VUFO ຮ່ວມມືເພື່ອເສີມຂະຫຍາຍບົດບາດແລກປ່ຽນປະຊາຊົນລະຫວ່າງຫວຽດນາມ ແລະ ຟີລິບປິນ
 | VUFO ແລະ SOS KDI ເພີ່ມທະວີການຮ່ວມມືເພື່ອໜູນຊ່ວຍເດັກນ້ອຍໃນສະພາບຄວາມຫຍຸ້ງຍາກ |
| ຫວຽດນາມ ສືບຕໍ່ປະສານສົມທົບ ແລະ ແລກປ່ຽນກັບ ອາເມລິກາ |
ຕາມທ່ານ ຟ່ານແອງເຊີນ ແລ້ວ, ສະມາຄົມມິດຕະພາບຟີລິບປິນ - ຫວຽດນາມ ແລະ ສະມາຄົມມິດຕະພາບ ຫວຽດນາມ - ຟີລິບປິນ ໄດ້ຈັດຕັ້ງການພົບປະແລກປ່ຽນຄະນະຜູ້ແທນເປັນປະຈຳ. ເຖິງຢ່າງໃດກໍຕາມ, ໃນ 5 ປີທີ່ຜ່ານມາ, ຍ້ອນຫຼາຍເຫດຜົນຢ່າງພາວະວິໄສ, ບັນດາການຢ້ຽມຢາມບໍ່ໄດ້ຮັບການຈັດຕັ້ງເປັນປະຈຳ. ການຢ້ຽມຢາມຄັ້ງນີ້ ຂອງຄະນະຜູ້ແທນສະມາຄົມຟີລິບປິນ - ຫວຽດນາມ ແມ່ນມີຄວາມໝາຍສຳຄັນ, ໄດ້ດຳເນີນເນື່ອງໃນໂອກາດສະເຫຼີມສະຫຼອງ 10 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດລະຫວ່າງ 2 ປະເທດ (17 ພະຈິກ 2015 – 17 ພະຈິກ 2025).
 |
| ທ່ານປະທານສະຫະພັນບັນດາອົງການມິດຕະພາບຫວຽດນາມ ຟ່ານແອງເຊີນ (ຂວາ) ໄດ້ຕ້ອນຮັບ ແລະ ເຮັດວຽກກັບທ່ານປະທານສະມາຄົມມິດຕະພາບ ຟີລິບປິນ - ຫວຽດນາມ Mario Ferdinand Anyon Pasion. (ພາບ: Dinh Hoa) |
ກ່ອນໜ້ານັ້ນ, ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້ ແລະ ທ້ອນໂຮມປະເທດຊາດເປັນເອກະພາບ (30 ເມສາ 1975 – 30 ເມສາ 2025), VUFO ໄດ້ຕ້ອນຮັບຜູ້ແທນສາກົນ 120 ກວ່າຄົນມາ ຫວຽດນາມ, ໃນນັ້ນມີຜູ້ແທນຈາກຟີລິບປິນ. ນີ້ແມ່ນເພື່ອນມິດທີ່ໄດ້ໜູນຊ່ວຍ ຫວຽດນາມ ເປັນເວລາຫຼາຍປີໃນພາລະກິດຕໍ່ສູ້ຍາດເອົາເອກະລາດແຫ່ງຊາດ ແລະ ສືບຕໍ່ພ້ອມກັບ ຫວຽດນາມ ໃນໄລຍະພັດທະນາ ແລະ ເຊື່ອມໂຍງ.
ໃນສະພາບການພັດທະນາທີ່ບໍ່ສາມາດຄາດຄະເນໄດ້ໃນໂລກ ແລະ ພາກພື້ນ, ຫວຽດນາມ - ຟີລິບປິນ ຕ້ອງຮ່ຳຮຽນຈາກບັນດາປະສົບການຂອງກັນ ແລະເພີ່ມທະວີການຮ່ວມມືໃນຫຼາຍຂົງເຂດ. ພ້ອມກັນນັ້ນ, ສອງປະເທດຕ້ອງຊຸກຍູ້ການຮ່ວມມືກັບບັນດາປະເທດ ອາຊຽນ ເພື່ອສັນຕິພາບ ແລະ ສະຖຽນລະພາບຢູ່ພາກພື້ນ ແລະ ໃນໂລກ.
ກ່ຽວກັບການທູດປະຊາຊົນ, ສະມາຄົມມິດຕະພາບ ຫວຽດນາມ - ຟີລິບປິນ ແລະ ສະມາຄົມມິດຕະພາບ ຟີລິບປິນ - ຫວຽດນາມ ຕ້ອງເພີ່ມທະວີການປະສານງານ, ແລກປ່ຽນຂໍ້ມູນ; ຊ່ວຍໃຫ້ປະຊາຊົນສອງປະເທດເຂົ້າໃຈຢ່າງເລິກເຊິ່ງກ່ວາອີກກ່ຽວກັບການພົວພັນຄູ່ຮ່ວມມືຍຸດທະສາດ ຫວຽດນາມ - ຟີລິບປິນ ແລະ ບົດບາດຂອງສອງສະມາຄົມ. ພ້ອມກັນນັ້ນ, 2 ສະມາຄົມຕ້ອງແລກປ່ຽນ, ແບ່ງປັນຢ່າງຕັ້ງໜ້າ ກ່ຽວກັບທັດສະນະ, ຄວາມມຸ່ງມາດປາດຖະໜາ ເພື່ອສັນຕິພາບຂອງປະຊາຊົນສອງປະເທດ. ທ່ານ ຟ່ານແອງເຊີນ ສະເໜີໃຫ້ 2 ສະມາຄົມປຶກສາຫາລືບັນດາຂໍ້ລິເລີ່ມເພື່ອເພີ່ມທະວີການເຂົ້າຮ່ວມຂອງຊາວໜຸ່ມເຂົ້າໃນບັນດາການເຄື່ອນໄຫວຂອງສະມາຄົມ, ເພີ່ມທະວີການຮ່ວມມືລະຫວ່າງບັນດາສະຖາບັນການສຶກສາຊັ້ນສູງຂອງສອງປະເທດ.
ທ່ານປະທານສະມາຄົມມິດຕະພາບຟີລິບປິນ - ຫວຽດນາມ Mario Ferdinand Anyon Pasion ໃຫ້ຮູ້ວ່າ ລາວ ແລະ ຄອບຄົວມີຄວາມຮູ້ສຶກທີ່ດີ ແລະ ມີການພົວພັນມິດຕະພາບທີ່ເປັນມູນເຊື້ອກັບ ຫວຽດນາມ. ທ່ານກ່າວວ່າ ຫວຽດນາມ, ຟີລິບປິນ ແລະ ບັນດາປະເທດອາຊຽນ ຕ້ອງເພີ່ມທະວີການສົມທົບກັນໃນການເຈລະຈາດ້ານພາສີກັບ ອາເມລິກາ, ຊຸກຍູ້ການແກ້ໄຂການພິພາດຢູ່ທະເລຕາເວັນອອກດ້ວຍມາດຕະການທາງການທູດ.
ທ່ານເຫັນດີເປັນເອກະພາບເພີ່ມທະວີການພົບປະແລກປ່ຽນ, ສົມທົບກັນລະຫວ່າງສະມາຄົມມິດຕະພາບ ຫວຽດນາມ - ຟີລິບປິນ ແລະ ສະມາຄົມມິດຕະພາບ ຟີລິບປິນ - ຫວຽດນາມ, ພ້ອມທັງສະເໜີໃຫ້ 2 ສະມາຄົມຊຸກຍູ້ການພົບປະແລກປ່ຽນ ແລະ ຮ່ວມມືລະຫວ່າງນັກສຶກສາ ແລະ ມະຫາວິທະຍາໄລກ່ຽວກັບຄວາມໝັ້ນຄົງ ແລະ ກອງທັບຂອງ 2 ປະເທດ; ຊຸກຍູ້ການຮ່ວມມືໃນຂົງເຂດການເງິນ, ວິສາຫະກິດ.
ກໍ່ໃນວັນດຽວກັນ, ສະມາຄົມມິດຕະພາບ ຫວຽດນາມ - ຟີລິບປິນ ໄດ້ຕ້ອນຮັບ ແລະ ເຮັດວຽກກັບຄະນະຜູ້ແທນສະມາຄົມມິດຕະພາບ ຟີລິບປິນ - ຫວຽດນາມ. ກ່າວຄຳປາໄສທີ່ການຕ້ອນຮັບ, ທ່ານ ຟູງດຶກຕ໋ຽນ, ປະທານສະມາຄົມມິດຕະພາບ ຫວຽດນາມ - ຟີລິບປິນ, ຮອງລັດຖະມົນຕີກະຊວງກະສິກຳ ແລະ ສິ່ງແວດລ້ອມ ໄດ້ຕີລາຄາສູງການພົວພັນອັນດີງາມລະຫວ່າງ ຫວຽດນາມ - ຟີລິບປິນ, ພິເສດແມ່ນໃນຂົງເຂດການຄ້າ, ກະສິກຳ ແລະ ການປະມົງ. ທ່ານ ຟຸ່ງດຶກຕ໋ຽນ ກໍ່ໄດ້ສະແດງຄວາມເຊື່ອໝັ້ນວ່າ ການຮ່ວມມືລະຫວ່າງຫວຽດນາມ ແລະ ຟີລິບປິນ ຈະນັບມື້ນັບພັດທະນາ, ຕອບສະໜອງຄວາມຄາດໝາຍຂອງລັດຖະບານ ແລະ ປະຊາຊົນສອງປະເທດ.
 |
| ທ່ານປະທານສະມາຄົມມິດຕະພາບຫວຽດນາມ - ຟີລິບປິນ ຟູງດຶກຕ໋ຽນ (ຊ້າຍ) ແລະ ທ່ານປະທານສະມາຄົມມິດຕະພາບ ຟີລິບປິນ - ຫວຽດນາມ Mario Ferdinand Anyon Pasion ໄດ້ລົງນາມໃນບົດບັນທຶກການເຮັດວຽກ. (ພາບ: Dinh Hoa) |
ທ່ານປະທານສະມາຄົມມິດຕະພາບຟີລິບປິນ - ຫວຽດນາມ Mario Ferdinand Anyon Pasion ໄດ້ສະແດງຄວາມຂອບໃຈສະມາຄົມມິດຕະພາບ ຫວຽດນາມ - ຟີລິບປິນ ທີ່ໄດ້ຕ້ອນຮັບ. ໃນຫຼາຍປີມານີ້, 2 ສະມາຄົມໄດ້ຮັກສາການຮ່ວມມືຢ່າງແໜ້ນແຟ້ນ ແລະ ມີປະສິດທິຜົນ. ຟີລິບປິນ ມີສາຍພົວພັນມິດຕະພາບອັນເປັນມູນເຊື້ອກັບຫວຽດນາມ. ໃນໄລຍະສົງຄາມຕໍ່ຕ້ານຫວຽດນາມເພື່ອເອກະລາດ, ຟີລິບປິນຄັດຄ້ານຄຳຮຽກຮ້ອງຂອງອາເມລິກາທີ່ຈະສົ່ງທະຫານໄປຫວຽດນາມ. ໃນການຕອບໂຕ້, ຟີລິບປິນໄດ້ສົ່ງນັກຊ່ຽວຊານ, ທ່ານໝໍ, ນັກວິສະວະກອນໄປໜູນຊ່ວຍຫວຽດນາມ. ທ່ານຫວັງວ່າການພົວພັນລະຫວ່າງສອງປະເທດຈະສືບຕໍ່ພັດທະນາຢ່າງຕັ້ງໜ້າໃນອະນາຄົດ.
ທີ່ການພົບປະ ແລະ ເຮັດວຽກ, ທ່ານປະທານສະມາຄົມມິດຕະພາບຫວຽດນາມ - ຟີລິບປິນ ແລະ ທ່ານປະທານສະມາຄົມມິດຕະພາບຟີລິບປິນ - ຫວຽດນາມ ໄດ້ລົງນາມໃນບົດບັນທຶກເຮັດວຽກ.ຕາມນັ້ນແລ້ວ, 2 ຝ່າຍໄດ້ເຫັນດີເປັນເອກະສັນກ່ຽວກັບທິດທາງການຮ່ວມມືໃນອະນາຄົດ, ມຸ່ງໄປເຖິງວັນສ້າງຕັ້ງການພົວພັນຄູ່ຮ່ວມມືຍຸດທະສາດຫວຽດນາມ - ຟີລິບປິນ ຄົບຮອບ 10 ປີ (17 ພະຈິກ 2015 – 17 ພະຈິກ 2025) ແລະ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດ (12 ກໍລະກົດ 1976 – 12 ກໍລະກົດ 2025).
 | VUFO, ສູນຄົ້ນຄວ້າລາຄາ ແລະ ໂຄສະນາແຫ່ງຊາດ ສືບຕໍ່ສົມທົບກັນຊຸກຍູ້ການພົວພັນແລກປ່ຽນປະຊາຊົນລະຫວ່າງ ຫວຽດນາມ ແລະ ເບລາຣຸດ ຍສໝ - ນັ້ນແມ່ນຈິດໃຈຂອງການພົບປະ ແລະ ເຮັດວຽກລະຫວ່າງທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ (VUFO) ແລະ ທ່ານ Nikolai Borisevish, ຜູ້ອຳນວຍການສູນຄົ້ນຄວ້າລາຄາ ແລະ ໂຄສະນາແຫ່ງຊາດ ຂຶ້ນກັບກະຊວງການຕ່າງປະເທດ ເບລາຣຸດ (TTQG) ໄດ້ດຳເນີນໃນວັນທີ 2 ເມສາ ຢູ່ ຮ່າໂນ້ຍ. |
 | ຂີດໝາຍໃໝ່ໃນການຮ່ວມມື ແລະ ການພົບປະແລກປ່ຽນປະຊາຊົນລະຫວ່າງ ຫວຽດນາມ - ສິງກະໂປ ຍສໝ - ວັນທີ 26 ມີນາ, ຢູ່ຮ່າໂນ້ຍ, ພາຍໃຕ້ການເປັນສັກຂີພິຍານຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ທ່ານນາຍົກລັດຖະມົນຕີ ສິງກະໂປ Lawrence Wong, ທ່ານ ຮອງປະທານກອງທຶນສາກົນສິງກະໂປ Lian Wee Cheow ແລະ ທ່ານຮອງປະທານ - ເລຂາໃຫຍ່ສະມາຄົມມິດຕະພາບ ຫວຽດນາມ - ... |
ມີງດຶກ