່ຜ່ານມາ, VIETLAO EXPO 2025 ມີຂະຫນາດຂອງ 250 ຮ້ານສະແດງມາດຕະຖານ;ໃນນັ້ນມີ 120 ຮ້ານຂອງເກືອບ 80 ວິສາຫະກິດທີ່ມີຄຸນນະພາບ, ມີຊື່ສຽງຂອງຫວຽດນາມ ໃນບັນດາຂະແໜງການຄື: ເຄື່ອງຢາ ແລະ ອຸປະກອນການແພດ; ກະສິກຳ-ປ່າໄມ້-ອາຫານທະເລ ແລະ ອາຫານປຸງແຕ່ງ; ຕັດຫຍິບ - ອາພອນສະໄໝ; ຫັດຖະກຳສິລະປະ ແລະ ຕົບແຕ່ງພາຍໃນ ແລະ ພາຍນອກ; ພາດສະຕິກ ແລະ ສິນຄ້າບໍລິໂພກ...
ຄະນະຜູ້ແທນວິສາຫະກິດຫວຽດນາມ ທີ່ເຂົ້າຮ່ວມງານຕະຫຼາດນັດມີຈຸດປະສົງ: ໂຄສະນາພາບພົດຂອງປະເທດ ແລະ ວິສາຫະກິດຫວຽດນາມ; ຊຸກຍູ້ການສົ່ງອອກ, ເປີດກ້ວາງເຄືອຂ່າຍບໍລິໂພກຂອງສິນຄ້າຫວຽດນາມ ຢູ່ຕະຫຼາດລາວ ແລະ ພາກຕາເວັນອອກສຽງເໜືອຂອງໄທ; ສ້າງສະພາບແວດລ້ອມແນະນຳຄວາມສາມາດບົ່ມຊ້ອນ ແລະ ກຳລັງແຮງຂອງບັນດາວິສາຫະກິດໃນຂົງເຂດເສດຖະກິດຫວຽດນາມ... ງານຕະຫຼາດນັດ ໄດ້ ແລະ ຈະສືບຕໍ່ກາຍເປັນຂົວຕໍ່ທີ່ມີປະສິດທິຜົນໃຫ້ບັນດາອົງການການຄ້າ, ຜູ້ຜະລິດ, ນັກລົງທຶນຫວຽດນາມ - ລາວ ໄດ້ພົບປະ, ແລກປ່ຽນບົດຮຽນ, ຖ່າຍທອດເຕັກໂນໂລຢີ, ລົງທຶນ, ສ້າງຕັ້ງການຮ່ວມມື, ເຊັນສັນຍາ.
ໃນຂອບເຂດງານຕະຫຼາດນັດ, ບັນດາການເຄື່ອນໄຫວອື່ນໆຍັງຈະດຳເນີນໄປຄື: ການຄ້າລະຫວ່າງວິສາຫະກິດ ຫວຽດນາມ ແລະ ລາວ; ກອງປະຊຸມເຊື່ອມຕໍ່ການຄ້າ...
ສຳລັບ ຫວຽດນາມ, ລາວ ຍາມໃດກໍ່ຖືກກຳນົດເປັນປະຕູສຳຄັນ ເພື່ອວິສາຫະກິດພາຍໃນປະເທດພັດທະນາຕະຫຼາດຢູ່ບັນດາປະເທດອາຊຽນ. ຫວຽດນາມ ແລະ ລາວ ມີພູມສາດໃກ້ຊິດ, ມີທ່າໄດ້ປຽບໃນການຂົນສົ່ງທີ່ສະດວກ, ຄວາມສະດວກດ້ານວັດທະນະທຳ ແລະ ການບໍລິໂພກ. ສອງປະເທດມີເສັ້ນຊາຍແດນຍາວກວ່າ 2.300 ກິໂລແມັດ, ຜ່ານເສັ້ນຊາຍແດນການບໍລິຫານຂອງ 9 ແຂວງ, ນະຄອນຂອງແຕ່ລະຝ່າຍ, ເປັນເຂດທີ່ມີທ່າແຮງພັດທະນາ, ເປັນທີ່ຕັ້ງຍຸດທະສາດແລວທາງເສດຖະກິດຕາເວັນອອກຕາເວັນຕົກ.
ໃນໄລຍະມໍ່ໆມານີ້, ຍາດແຍ່ງເອົາການຊຸກຍູ້ຈາກສັນຍາການຄ້າສິນຄ້າອາຊຽນ, ສັນຍາການຄ້າສອງຝ່າຍຫວຽດນາມ - ລາວ, ສັນຍາການຄ້າຊາຍແດນຫວຽດນາມ - ລາວ ໄດ້ປະກອບສ່ວນຊຸກຍູ້ການຄ້າສິນຄ້າ ແລະ ການບໍລິການ.
ໃນປີ 2024, ວົງເງິນການຄ້າ ຫວຽດນາມ-ລາວ ບັນລຸ 2,25 ຕື້ USD, ເພີ່ມຂຶ້ນ 38,2% ເມື່ອທຽບໃສ່ປີ 2023. ໃນນັ້ນ, ວົງເງິນສົ່ງອອກຂອງ ຫວຽດນາມ ໄປຍັງ ລາວ ບັນລຸ 755,2 ລ້ານ USD, ເພີ່ມຂຶ້ນ 41,6% ເມື່ອທຽບໃສ່ປີກ່ອນ, ໃນຂະນະທີ່ ຫວຽດນາມ ນຳເຂົ້າຈາກລາວ ບັນລຸ 1,5 ຕື້ USD, ເພີ່ມຂຶ້ນ 36,5%. ຮອດປີ 2025, ການພົວພັນດ້ານເສດຖະກິດ ແລະ ການຄ້າລະຫວ່າງຫວຽດນາມ ແລະ ລາວ ຈະສືບຕໍ່ບັນທຶກການປ່ຽນແປງໃນທາງບວກຫລາຍຢ່າງ, ວົງເງິນການຄ້າຮັກສາການເຕີບໂຕຢ່າງໝັ້ນທ່ຽງ.
ໃນ 5 ເດືອນຕົ້ນປີ 2025, ວົງເງິນນໍາເຂົ້າ-ສົ່ງອອກລະຫວ່າງຫວຽດນາມ-ລາວ ບັນລຸ 1,6 ຕື້ USD, ເພີ່ມຂຶ້ນ 100.4% ເມື່ອທຽບໃສ່ໄລຍະດຽວກັນຂອງປີ 2024. ໃນນັ້ນ, ວົງເງິນສົ່ງອອກຂອງ ຫວຽດນາມ ໄປຍັງ ລາວ ບັນລຸ 583,3 ລ້ານ USD, ເພີ່ມຂຶ້ນ 144,7% ເມື່ອທຽບໃສ່ໄລຍະດຽວກັນຂອງປີ 2024. ວົງເງິນນໍາເຂົ້າຂອງຫວຽດນາມຈາກລາວບັນລຸ 979 ລ້ານ USD, ເພີ່ມຂຶ້ນ 80.9% ເມື່ອທຽບໃສ່ໄລຍະດຽວກັນຂອງປີ 2024. ຫວຽດນາມ ພວມຂາດດຸນການຄ້າກັບລາວ ດ້ວຍມູນຄ່າ 395,8 ລ້ານ USD, ເພີ່ມຂຶ້ນ 30.7% ເມື່ອທຽບໃສ່ໄລຍະດຽວກັນໃນປີ 2024. ໝາກຜົນນີ້ມີການປະກອບສ່ວນສຳຄັນຈາກວິສາຫະກິດຫວຽດນາມ ລົງທຶນ ແລະ ດຳເນີນທຸລະກິດຢູ່ລາວ.
 |
| ຜູ້ນຳທ່ຽວຊົມຮ້ານສະແດງທີ່ງານ VIETLAO EXPO 2025 |
ກ່ຽວກັບການເຄື່ອນໄຫວລົງທຶນ, ມາຮອດປະຈຸບັນ, ບັນດາວິສາຫະກິດ ຫວຽດນາມ ມີ 267 ໂຄງການລົງທຶນຢູ່ລາວ, ດ້ວຍຍອດຈຳນວນທຶນຈົດທະບຽນ 5,7 ຕື້ USD; ທຶນປະຕິບັດບັນລຸປະມານ 2,8 ຕື້ USD. ເປັນທີ່ສັງເກດ, ການລົງທຶນຂອງຫວຽດນາມ ຢູ່ລາວ ພວມສະແດງໃຫ້ເຫັນທ່າອຽງເພີ່ມຂຶ້ນອີກເທື່ອໜຶ່ງໃນທິດທາງທີ່ຍືນຍົງກວ່າ. ປີ 2024, ທຶນຈົດທະບຽນລົງທຶນຢູ່ລາວບັນລຸ 191,1 ລ້ານ USD, ເພີ່ມຂຶ້ນ 62,1% ເມື່ອທຽບໃສ່ປີ 2023. ຫຼາຍໂຄງການລົງທຶນຂອງວິສາຫະກິດຫວຽດນາມ ຢູ່ລາວ ພວມດຳເນີນຢ່າງມີປະສິດທິຜົນ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ - ສັງຄົມ, ສ້າງວຽກເຮັດງານທຳ ແລະ ລາຍຮັບໃຫ້ຄົນງານນັບພັນຄົນ, ເສີມສ້າງລາຍຮັບງົບປະມານໃຫ້ລາວ, ປະກອບສ່ວນເຂົ້າໃນວຽກງານປະກັນສັງຄົມເກືອບ 160 ລ້ານ USD.
ໝາກຜົນດັ່ງກ່າວໄດ້ຢັ້ງຢືນເຖິງຄວາມຕັດສິນໃຈດ້ານການເມືອງອັນສູງສົ່ງຂອງບັນດາການນຳຂັ້ນສູງສອງປະເທດ, ພ້ອມກັບການສົມທົບກັນຢ່າງແໜ້ນແຟ້ນ ແລະ ມີປະສິດທິຜົນລະຫວ່າງບັນດາກະຊວງ, ຂະແໜງການ, ທ້ອງຖິ່ນ ແລະ ພິເສດແມ່ນການເຊື່ອມຕໍ່ລະຫວ່າງກະຊວງອຸດສາຫະກຳ ແລະ ການຄ້າ ຫວຽດນາມ ແລະ ກະຊວງອຸດສາຫະກຳ ແລະ ການຄ້າ ລາວ. ບັນດາປະຊາຄົມວິສາຫະກິດຂອງສອງປະເທດກໍ່ໄດ້ມານະພະຍາຍາມຢ່າງບໍ່ຢຸດຢັ້ງເພື່ອຜ່ານຜ່າຄວາມຫຍຸ້ງຍາກ, ປັບຕົວເຂົ້າກັບສະພາບການເສດຖະກິດພາກພື້ນ ແລະ ສາກົນ, ຕັ້ງໜ້າຜັນຂະຫຍາຍການລົງທຶນ, ພັດທະນາຕະຫຼາດ ແລະ ຍົກສູງຄວາມສາມາດແກ່ງແຍ້ງ. ບັນດາໝາກຜົນດັ່ງກ່າວບໍ່ພຽງແຕ່ສະແດງໃຫ້ເຫັນປະສິດທິຜົນຂອງການຮ່ວມມືດ້ານເສດຖະກິດສອງຝ່າຍເທົ່ານັ້ນ, ຫາກຍັງປະກອບສ່ວນເຂົ້າໃນການຮັດແໜ້ນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດໃນໄລຍະພັດທະນາໃໝ່.
ການຈັດຕັ້ງງານຕະຫຼາດນັດສິນຄ້າຫວຽດນາມ - ລາວ ແຕ່ປີ 2007 ບໍ່ພຽງແຕ່ມີບົດບາດເປັນຂົວຕໍ່ທີ່ມີປະສິດທິຜົນໃຫ້ບັນດາວິສາຫະກິດ ແລະ ນັກລົງທຶນຫວຽດນາມ - ລາວ ໃນການພົບປະແລກປ່ຽນ, ຖ່າຍທອດເຕັກໂນໂລຢີ, ຮ່ວມມືລົງທຶນ ແລະ ສ້າງຕັ້ງການຮ່ວມມືເທົ່ານັ້ນ, ແຕ່ງານວາງສະແດງຍັງແມ່ນງານຕະຫຼາດນັດທີ່ມີຄວາມໝາຍດ້ານການເມືອງ ແລະ ເສດຖະກິດ - ສັງຄົມ ປະກອບສ່ວນເພີ່ມທະວີສາຍພົວພັນມິດຕະພາບທີ່ເປັນມູນເຊື້ອແບບພິເສດລະຫວ່າງພັກ, ລັດ ແລະ ປະຊາຊົນຫວຽດນາມ - ລາວ.
 | ເປັນຄັ້ງທຳອິດທີ່ງານໂຄສະນາອາຫານທະເລ ຫວຽດນາມ ຢູ່ງານບຸນວັດທະນະທຳອາຫານ Prague 2025 ຍສໝ - ເປັນຄັ້ງທຳອິດ, ບັນດາຜະລິດຕະພັນອາຫານທະເລຂອງຫວຽດນາມ ໄດ້ຮັບການແນະນຳຢ່າງກ້ວາງຂວາງຕໍ່ໝູ່ປະຊາຊົນສາທາລະນະລັດ ເຊັກໂກ ໃນຂອບເຂດງານບຸນວັດທະນະທຳອາຫານ Prague 2025 - ເປັນເຫດການພົບປະແລກປ່ຽນສາກົນຂະໜາດໃຫຍ່, ດຶງດູດນັກທ່ອງທ່ຽວກ່ວາ 20.000 ເທື່ອຄົນ. ດ້ວຍ 5 ຮ້ານວາງສະແດງຢູ່ສະໜາມຫຼວງ Victory, ຫວຽດນາມ ໄດ້ເຜີຍແຜ່ພາບພົດຂອງປະເທດດ້ວຍບັນດາເຍື່ອງອາຫານ, ຜະລິດຕະພັນກະເສດ ແລະ ບັນດາຜະລິດຕະພັນວັດທະນະທຳພື້ນເມືອງ, ປະກອບສ່ວນຊຸກຍູ້ການພົວພັນຄູ່ຮ່ວມມືຍຸດທະສາດ ຫວຽດນາມ ... |
 | ໄຂເຫດການ “ພົບປະອາຊຽນ ຢູ່ດານັງ ປີ 2025” ຍສໝ - ແຕ່ວັນທີ 9 – 11 ເມສາ, ເຫດການໄດ້ດຳເນີນບັນດາວາລະປຶກສາຫາລືເພື່ອແນໃສ່ເພີ່ມທະວີການຮ່ວມມືສາກົນ, ການຄ້າ, ການລົງທຶນ ແລະ ການທ່ອງທ່ຽວ ລະຫວ່າງ ດ່ານັ້ງ ກັບບັນດາຄູ່ຮ່ວມມືຂຶ້ນກັບພາກພື້ນ ອາຊຽນ. |
ມີງດຶກ