ຫາຍຟ່ອງ ເປີດກວ້າງການຮ່ວມມືກັບບັນດາທ້ອງຖິ່ນຂອງ ຈີນ
| ສະໜັບສະໜູນແຂວງ ບິ່ງດິ້ງ ເປີດກວ້າງການການພົວພັນຮ່ວມມືມິດຕະພາບກັບບັນດາທ້ອງຖິ່ນຂອງ ຍີ່ປຸ່ນ | |
| ຊຸກຍູ້ການເຊື່ອມໂຍງວິສາຫະກິດຂະໜາດກາງ ແລະ ນ້ອຍແຂວງ ຫາຍຟ່ອງ ກັບບັນດາຄູ່ຮ່ວມມື ສິງກະໂປ |
ພັດທະນາຖະໜົນວັດທະນະທໍາ - ອາຫານ ຕອນກາງຄືນ
ການຮ່ວມມືກໍ່ສ້າງເພື່ອພັດທະນາບັນດາສູນກາງການຄ້າ; ການຮ່ວມມືພັດທະນາການທ່ອງທ່ຽວ; ບັນດາຖະໜົນວັດທະນະທຳ - ອາຫານ ຕອນກາງຄືນ... ແມ່ນບັນດາຂໍ້ສະເໜີການຮ່ວມມືທີ່ໄດ້ຍົກອອກໃນກອງປະຊຸມເຮັດວຽກໃນວັນທີ 13 ພຶດສະພາ ລະຫວ່າງຄະນະຜູ້ແທນອຳນາດການປົກຄອງເຂດ ຊິງຊິວ, ນະຄອນ ໜານໜິງ, ແຂວງ ກວາງຊີ (ຈີນ) ກັບການນຳເມືອງ ໂງກວ່ຽນ, ນະຄອນ ຫາຍຟ່ອງ.
 |
| ທີ່ການເຮັດວຽກລະຫວ່າງຄະນະຜູ້ແທນອຳນາດການປົກຄອງເຂດ ຊິງຊິວ, ນະຄອນ ໜານໜິງ, ແຂວງ ກວາງຊີ (ຈີນ) ກັບການນຳເມືອງ ໂງກວ່ຽນ, ນະຄອນ ຫາຍຟ່ອງ. (ພາບ: ຄວາມປອດໄພ ຫາຍຟ່ອງ) |
ກ່າວຄຳປາໄສທີ່ການເຮັດວຽກ, ທ່ານປະທານຄະນະກຳມະການປະຊາຊົນເມືອງ ໂງກວ່ຽນ ກາບຈ້ອງຕ໋ວນ ໄດ້ແນະນຳບັນດາຜົນງານທີ່ພົ້ນເດ່ັນ, ຄວາມສາມາດບົ່ມຊ້ອນ, ທ່າໄດ້ປຽບຂອງທ້ອງຖິ່ນ. ພ້ອມກັນນັ້ນ ກໍໄດ້ຕີລາຄາເຂດ ຊິງຊິວ ແມ່ນສູນກາງການເມືອງ, ວັດທະນະທຳສັງຄົມຂອງນະຄອນ ໜານໜິງ, ດ້ວຍຫຼາຍວິສາຫະກິດເຄື່ອນໄຫວຢ່າງເຂັ້ມແຂງໃນຂະແໜງການບໍລິການ, ງານຕະຫຼາດນັດວາງສະແດງສາກົນ, ການຫັນເປັນດີຈີຕອນ, ພະລັງງານ... ທີ່ນີ້ ກໍມີຫຼາຍນະໂຍບາຍທີ່ດຶງດູດຜູ້ເກັ່ງກ້າ, ເອື້ອອຳນວຍການລົງທຶນ, ນະໂຍບາຍການຄ້າ, ໂຄງການ, ວິທີແກ້ໄຂເພື່ອພັດທະນາເສດຖະກິດ-ສັງຄົມ, ການເຊື່ອມໂຍງສາກົນ...
ບົນພື້ນຖານບົດບັນທຶກການຮ່ວມມືທີ່ໄດ້ລົງນາມລະຫວ່າງສອງທ້ອງຖິ່ນໃນວັນທີ 18 ເມສາ 2024, ທ່ານ ກາບຈ້ອງຕ໋ວນ ສະເໜີໃຫ້ສອງຝ່າຍແບ່ງປັນບັນດາບົດຮຽນ, ຮຽນຮູ້ປະສົບການເຊິ່ງກັນ ແລະ ກັນ, ສ້າງກຳລັງຜັກດັນພັດທະນາເສດຖະກິດ-ສັງຄົມ; ຊອກຫາກາລະໂອກາດຮ່ວມມື; ແມ່ນຂົວເຊື່ອມຕໍ່ເພື່ອຕິດພັນວິສາຫະກິດຂອງສອງປະເທດ.
ທ່ານກໍຫວັງວ່າ ການນຳເຂດ ຊີງຊິວ ພ້ອມກັນກັບບັນດາວິສາຫະກິດ ຈະມາຢ້ຽມຢາມນະຄອນ ຫາຍຟ່ອງ ແລະ ເມືອງ ໂງກວ່ຽນ ໃນໄລຍະຈະມາເຖິງ ເພື່ອແລກປ່ຽນ, ປຶກສາຫາລືບັນດາກາລະໂອກາດ, ທິດທາງ, ການຮ່ວມມື, ພ້ອມກັນພັດທະນາໃນອະນາຄົດ.
ລະອຽດ, ທ່ານ ກາບຈ້ອງຕ໋ວນ ສະເໜີໃຫ້ເຂດ ຊີງຊິວ ເອົາໃຈໃສ່ໃນບາງຂົງເຂດຄື: ການຮ່ວມມືກໍ່ສ້າງບັນດາສູນກາງການຄ້າ (ປະຈຸບັນ, ເມືອງ ໂງກວ່ຽນ ມີທີ່ດິນກວ່າ 90 ເຮັກຕາ ຢູ່ບັນດາຖະໜົນ ເລກວາງດ້າວ, ເລຮົ່ງຟອງ; ແລັກໄຈ; ເຂດຕົວເມືອງ, ການຄ້າ, ການບໍລິການລຽບຕາມແມ່ນ້ຳ ເກີ່ມ...); ການຮ່ວມມືພັດທະນາການທ່ອງທ່ຽວ; ຖະໜົນວັດທະນະທຳ - ອາຫານ ຕອນກາງຄືນຢູ່ຖະໜົນ ຟຸ່ງຈີ໋ກຽນ; ຖະໜົນລຽບຕາມໜອງ ອານບຽນ.
ທ່ານ ຢ່າງຢ່ຽນວິງ, ຮອງປະທານອຳນາດການປົກຄອງເຂດ ຊີງຊິວ ໃຫ້ຮູ້ວ່າ ເຂດ ຊີງຊິວ ໄດ້ຮັບການຕີລາຄາຈັດເປັນອັນດັບໜຶ່ງຂອງແຂວງ ກວາງຊີ (ຈີນ) ດ້ວຍຄວາມສາມາດບົ່ມຊ້ອນພັດທະນາຫຼາຍຢ່າງ. ທ່ານກໍປະທັບໃຈຕໍ່ບັນດາໝາກຜົນອັນພົ້ນເດັ່ນໃນການພັດທະນາເສດຖະກິດ - ສັງຄົມຂອງນະຄອນ ຫາຍຟ່ອງ ເວົ້າລວມ ແລະ ເມືອງ ໂງກວ່ຽນ ເວົ້າສະເພາະ.
ເຫັນດີເປັນເອກະພາບກັບບັນດາຂໍ້ສະເໜີຂອງທ່ານປະທານຄະນະກຳມະການປະຊາຊົນເມືອງ ໂງກວ່ຽນ, ທ່ານ ຢ່າງຢ່ຽນວິງ ປາດຖະໜາວ່າ ໃນໄລຍະຈະມາເຖິງ, 2 ຝ່າຍ ຈະສືບຕໍ່ສຸມໃສ່ຊອກຫາ, ເພີ່ມທະວີການລົງທຶນເຂົ້າໃນນະຄອນ ດ້ວຍບັນດາຂະແໜງວິຊາອາຊີບ, ຂົງເຂດທີ່ສອງຝ່າຍໄດ້ມີຄວາມສົນໃຈໃນການລົງນາມ.
ເພີ່ມທະວີການສົ່ງເສີມການຄ້າ, ວັດທະນະທຳ
ກໍໃນວັນທີ 13 ພຶດສະພາ, ຄະນະຄຸ້ມຄອງເຂດເສດຖະກິດ ຫາຍຟ່ອງ ໄດ້ມີກອງປະຊຸມເຮັດວຽກ ແລະ ລົງນາມໃນຈົດໝາຍເຈດຈຳນົງຮ່ວມມືກັບເມືອງ ເຊົາຊິງ, ນະຄອນ ຫາງໂຈ, ແຂວງ ເຈີຈ້ຽງ, ຈີນ.
ທີ່ການພົບປະເຮັດວຽກ, ທ່ານ ເລຈຸ່ງກຽນ, ຫົວໜ້າຄະນະຄຸ້ມຄອງເຂດເສດຖະກິດ ຫາຍຟ່ອງ ແລະ ທ່ານ Jin Jinfu, ເຈົ້າເມືອງເມືອງ ເຊົາຊິງ ໄດ້ແບ່ງປັນບັນດາຂໍ້ມູນກ່ຽວກັບສອງທ້ອງຖິ່ນ. ຜູ້ຕາງໜ້າຂອງສອງທ້ອງຖິ່ນ ໄດ້ລົງນາມໃນຈົດໝາຍເຈດຈຳນົງ ເພື່ອກຳນົດຈະສ້າງຕັ້ງການພົວພັນຢ່າງແໜ້ນແຟ້ນ, ປະກອບສ່ວນເພີ່ມທະວີສົ່ງເສີມດ້ານການຄ້າ, ວັດທະນະທຳລະຫວ່າງສອງຝ່າຍ.
ລະອຽດ, 2 ຝ່າຍຫວັງຢາກເພີ່ມທະວີການສົມທົບກັນໃນວຽກງານສົ່ງເສີມການລົງທຶນ, ດຶງດູດບັນດານັກລົງທຶນຂອງ 2 ທ້ອງຖິ່ນ; ໃຫ້ຄຳໝັ້ນສັນຍາຊຸກຍູ້ ແລະ ໜູນຊ່ວຍບັນດາວິສາຫະກິດໃນການຊອກຫາກາລະໂອກາດການລົງທຶນ ແລະ ການຮ່ວມມືດຳເນີນທຸລະກິດ, ສ້າງສະພາບແວດລ້ອມແຫ່ງການດຳເນີນທຸລະກິດທີ່ສະດວກ, ປົກປັກຮັກສາຜົນປະໂຫຍດຂອງວິສາຫະກິດ; ແລກປ່ຽນປະສົບການການຄຸ້ມຄອງ, ນະໂຍບາຍການລົງທຶນເປັນປະຈຳ ເພື່ອແກ້ໄຂຄວາມຫຍຸ້ງຍາກ, ໜູນຊ່ວຍວິສາຫະກິດໃນຂະບວນການລົງທຶນ, ການຜະລິດ ຢ່າງທັນການ.
ທ່ານ ເລຈຸ່ງກຽນ ແບ່ງປັນວ່າ ຫາຍຟ່ອງ ຫວັງວ່າ ຈະມີ 2 ຫົວໜ່ວຍຂັ້ນເມືອງຈາກທັງສອງຝ່າຍສາມາດແຮກສ່ຽວເພື່ອເພີ່ມທະວີຄວາມສາມັກຄີ.
ທ່ານ Jin Jinfu, ເຈົ້າເມືອງ ເຊົາຊິງ ກໍແບ່ງປັນວ່າ ທ້ອງຖິ່ນນີ້ ມີວິສາຫະກິດທີ່ມີທ່າແຮງດ້ານການຜະລິດເຕັກໂນໂລຢີສູງ. ໂດຍໄດ້ຮູ້ວ່າ, ນີ້ແມ່ນພາກສ່ວນທີ່ນະຄອນ ຫາຍຟ່ອງ ພວມປາດຖະໜາຢາກດຶງດູດ, ເມືອງ ເຊົາຊິງ ສະເໜີໃຫ້ໄດ້ມີການເຊື່ອມຕໍ່, ສົ່ງເສີມຊຸກຍູ້ການລົງທຶນລະຫວ່າງ 2 ທ້ອງຖິ່ນ.
ມິງດຶກ