ທ່ານປະທານສະພາແຫ່ງຊາດ ເຈີ່ນແທງເໝີນ ພົບປະກັບທ່ານຮອງປະທານສະພາແຫ່ງຊາດ ລາວ
 |
| ທ່ານປະທານສະພາແຫ່ງຊາດ ເຈີ່ນແທງເໝີນ ໄດ້ພົບປະກັບທ່ານນາງ ສຸນທອນ ໄຊຍະຈັກ ຮອງປະທານສະພາແຫ່ງຊາດ ລາວ. (ພາບ: Doan Tan/TTXVN) |
ທ່ານປະທານສະພາແຫ່ງຊາດ ເຈີ່ນແທງເໝີນ ໄດ້ສົ່ງຄວາມຢື້ຢາມຖາມຂ່າວອັນອົບອຸ່ນມາຍັງທ່ານປະທານສະພາແຫ່ງຊາດ ລາວ ທ່ານ ໄຊສົມພອນ ພົມວິຫານ ແລະ ການນຳຂັ້ນສູງຂອງພັກ ແລະ ລັດ ລາວ; ພ້ອມກັນນັ້ນ ໄດ້ສົ່ງຄຳຢື້ຢາມຖາມຂ່າວຂອງທ່ານເລຂາທິການໃຫຍ່ ໂຕເລີມ, ປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິງຈິງເຖິງທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ແລະ ທ່ານນາຍົກລັດຖະມົນຕີ ສອນໄຊ ສີພັນດອນ.
ທ່ານປະທານສະພາແຫ່ງຊາດ ໄດ້ສະແດງຄວາມຊົມເຊີຍບັນດາຜົນງານດ້ານເສດຖະກິດ - ສັງຄົມ ທີ່ລາວ ບັນລຸໄດ້ໃນ 6 ເດືອນຕົ້ນປີນີ້; ຊົມເຊີຍບັນດາໝາກຜົນການຮ່ວມມືນັບມື້ນັບປັບປຸງ, ແໜ້ນແຟ້ນ ແລະ ມີປະສິດທິຜົນລະຫວ່າງສະພາແຫ່ງຊາດສອງປະເທດ, ພິເສດແມ່ນການຜັນຂະຫຍາຍຖະແຫຼງການຮ່ວມ ຫວຽດນາມ - ລາວ ແລະ ສັນຍາລະຫວ່າງ 2 ກົມໃຫຍ່ການເມືອງ ກໍ່ຄືສັນຍາຮ່ວມມືລະຫວ່າງລັດຖະບານ ແລະ ໂຄງການຮ່ວມມືລະຫວ່າງ 2 ສະພາແຫ່ງຊາດ, ປະກອບສ່ວນເຮັດໃຫ້ການພົວພັນແບບພິເສດ ຫວຽດນາມ - ລາວ ເຂົ້າສູ່ລວງເລິກ, ໝັ້ນຄົງ ແລະ ຍືນຍົງ.
ທ່ານປະທານສະພາແຫ່ງຊາດ ກໍ່ໄດ້ສົ່ງຄວາມເສົ້າສະຫຼົດໃຈຢ່າງຈິງໃຈມາຍັງປະຊາຊົນລາວ ອ້າຍນ້ອງ, ພິເສດແມ່ນອຳນາດການປົກຄອງທ້ອງຖິ່ນ ແລະ ຄອບຄົວທີ່ໄດ້ຮັບຜົນກະທົບຈາກພາຍຸ Wipha, ໂດຍສະແດງຄວາມຫວັງວ່າປະຊາຊົນລາວຈະຜ່ານຜ່າຄວາມຫຍຸ້ງຍາກໃນປະຈຸບັນໂດຍໄວ.
 |
| ທ່ານປະທານສະພາແຫ່ງຊາດ ເຈີ່ນແທງເໝີນ ໄດ້ພົບປະກັບທ່ານນາງ ສຸນທອນ ໄຊຍະຈັກ ຮອງປະທານສະພາແຫ່ງຊາດ ລາວ. (ພາບ: Doan Tan/TTXVN) |
ສຳລັບສ່ວນຕົວ, ທ່ານນາງຮອງປະທານສະພາແຫ່ງຊາດລາວ ສຸນທອນ ໄຊຍະຈັກ ກໍ່ໄດ້ສະແດງຄວາມຂອບໃຈອັນພິເສດໃຫ້ຫວຽດນາມ ຍາມໄດກໍ່ສະໜັບສະໜູນ ແລະ ຮ່ວມເດີນທາງກັບລາງ; ຢືນຢັນວ່າ ພັກ, ລັດ ແລະ ສະພາແຫ່ງຊາດ ລາວ ຍາມໃດກໍ່ຖືການພົວພັນແບບພິເສດລະຫວ່າງສອງປະເທດ ເປັນສຳຄັນ. ທ່ານນາງ ກໍ່ຊົມເຊີຍບັນດາຜົນງານ ຫວຽດນາມ ບັນລຸໄດ້, ພິເສດແມ່ນການສ້າງໂຄງປະກອບກົງຈັກບໍລິຫານຄືນໃໝ່, ກໍ່ສ້າງອຳນາດການປົກຄອງທ້ອງຖິ່ນ 2 ຊັ້ນ ແລະ ແບ່ງປັນກ່ຽວກັບສະພາບການປະຕິຮູບກົນໄກລັດຖະບານກາງຢູ່ລາວ.
2 ຝ່າຍເຫັນດີເປັນເອກະພາບສືບຕໍ່ຊຸກຍູ້ບັນດາການເຄື່ອນໄຫວທີ່ມີຄວາມໝາຍໃນປີ 2025, ກະກຽມຢ່າງຕັ້ງໜ້າໃຫ້ແກ່ການຢ້ຽມຢາມຂອງທ່ານເລຂາທິການໃຫຍ່, ປະທານປະເທດ ລາວ ມາຍັງ ຫວຽດນາມ ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນການປະຕິວັດເດືອນສິງຫາ ແລະ ວັນຊາດ (2 ກັນຍາ), ຊຸກຍູ້ບັນດາການເຄື່ອນໄຫວຮ່ວມມືລັດຖະສະພາສອງຝ່າຍ ແລະ ຫຼາຍຝ່າຍ, ຜັນຂະຫຍາຍຢ່າງຕັ້ງໜ້າການຮຽບຮຽງປື້ມລະນຶກ 50 ປີແຫ່ງການພົວພັນລະຫວ່າງສະພາແຫ່ງຊາດຫວຽດນາມ ແລະ ລາວ.
 | ຈຳໜ່າຍປຶ້ມບັນທຶກຄວາມຊົງຈຳ“ຄອບຄົວ, ເພື່ອນມິດ ແລະ ປະເທດ” ຂອງອະດີດຮອງປະທານປະເທດ ຫງວຽນທິບິ່ງ ຍສໝ - ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້ ແລະ ໂຮມປະເທດຊາດເປັນເອກະພາບ, ສຳນັກພິມຈຳໜ່າຍການເມືອງແຫ່ງຊາດ ສຶເຖິດ ໄດ້ຈຳໜ່າຍປຶ້ມບັນທຶກຄວາມຊົງຈຳ“ຄອບຄົວ, ເພື່ອນມິດ ແລະ ປະເທດ” ຂອງອະດີດຮອງປະທານປະເທດ ຫງວຽນທິບິງ ຄັ້ງທີ 2. |
 | ທ່ານປະທານປະເທດ ເລືອງເກື່ອງ ພົບປະເຈລະຈາກັບທ່ານ ປະທານາທິບໍດີ ບຣາຊິນ ຍສໝ - ໂດຍໄດ້ຮັບຄຳເຊີນຂອງທ່ານປະທານປະເທດ ເລືອງເກື່ອງ, ທ່ານປະທານນາທິບໍດີ ສາທາລະນະລັດສະຫະພັນ ບຣາຊິນ Luiz Inácio Lula da Silva ເປັນນຳໜ້າຄະນະຜູ້ແທນຂັ້ນສູງປະເທດສາທາລະນະລັດສະຫະພັນ ບຣາຊິນ ປະຕິບັດການໄປຢ້ຽມຢາມທາງລັດໄປຍັງ ຫວຽດນາມ ແຕ່ວັນທີ 27 – 29 ມີນາ 2025. |
ມີງດຶກ