ຫວຽດນາມ ແບ່ງປັນບັນດາຜົນງານໃນການປົກປັກຮັກສາ ແລະ ຊຸກຍູ້ສິດພົນລະເມືອງ ແລະ ສິດການເມືອງໄປຍັງສາກົນ
ຄະນະລະຫວ່າງຂະແໜງການຂອງຫວຽດນາມ, ໃນນັ້ນມີບັນດາຊະມາຊິກທີ່ມາຈາກບັນດາອົງການທີ່ກ່ຽວຂ້ອງໂດຍກົງໃນການປະຕິບັດສົນທິສັນຍາ ICCPR, ໂດຍທ່ານຮອງລັດຖະມົນຕີກະຊວງຍຸຕິທຳ ຫງວຽນແທ່ງທິ້ງ ເປັນຫົວໜ້າຄະນະ ໄດ້ເຂົ້າຮ່ວມກອງປະຊຸມຄັ້ງນີ້ ດ້ວຍເປົ້າໝາຍແບ່ງປັນບັນດາບາດກ້າວທີ່ຕັ້ງໜ້າ ແລະ ບັນດາຜົນງານໃນການປົກປັກຮັກສາ ແລະ ຊຸກຍູ້ສິດພົນລະເມືອງ ແລະ ສິດການເມືອງໃນໄລຍະຜ່ານມາຢູ່ຫວຽດນາມ.
ສົນທິສັນຍາ ICCPR ແມ່ນໜຶ່ງໃນບັນດາສົນທິສັນຍາສາກົນທີ່ສຳຄັນທີ່ສຸດກ່ຽວກັບສິດທິມະນຸດ ທີ່ໄດ້ຮັບຮອງເອົາໂດຍສະມັດຊາໃຫຍ່ ສປຊ ໃນປີ 1966 ແລະ ມີຜົນບັງຄັບໃຊ້ໃນປີ 1976. ດ້ວຍຂອບເຂດລະບຽບການທີ່ກ້ວາງຂວາງ, ກວມເອົາບັນດາສິດພົນລະເຮືອນ ແລະ ການເມືອງຂອງແຕ່ລະຄົນ, ສົນທິສັນຍາ ICCPR ເກີດຂຶ້ນໄດ້ຮັບຄວາມສົນໃຈຈາກປະຊາຄົມສາກົນຢ່າງຫຼວງຫຼາຍ.
 |
| ຄະນະກຳມະການສິດທິມະນຸດສະຫະປະຊາຊາດ ໄດ້ຈັດກອງປະຊຸມຕີລາຄາບົດລາຍງານແຫ່ງຊາດຄັ້ງທີ 4 ຂອງຫວຽດນາມ ກ່ຽວກັບການປະຕິບັດສົນທິສັນຍາສາກົນກ່ຽວກັບສິດທິພົນລະເມືອງ ແລະ ສິດການເມືອງ. (ພາບ: TTXVN) |
ໃນຖານະເປັນປະເທດທີ່ຮັກແພງສັນຕິພາບ, ຍາມໃດກໍ່ຖືຜົນປະໂຫຍດຂອງປະຊາຊົນເປັນອັນດັບໜຶ່ງ, ຖືປະຊາຊົນເປັນທັງເປົ້າໝາຍ ແລະ ກຳລັງແຮງຂອງການພັດທະນາ, ພັກ ແລະ ລັດ ຍາມໃດກໍ່ເອົາໃຈໃສ່, ປົກປັກຮັກສາ ແລະ ຮັບປະກັນສິດທິມະນຸດ, ຖືວ່າແມ່ນໜ້າທີ່ ແລະ ບຸລິມະສິດສູງສຸດ.
ພ້ອມກັບການເຂົ້າຮ່ວມສົນທິສັນຍາ ICCPR ໃນວັນທີ 24 ກັນຍາ 1982, ຫວຽດນາມ ນັບມື້ນັບບັນລຸໄດ້ບັນດາຜົນງານອັນໃຫຍ່ຫຼວງໃນການປົກປັກຮັກສາ ແລະ ເສີມຂະຫຍາຍສິດທິມະນຸດ ແລະ ສິດພົນລະເມືອງ. ລັດຖະທຳມະນູນປີ 2013 ແມ່ນຂີດໝາຍບາດກ້າວບຸກທະລຸທີ່ສຳຄັນຂອງຫວຽດນາມ ໃນຂົງເຂດຄວາມຮັບຮູ້ກ່ຽວກັບສິດທິມະນຸດ ແລະ ຄວາມຮັບຜິດຊອບຂອງບັນດາອົງການ, ບຸກຄົນໃນການຮັບຮູ້, ເຄົາລົບ, ປົກປັກຮັກສາ ແລະ ຮັບປະກັນສິດທິມະນຸດ ແລະ ສິດພົນລະເມືອງໃນທຸກຂົງເຂດ.
ໃນຊຸມປີມໍ່ໆມານີ້, ເອກະສານມາດຕະເກນທີ່ສຳຄັນຫຼາຍສະບັບກ່ຽວກັບສິດທິມະນຸດໄດ້ຮັບການປັບປຸງ, ເພີ່ມເຕີມ ຫຼື ປະກາດໃຊ້ໃໝ່. ບັນດາຜົນງານໃນດ້ານອົງການຈັດຕັ້ງປະຕິບັດກົດໝາຍພ້ອມກັບບັນດາຄວາມມານະພະຍາຍາມກ່ຽວກັບການປະຕິຮູບນິຕິກຳໃນໄລຍະມໍ່ໆມານີ້ ແມ່ນບັນດາປັດໄຈກົດໝາຍສຳຄັນເພື່ອຮັບປະກັນໃຫ້ປະຊາຊົນຫວຽດນາມທຸກຄົນມີກາລະໂອກາດ ແລະ ເງື່ອນໄຂສະດວກເພື່ອຊົມໃຊ້ສິດພົນລະເມືອງ ແລະ ການເມືອງຢ່າງຄົບຖ້ວນ.
 |
| ສາກຂອງກອງປະຊຸມ. (ພາບ: TTXVN) |
ການປະຕິບັດພັນທະຂອງປະເທດສະມາຊິກສົນທິສັນຍາທີ່ໄດ້ກຳນົດໄວ້ໃນຂໍ້ 1, ມາດຕາ 40 ຂອງສົນທິສັນຍາ ICCPR, ໃນເດືອນ ມີນາ 2023, ຫວຽດນາມ ໄດ້ຍື່ນບົດລາຍງານແຫ່ງຊາດຄັ້ງທີ 4 ກ່ຽວກັບການປະຕິບັດສົນທິສັນຍາ ແລະ ທ້າຍປີ 2024 ໄດ້ຍື່ນບົດລາຍງານຕອບສະໜອງບັນຊີລາຍຊື່ບັນດາບັນຫາທີ່ກ່ຽວຂ້ອງຂອງຄະນະກຳມະການສິດທິມະນຸດ.
ບົດລາຍງານດັ່ງກ່າວໄດ້ຖືກກະກຽມຕາມຄໍາແນະນໍາຂອງຄະນະກໍາມະການສິດທິມະນຸດ, ໂດຍມີການປຶກສາຫາລືຢ່າງກວ້າງຂວາງກັບພາກສ່ວນທີ່ກ່ຽວຂ້ອງ. ບົດລາຍງານສະແດງໃຫ້ເຫັນຢ່າງຈະແຈ້ງເຖິງການພັດທະນາຮອບດ້ານໃນການປົກປັກຮັກສາ ແລະ ຊຸກຍູ້ສິດພົນລະເມືອງ ແລະ ສິດທິການເມືອງ ນັບແຕ່ຫວຽດນາມ ໄດ້ຍື່ນບົດລາຍງານຄັ້ງທີ 3 ໃນປີ 2019, ພ້ອມທັງຢືນຢັນການປະຕິບັດບັນດາຄຳໝັ້ນສັນຍາໃນສົນທິສັນຍາສາກົນທີ່ ຫວຽດນາມ ເຂົ້າເປັນສະມາຊິກ.
ດ້ວຍແຜນການນະໂຍບາຍຖືມະນຸດເປັນໃຈກາງ, ເປົ້າໝາຍ ແລະ ກຳລັງແຮງຂອງຂະບວນການປ່ຽນໃໝ່, ພັດທະນາປະເທດຊາດ, ນັບແຕ່ໄດ້ຍື່ນສະເໜີບົດລາຍງານການປະຕິບັດ ICCPR ຄັ້ງທີ 3 ປີ 2019, ຫວຽດນາມ ສືບຕໍ່ສຳເລັດລະບົບກົດໝາຍ ແລະ ນະໂຍບາຍສິດທິມະນຸດ ແລະ ບັນລຸໄດ້ບັນດາຜົນງານໃນພາກປະຕິບັດ.
ບັນດາສິດໃນການເຂົ້າເຖິງຄວາມຍຸຕິທຳ, ຄວາມສະເໝີພາບຕໍ່ກົດໝາຍ, ສິດມີຊີວິດ, ການປົກປ້ອງສຸຂະພາບ, ການສຶກສາ, ຮັບປະກັນຊີວິດສັງຄົມ, ສິດເສລີໃນການເຊື່ອຖືສາສະໜາ, ສິດເສລີດ້ານຂ່າວ, ອິນເຕີເນັດ, ຄວາມສະເໝີພາບທາງເພດລ້ວນແຕ່ໄດ້ຮັບຄວາມຄືບໜ້າຢ່າງຈະແຈ້ງ. ບັນດາດັດຊະນີການພັດທະນາມະນຸດ (HDI), ດັດຊະນີຄວາມສະເໝີພາບລະຫວ່າງຍິງ-ຊາຍ (GEI) ຂອງຫວຽດນາມ ໂດຍບັນດາອົງການສະຫະປະຊາຊາດຈັດອັນດັບ ໄດ້ຮັບການປັບປຸງຢ່າງຕໍ່ເນື່ອງ.
 |
| ການເຂົ້າຮ່ວມກອງປະຊຸມຂອງຄະນະກຳມະການສິດທິມະນຸດຄັ້ງນີ້ ສະແດງໃຫ້ເຫັນຄວາມຈິງຈັງຂອງຫວຽດນາມ ໃນການປະຕິບັດພັນທະຂອງຕົນໃນການລາຍງານກ່ຽວກັບສະພາບການປະຕິບັດບັນດາຄໍາໝັ້ນສັນຍາສາກົນ. (ພາບ: TTXVN) |
ລັດຖະບານໄດ້ມີຫຼາຍນະໂຍບາຍ, ມາດຕະການ ເພື່ອປົກປັກຮັກສາສຸຂະພາບຂອງປະຊາຊົນ, ພັດທະນາເສດຖະກິດ ແລະ ສັງຄົມໃນໄລຍະ ແລະ ພາຍຫຼັງໂລກລະບາດໂຄວິດ-19, ຊຸກຍູ້ການຫັນເປັນພື້ນຖານເສດຖະກິດສີເສດຖະກິດດີຈີຕອນ, ເສດຖະກິດວົງຈອນຂຽວ, ເສດຖະກິດດີຈີຕອນ, ເສດຖະກິດວົງຈອນ ຢ່າງຕັ້ງໜ້າ ແລະ ະຕິບັດຄຳໝັ້ນສັນຍາຂອງຫວຽດນາມ ຕາມສົນທິສັນຍາສາກົນກ່ຽວກັບສິດທິມະນຸດ.
ການເຂົ້າຮ່ວມກອງປະຊຸມຂອງຄະນະກຳມະການສິດທິມະນຸດຄັ້ງນີ້ ໄດ້ສະແດງໃຫ້ເຫັນຄວາມຈິງຈັງຂອງຫວຽດນາມ ໃນການປະຕິບັດພັນທະຂອງຕົນໃນບົດລາຍງານກ່ຽວກັບສະພາບການປະຕິບັດຄຳໝັ້ນສັນຍາສາກົນ. ການໂອ້ລົມສົນທະນາທີ່ກອງປະຊຸມຍັງຊ່ວຍໃຫ້ຄະນະກຳມະການສິດທິມະນຸດ ແລະ ບັນດາປະເທດເຫັນໄດ້ຢ່າງຈະແຈ້ງກ່ຽວກັບສະພາບລວມຂອງການພັດທະນາຢ່າງຮອບດ້ານ ແລະ ວ່ອງໄວ ໃນການປົກປ້ອງ ແລະ ຊຸກຍູ້ສິດທິພົນລະເຮືອນ ແລະ ການເມືອງ ນັບແຕ່ຫວຽດນາມ ໄດ້ຍື່ນບົດລາຍງານຄັ້ງທີ 3 ໃນປີ 2019 ເປັນຕົ້ນມາ.
 |
| ຄະນະຜູ້ແທນຫວຽດນາມ ເຂົ້າຮ່ວມກອງປະຊຸມ. (ພາບ: TTXVN) |
ກ່ຽວກັບບາງຄຳເຫັນທີ່ອີງໃສ່ບັນດາແຫຼ່ງຂໍ້ມູນທີ່ບໍ່ທັນໄດ້ຮັບການຢັ້ງຢືນຂອງບາງອົງການ ແລະ ບຸກຄົນກ່ຽວກັບສະພາບການການປະຕິບັດສົນທິສັນຍາ ICCPR ຢູ່ ຫວຽດນາມ, ຄະນະຜູ້ແທນຫວຽດນາມ ໄດ້ອະທິບາຍ, ສະໜອງຂໍ້ມູນຂ່າວສານທີ່ຖືກຕ້ອງ, ເນັ້ນໜັກເຖິງບັນດາຫຼັກການການຕ່າງປະເທດ, ການຮ່ວມມື, ເຄົາລົບຄວາມແຕກຕ່າງ.
 | ສະຫະພັນບັນດາອົງການມິດຕະພາບຫວຽດນາມ ແລະ ສະຖານທູດລາວ ປະຈຳຫວຽດນາມ ໄດ້ປຶກສາຫາລືກ່ຽວກັບກົນໄກປະສານງານເພື່ອຊຸກຍູ້ການພົວພັນມິດຕະພາບກັບປະຊາຊົນ. ຍສໝ - ວັນທີ 25 ມິຖຸນາ, ຢູ່ຮ່າໂນ້ຍ, ທ່ານປະທານສະຫະພັນບັນດາອົງການມິດຕະພາບ ຫວຽດນາມ ຟານແອງເຊີນ ໄດ້ມີການພົບປະເຈລະຈາກັບທ່ານເອກອັກຄະລັດຖະທູດລາວ ປະຈຳຫວຽດນາມ ຄຳເພົາ ເອີນທະວັນ. ສອງຝ່າຍໄດ້ປຶກສາຫາລືກ່ຽວກັບກົນໄກປະສານງານເພື່ອຊຸກຍູ້ການພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດຫວຽດນາມ - ລາວ, ປະກອບສ່ວນເຮັດໃຫ້ເພີ່ມທະວີຄວາມສາມັກຄີແບບພິເສດລະຫວ່າງສອງປະເທດເລິກເຊິ່ງກ່ວາອີກ. |
 | ຫວຽດນາມ ຢືນຢັນທີ່ຕັ້ງໃຈກາງໃນການຮັກສາສັນຕິພາບຂອງ ສປຊ ຍສໝ - ບັນດາການເຄື່ອນໄຫວນີ້ຊ່ວຍກວດພົບບັນດາບັນຫາກ່ຽວກັບສຸຂະພາບໂດຍໄວ, ພິເສດແມ່ນໃນເງື່ອນໄຂອາກາດຮ້າຍແຮງ ແລະ ສະພາບການເຮັດວຽກທີ່ມີຄວາມກົດດັນຫຼາຍຢ່າງຢູ່ຊູດັງໃຕ້. |
ມີງດຶກ