ໄຂເປີດຄ້າຍພັກແລ້ງຫວຽດນາມ 2025: ສືບຕໍ່ເລື່ອງສັນຕິພາບ
ກ່າວຄຳປາໄສທີ່ພິທີໄຂເປີດ, ທ່ານນາງ ຮອງລັດຖະມົນຕີກະຊວງການຕ່າງປະເທດ ເລທິທູຮັ່ງ ເນັ້ນໜັກວ່າ ຄ້າຍພັກແລ້ງຫວຽດນາມ 2025 ດ້ວຍຫົວຂໍ້ “ຮ່ວມກັນສືບຕໍ່ຂຽນເລື່ອງສັນຕິພາບ” ແມ່ນຂ່າວສານເຖິງລຸ້ນໜຸ່ມ, ພິເສດແມ່ນລຸ້ນໜຸ່ມຊາວຫວຽດນາມ ຢູ່ຕ່າງປະເທດ ດ້ວຍຄວາມຫວັງຈະພ້ອມກັບປະເທດ, ເພີ່ມທະວີຄວາມສາມັກຄີ, ສົມທົບກັນນຳປະເທດຊາດພັດທະນາຢ່າງເຂັ້ມແຂງໃນຍຸກສະໄໝໃໝ່.
 |
| ທ່ານນາງ ຮອງລັດຖະມົນຕີກະຊວງການຕ່າງປະເທດ ເລທິທູຮັ່ງ ກ່າວຄຳປາໄສທີ່ພິທີໄຂເປີດ. (ພາບ: ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ) |
“ຂ້າພະເຈົ້າຫວັງວ່າພາຍຫຼັງການເດີນທາງຄັ້ງນີ້, ພວກນ້ອງຈະນຳເອົາຄວາມຊົງຈຳອັນລ້ຳຄ່າ, ນ້ຳໃຈມິດຕະພາບອັນສວຍງາມ, ເລິກເຊິ່ງຕໍ່ບ້ານເກີດເມືອງນອນຂອງຫວຽດນາມ - ດັ່ງນັ້ນບໍ່ວ່າຈະຢູ່ໃສ, ພວກນ້ອງຈະພາກພູມໃຈເປັນ “ລູກ ຫຼາກ, ຫຼານ ຮົ່ງ”, ພ້ອມແລ້ວທີ່ຈະປະກອບສ່ວນສ້າງໂລກແຫ່ງສັນຕິພາບ, ຄວາມສາມັກຄີ ແລະມະນຸດຊາດ, ທ່ານນາງ ຮອງລັດຖະມົນຕີກະຊວງການຕ່າງປະເທດ ເລທິທູຮັ່ງ ກ່າວ.
ທ່ານຮອງປະທານຄະນະກຳມະການປະຊາຊົນແຂວງ ດັກລັກ ເຈືອງກົງໄທ ໄດ້ສະແດງຄວາມເປັນກຽດເມື່ອ ດັກລັກ ໄດ້ຮັບເລືອກຕັ້ງເປັນທ້ອງຖິ່ນເລີ່ມດຳເນີນການເຄື່ອນໄຫວຄ້າຍພັກແລ້ງຫວຽດນາມ 2025. ທ່ານຍັງໄດ້ສະແດງຄວາມຂອບອົກຂອບໃຈຕໍ່ທ່າທີອັນສູງສົ່ງຂອງຄະນະຜູ້ແທນເມື່ອໄປມອບຂອງຂວັນໃຫ້ບັນດາຄອບຄົວທີ່ດ້ອຍໂອກາດຢູ່ບ້ານ Tuor B, ຕາແສງ Ea Na, ຖືວ່ານີ້ບໍ່ພຽງແຕ່ແມ່ນການຊ່ວຍເຫຼືອດ້ານວັດຖຸເທົ່ານັ້ນ ຫາກຍັງແມ່ນຂອງຂວັນທາງຈິດໃຈອັນອົບອຸ່ນ, ສະແດງຄວາມເມດຕາຈິດໃຈຈິງໃຈ, ປະກອບສ່ວນເຜີຍແຜ່ນ້ຳໃຈຮັກແພງເຊິ່ງກັນ ແລະ ກັນ.
ທ່ານ ເຈືອງກົງໄທ ເຊື່ອໝັ້ນວ່າ ດ້ວຍຄວາມສາມາດບົ່ມຊ້ອນ, ຄວາມຮູ້ ແລະ ຄວາມມຸ່ງມາດປາດຖະໜາ, ຊາວໜຸ່ມ ແລະ ບັນດາຜູ້ແທນຫວຽດນາມ ຢູ່ຕ່າງປະເທດຈະກາຍເປັນຂົວເຊື່ອມຕໍ່ຫວຽດນາມ ກັບໂລກ, ກາຍເປັນຜູ້ສົ່ງຂ່າວແຫ່ງສັນຕິພາບ, ການຮ່ວມມື ແລະ ພັດທະນາ, ນຳມາໃຫ້ບັນດາຄວາມຊົງຈຳອັນດີງາມ ແລະ ຄວາມຮັກແພງອັນເລິກເຊິ່ງຕໍ່ບ້ານເກີດເມືອງນອນພາຍຫຼັງຄ້າຍພັກແລ້ງ.
ກ່າວຄຳປາໄສທີ່ຕາງໜ້າໃຫ້ຊາວໜຸ່ມຫວຽດນາມ ອາໄສຢູ່ຕ່າງປະເທດ 110 ຄົນ, ທ້າວ. ຫງວຽນດຶກມິງ (ອາຍຸ 20 ປີ, ຊາວຫວຽດນາມ ອາໄສຢູ່ສະຫະພັນ ລັດເຊຍ) ໄດ້ແບ່ງປັນຄວາມຮູ້ສຶກເມື່ອເຂົ້າຮ່ວມຄ້າຍພັກແລ້ງ ຫວຽດນາມ: “ສຳລັບຂ້າພະເຈົ້າແລ້ວ, ຄ້າຍພັກແລ້ງຄັ້ງນີ້ບໍ່ແມ່ນການພັກຜ່ອນ, ແຕ່ແມ່ນການເດີນທາງເຊື່ອມຕໍ່. ຂ້າພະເຈົ້າໄດ້ຮຽນຮູ້ຫລາຍຢ່າງ, ບໍ່ພຽງແຕ່ຈາກບັນດາສະຖານທີ່ທີ່ຂ້າພະເຈົ້າໄດ້ໄປຢ້ຽມຢາມເທົ່ານັ້ນ, ຫາກຍັງຈາກບັນດາໝູ່ເພື່ອນທີ່ນັ່ງຢູ່ທີ່ນີ້ອີກດ້ວຍ - ຊາວໜຸ່ມ ຫວຽດນາມ ໃນທົ່ວໂລກ.”
ທ້າວ. ຫງວຽນດຶກມິງ ໄດ້ສະແດງຄວາມຂອບອົກຂອບໃຈ ແລະ ພາກພູມໃຈທີ່ໄດ້ເຂົ້າຮ່ວມລາຍການ, ແລະ ຢືນຢັນວ່າ ເຖິງວ່າຢູ່ຕ່າງປະເທດ, ແຕ່ຊາວໜຸ່ມຫວຽດນາມ ຢູ່ຕ່າງປະເທດຍາມໃດກໍ່ມຸ່ງໄປເຖິງບ້ານເກີດເມືອງນອນ ແລະ ປາດຖະໜາຢາກຊອກຮູ້ວັດທະນະທຳ ແລະ ປະຫວັດສາດຂອງບ້ານເກີດເມືອງນອນຕື່ມອີກ.
ໃນບັນຍາກາດຟົດຟື້ນມ່ວນຊື່ນທີ່ເຕັມໄປດ້ວຍທຸງ, ດອກໄມ້ ແລະ ເຕັມໄປດ້ວຍຄວາມກະຕືລືລົ້ນຂອງຊາວໜຸ່ມ, ບັນດາຜູ້ແທນຊາວຫວຽດນາມ ຢູ່ຕ່າງປະເທດພ້ອມກັບບັນດານັກສິລະປິນ ແລະ ຊາວໜຸ່ມນະຄອນ ດັກລັກ ໄດ້ສະແດງບັນດາລາຍການສະແດງທີ່ເປັນເອກະລັກສະເພາະ ແລະ ດູດດື່ມບັນດາຈຸດວັດທະນະທຳທີ່ເປັນເອກະລັກສະເພາະຂອງບ້ານເກີດເມືອງນອນທີ່ຕົນດຳລົງຊີວິດ ແລະ ຮ່ຳຮຽນ. ນີ້ແມ່ນໂອກາດເພື່ອເສີມຂະຫຍາຍນ້ຳໃຈສາມັກຄີ, ປະກອບສ່ວນຊຸກຍູ້ການພົວພັນມິດຕະພາບທີ່ເປັນມູນເຊື້ອລະຫວ່າງປະຊາຄົມຊາວຫວຽດນາມ ອາໄສຢູ່ຕ່າງປະເທດ ແລະ ບ້ານເກີດເມືອງນອນ.
 |
| ຜູ້ຕ່າງໜ້າຊາວຫວຽດນາມຢູ່ຕ່າງປະເທດ 110 ຄົນຖ່າຍຮູບທີ່ລະນຶກທີ່ພິທີເປີດຄ້າຍພັກແລ້ງຫວຽດນາມ 2025. (ພາບ: ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ) |
ນີ້ແມ່ນປີທຳອິດທີ່ຄ້າຍພັກແລ້ງຫວຽດນາມ ໄດ້ເປີດສາກຢູ່ ບວນມາທ້ວດ - ດິນແດນທີ່ໄດ້ເປີດສາກໄຊຊະນະຂອງຂະບວນການເຂດເນີນສູງພາກກາງ, ສ້າງຈຸດຫັນປ່ຽນປະຫວັດສາດອັນສຳຄັນໃຫ້ແກ່ໄຊຊະນະລະດູບານໃໝ່ປີ 1975, ປົດປ່ອຍພາກໃຕ້ຢ່າງຄົບຖ້ວນ ແລະ ທ້ອນໂຮມປະເທດຊາດເປັນເອກະພາບ. ບັນດາຜູ້ແທນໄດ້ໄປຢ້ຽມຢາມເຂດພູດອຍພາກກາງ ດ້ວຍຫຼາຍຈຸດທີ່ເປັນເອກະລັກສະເພາະດ້ານວັດທະນະທຳ ແລະ ການດຳລົງຊີວິດຂອງຊາວບັນດາເຜົ່າ; ພ້ອມທັງເປັນພະຍານການເພີ່ມຂຶ້ນຢ່າງແຂງແຮງຂອງແຜ່ນດິນນີ້.
ຫົວຂໍ້ ແລະ ການເຄື່ອນໄຫວຂອງຄ້າຍພັກແລ້ງປີນີ້ ເພື່ອມຸ່ງໄປເຖິງການລະນຶກ ແລະ ເຊີດຊູບັນດາຂີດໝາຍການປະຫວັດສາດສຳຄັນຂອງປະເທດຄື: ສະເຫຼີມສະຫຼອງ 95 ປີແຫ່ງວັນສ້າງຕັ້ງພັກກອມມູນິດຫວຽດນາມ (3 ກຸມພາ 1930 – 3 ກຸມພາ 2025), 135 ປີແຫ່ງວັນຄ້າຍວັນເກີດປະທານ ໂຮ່ຈີມິນ (19 ພຶດສະພາ 1890 - 19 ພຶດສະພາ 2025), 50 ປີແຫ່ງວັນປົດປ່ອຍພາກໃຕ້ ແລະ ທ້ອນໂຮມປະເທດຊາດເປັນເອກະພາບ (30 ເມສາ 1975 – 30 ເມສາ 2025) ແລະ ມຸ່ງໄປເຖິງການສະເຫຼີມສະຫຼອງ 80 ປີແຫ່ງວັນຊາດ ສາທາລະນະລັດ ສັງຄົມນິຍົມ ຫວຽດນາມ (2 ກັນຍາ 1945 – 2 ກັນຍາ 2025).
ຄ້າຍພັກແລ້ງຫວຽດນາມ 2025 ດຳເນີນແຕ່ວັນທີ 13 – 26 ກໍລະກົດ ຢູ່ຫຼາຍທ້ອງຖິ່ນໃນທົ່ວພາກເໜືອ, ພາກກາງ ແລະ ພາກໃຕ້ ດ້ວຍບັນດາການເຄື່ອນໄຫວທີ່ຫຼາກຫຼາຍເຊັ່ນ: ການລະນຶກເຖິງບັນພະບຸລຸດ ແລະ ຜູ້ເສຍສະຫຼະຊີວິດເພື່ອຊາດ; ການພົບປະ ແລະ ແລກປ່ຽນລະຫວ່າງຊາວໜຸ່ມຫວຽດນາມ ຢູ່ຕ່າງປະເທດ ແລະ ກັບຊາວໜຸ່ມພາຍໃນປະເທດ; ຮຽນຮູ້ປະຫວັດສາດ, ວັດທະນະທຳ ແລະ ຮີດຄອງປະເພນີອັນດີງາມຂອງຊາດ; ຢ້ຽມຢາມບັນດາທັດສະນີຍະພາບ, ວັດທະນະທຳທີ່ມີຕົວຕົນ ແລະ ບໍ່ມີຮູບຮ່າງຂອງຫວຽດນາມ.
 | ຫວຽດນາມ - ເນປານ: ຈະສືບຕໍ່ພັດທະນາຢ່າງແທດຈິງ, ປະສິດທິຜົນ ແລະ ຍືນຍົງ ຍສໝ - ວັນທີ 15 ພຶດສະພາ 1975, ຫວຽດນາມ ແລະ ເນປານ ໄດ້ສ້າງຕັ້ງການພົວພັນທາງການທູດຢ່າງເປັນທາງການ, ເປີດໜ້າໃໝ່ໃນການພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດ. 50 ປີທີ່ຜ່ານມາ, ການພົວພັນລະຫວ່າງ ຫວຽດນາມ - ເນປານ ສືບຕໍ່ໄດ້ຮັບການປັບປຸງ ແລະ ພັດທະນາຢ່າງແທດຈິງໃນຫລາຍຂົງເຂດ... |
 | ທ່ານເອກອັກຄະລັດຖະທູດ Knapper: ອາເມລິກາສືບຕໍ່ສະຫນັບສະຫນູນ ກວາງຈີ້ ໃນການແກ້ໄຂຜົນຮ້າຍຢ້ອນຫຼັງຈາກສົງຄາມ ຍສໝ - ວັນທີ 2 ເມສາ, ຄະນະປະຕິບັດງານກະຊວງການຕ່າງປະເທດ ໂດຍທ່ານຮອງລັດຖະມົນຕີ ໂງ່ຫວຽດຮຸ່ງ ເປັນນຳໜ້າ ພ້ອມກັບທ່ານເອກອັກຄະລັດຖະທູດ ອາເມລິກາ ປະຈຳ ຫວຽດນາມ Marc E. Knapper ໄດ້ໄປຢ້ຽມຢາມ ແລະ ເຮັດວຽກຢູ່ເມືອງ ເຮື໋ອງຮວ໋າ (ແຂວງ ກວາງຈີ້). ກ່າວຄຳປາໄສທີ່ນີ້, ທ່ານເອກອັກຄະລັດຖະທູດ Marc ... |
ມີງດຶກ