ສະເໜີລາວ, ກຳປູເຈຍ, ໄທ, ຫວຽດນາມ ພ້ອມກັນພັດທະນາການທ່ອງທ່ຽວ “4 ປະເທດ 1 ຈຸດໝາຍປາຍທາງ”

	ຫວຽດນາມ ໄດ້ເຂົ້າອັນດັບໃນ 15 ປະເທດ ແລະ ເຂດແຄວ້ນທີ່ກ້າວໜ້າທີ່ສຸດໃນອາຊີ
	ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ໄດ້ພົບປະກັບປະຊາຄົມຊາວ ຫວຽດນາມ ຢູ່ ໄທ

ພ້ອມກັນປຶກສາຫາລືກັບທ່ານນາຍົກລັດຖະມົນຕີ ຫວຽດນາມ ກໍມີທ່ານນາຍົກລັດຖະມົນຕີ ໄທ ເສດຖາ ທະວີສິນ, ທ່ານປະທານສະພາຕ່ຳ ຟີລິບປິນ Ferdinand Martin G. Romualdez, ທ່ານຜູ້ອຳນວຍການໃຫຍ່ອົງການການຄ້າໂລກ (WTO) Ngozi Okonjo-Iweala ແລະ ການເຂົ້າຮ່ວມຂອງຜູ້ແທນຂອງບັນດາປະເທດ, ເຂດແຄວ້ນ ແລະ ບັນດາບໍລິສັດ, ວິສາຫະກິດທີ່ເປັນສະມາຊິກຂອງ WEF ຢ່າງຫຼວງຫຼາຍ.

ທີ່ກອງປະຊຸມປຶກສາຫາລື, ບັນດາການນຳໄດ້ປຶກສາຫາລືຢ່າງເປີດອົກເປີດໃຈ, ເລິກເຊິ່ງກ່ຽວກັບບົດບາດໃຈກາງຂອງ ອາຊຽນ ກໍຄືຂອງແຕ່ລະປະເທດສະມາຊິກ ອາຊຽນ ໃນການໝູນໃຊ້ບັນດາກາລະໂອກາດຂອງຂະບວນການຫັນປ່ຽນບັນດາການສະໜອງທົ່ວໂລກ, ບັນດາທ່າອຽງການພັດທະນາຄື ການຫັນເປັນດີຈີຕອນ ແລະ ການປະພຶດໃນການພົວພັນດ້ານເສດຖະກິດກັບປະເທດທີ່ໃຫຍ່.

ບັນດານັກປາຖະກະຖາ ກ່າວວ່າ ອາຊຽນ ໄດ້ກາຍເປັນຮູບແບບພົ້ນເດັ່ນກ່ຽວກັບການເຊື່ອມໂຍງເສດຖະກິດພາກພື້ນ, ດ້ວຍຄວາມມານະພະຍາຍາມລວມຂອງບັນດາປະເທດສະມາຊິກໃນການຊຸກຍູ້ການຮ່ວມມື, ແລກປ່ຽນດ້ານເສດຖະກິດພາຍໃນກຸ່ມ ກ່ຽວກັບການຄ້າສິນຄ້າ, ການບໍລິການ ແລະ ການລົງທຶນ, ກ້າວໄປສູ່ການສ້າງທ້ອງຕະຫຼາດລວມ ແລະ ພື້ນຖານການຜະລິດລວມເປັນເທື່ອລະກ້າວ, ພ້ອມກັນນັ້ນ ກໍ່ເຊື່ອມໂຍງຢ່າງຕັ້ງໜ້າເຂົ້າກັບພື້ນເສດຖະກິດທົ່ວໂລກ ໂດຍຜ່ານເຄືອຂ່າຍ FTA ກັບບັນດາຄູ່ຮ່ວມມື ແລະ ສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP). ບັນດາປະເທດ ອາຊຽນ ໄດ້ສ້າງຄວາມໄວ້ເນື້ອເຊື່ອໃຈຢ່າງແໜ້ນແຟ້ນລະຫວ່າງບັນດາປະເທດ, ຜ່ານຜ່າຄວາມແຕກຕ່າງດ້ານເສດຖະກິດ, ການເມືອງ, ວັດທະນະທຳ ເພື່ອກາຍເປັນກຸ່ມຮ່ວມມືພັດທະນາເພື່ອຄວາມຈະເລີນຮັ່ງມີ.

ທ່ານ Ngozi Okonjo-Iweala ຜູ້ອຳນວຍການໃຫຍ່ WTO ໃຫ້ຮູ້ວ່າ ອາຊຽນ ມີສະພາບແວດລ້ອມແຫ່ງການລົງທຶນທີ່ເປັນມິດ ແລະ ແມ່ນຈຸດໝາຍປາຍທາງທີ່ບັນດານັກລົງທຶນ, ຄູ່ຮ່ວມມືຕ່າງຝ່າຍຕ່າງມີຜົນປະໂຫຍດ. ຕາມນັ້ນແລ້ວ, ບັນດາການສະໜອງພວມບໍ່ສຸມໃສ່ການໄປຕາມທິດຫັນໄປສູ່ບາງປະເທດອາຊຽນ, ກໍຄືແມ່ນພາກສ່ວນໜຶ່ງຂອງຂະບວນການ “ຫັນເປັນໂລກາພິວັດຄືນໃໝ່”. ຫວຽດນາມ ແມ່ນຈຸດໝາຍປາຍທາງທີ່ພົ້ນເດັ່ນ ກ່ຽວກັບກາພັດທະນາຢ່າງຂະຫຍັນຂັນເຂື່ອນ ແລະ ບັນດາເລື່ອງທີ່ສຸດຍອດ, ເຮັດໃຫ້ບໍ່ພຽງແຕ່ຫນຶ່ງ ຫຼື ບາງປະເທດ ໄດ້ຮັບຜົນປະໂຫຍດເທົ່ານັ້ນ ຫາກທັງໂລກກໍ່ໄດ້ຮັບຜົນປະໂຫຍດອີກດ້ວຍ.

ສະເໜີລາວ, ກຳປູເຈຍ, ໄທ, ຫວຽດນາມ ພ້ອມກັນພັດທະນາການທ່ອງທ່ຽວ “4 ປະເທດ 1 ຈຸດໝາຍປາຍທາງ”

ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ກ່າວປາໄສທີ່ເຫດການ

ໂດຍແບ່ງປັນທີ່ກອງປະຊຸມປຶກສາຫາລື, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກເຖິງ 3 ປັດໄຈສຳຄັນທີ່ນຳມາເຊິ່ງບັນດາໝາກຜົນແຫ່ງການພັດທະນາຂອງ ອາຊຽນ ໃນປະຈຸບັນ: ທີໜຶ່ງແມ່ນ, ຄວາມສາມັກຄີທີ່ເປັນເອກະພາບໃນຫຼາກຫຼາຍຮູບແບບ; ທີສອງແມ່ນ, ເສີມຂະຫຍາຍກຳລັງແຮງຂອງຕົນ, ສ້າງຄວາມເຂັ້ມແຂງດ້ວຍຕົນເອງຂອງພາຍໃນກຸ່ມ ແລະ ແຕ່ລະປະເທດ; ທີສາມແມ່ນ, ຊຸກຍູ້ການພັດທະນາຢ່າງກວມລວມ, ຮອບດ້ານ, ຖືປະຊາຊົນເປັນຕົວຕັ້ງ, ໃຈກາງ, ເປົ້າໝາຍ ແລະ ກຳລັງຜັກດັນຂອງການພັດທະນາ: ແຕ່ລະປະເທດສະມາຊິກ ອາຊຽນ ໄດ້ປະກອບສ່ວນເຂົ້າໃນການພັດທະນາຂອງ ອາຊຽນ ພ້ອມທັງຜັນຂະຫຍາຍບັນດາທ່າແຮງທີ່ແຕກຕ່າງ, ກາລະໂອກາດທີ່ພົ້ນເດັ່ນ, ທ່າໄດ້ປຽບໃນການແກ່ງແຍ້ງ ແລະ ຄວາມສາມາດຂອງແຕ່ລະປະເທດ ໃນເມື່ອຮັບປະກັນການປະຕິບັດການແກ່ງແຍ້ງ, ກົດເກນການສະໜອງ ແລະ ຄວາມຕ້ອງການຂອງທ້ອງຕະຫຼາດ.

ຕໍ່ກັບກາລະໂອກາດພັດທະນາໃໝ່ ຄື ຂະບວນການຫັນປ່ຽນບັນດາການສະໜອງ, ທ່ານນາຍົກລັດຖະມົນຕີ ຫວຽດນາມ ຖືວ່າ ນັ້ນແມ່ນທ່າອ່ຽງທີ່ຈຳເປັນທີ່ອີງຕາມກົດເກນກ່ຽວກັບການແກ່ງແຍ້ງ, ກົດເກນການສະໜອງ ແລະ ຄວາມຕ້ອງການ ແລະ ເນັ້ນໜັກວ່າ ບັນດາປະເທດ ຈະສາມາດຮັກສາການພັດທະນາແບບຍືນຍົງໄດ້ກໍ່ຕໍ່ເມື່ອເລືອກທີ່ຈະເຂົ້າເຖິງໄຊຊະນະນຳກັນ, ເຄົາລົບການເລືອກຂອງແຕ່ລະປະເທດ, ສ້າງຄວາມໄວ້ເນື້ອເຊື່ອໃຈບົນຄວາມຈິງໃຈ, ຄວາມສາມັກຄີ ແລະ ເທົ່າທຽມກັນດ້ານຜົນປະໂຫຍດ.

ໂດຍແບ່ງປັນກັບບັນດາກ່າວຄຳປາໄສຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ, ທ່ານນາຍົກລັດຖະມົນຕີ ໄທ ໃຫ້ຮູ້ວ່າ ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ສະເໜີກ່ຽວກັບການຮ່ວມມືກັບ ລາວ, ກຳປູເຈຍ, ໄທ ແລະ ຫວຽດນາມ ເພື່ອພັດທະນາການທ່ອງທ່ຽວ “4 ປະເທດ 1 ຈຸດໝາຍປາຍທາງ”. ທ່ານນາຍົກລັດຖະມົນຕີ ໄທ ກ່າວວ່າ ຄ່າໃຊ້ຈ່າຍແຮງງານລາຄາຖືກ ອາດຈະແມ່ນປັດໄຈທີ່ແກ່ງແຍ້ງໃນເບື້ອງຕົ້ນ ແຕ່ອາດຈະເປັນສິ່ງທ້າທາຍຕໍ່ການພັດທະນາຂອງບັນດາປະເທດອາຊຽນ; ຮຽກຮ້ອງໃຫ້ບັນດາປະເທດຮ່ວມແຮງຮ່ວມໃຈກັນຍົກລະດັບເງິນເດືອນຂັ້ນຕ່ຳຂອງພາກພື້ນ ແລະ ຍົກສູງຄວາມສາມາດແກ່ງແຍ້ງເພື່ອດຶງດູດການລົງທຶນຈາກຕ່າງປະເທດ.

ຕໍ່ກັບທ່າອ່ຽງການຫັນເປັນດີຈີຕອນ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ຢືນຢັນວ່າ ເສດຖະກິດດິຈິຕອນຕ້ອງຕິດພັນກັບເສດຖະກິດສີຂຽວ, ມີການສະໜັບສະໜູນ ແລະ ສົ່ງຜົນກະທົບເຊິ່ງກັນ ແລະ ກັນ. ວິວັດການນີ້ຕ້ອງໄດ້ຮັບການຜັນຂະຫຍາຍຕາມຂັ້ນຕອນ ແລະ ກັບບັນດາບາດກ້າວທີ່ເໝາະສົມກັບຄວາມສາມາດຂອງແຕ່ລະປະເທດ, ພ້ອມທັງເອົາໃຈໃສ່ເຖິງຜູ້ທີ່ບໍ່ມີທ່າແຮງ; ພັດທະນາຢ່າງວ່ອງໄວ ແລະ ຍືນຍົງ, ໂດຍບໍ່ໄດ້ເສຍສະຫຼະຄວາມຍຸຕິທຳ ແລະ ການຮັບປະກັນຊີວິດສັງຄົມ. ທ່ານນາຍົກລັດຖະມົນຕີ ຫວຽດນາມ ໄດ້ສະເໜີວິໄສທັດຂອງ ອາຊຽນ ໃນ 5-10 ປີຈະມາເຖິງ ຈະແມ່ນກຸ່ມກ້ອນມະຫາສາມັກຄີ, ເປັນເອກະພາບ ແລະ ເປັນຈຸດສູນກາງຂອງການເຕີບໂຕຂອງເສດຖະກິດໂລກ, ເປັນບ່ອນທີ່ບັນດາພື້ນເສດຖະກິດພັດທະນາ, ບໍ່ປະໃຫ້ໃຜຢູ່ເບື້ອງຫຼັງ.

ບັນດານັກປາຖະກະຖາທີ່ກອງປະຊຸມປຶກສາຫາລື ໄດ້ຕີລາຄາສູງບົດບາດຂອງຫວຽດນາມ ໃນການກໍ່ສ້າງຄວາມສາມັກຄີໃນອາຊຽນ ແລະ ປະກອບສ່ວນຢ່າງມີຄວາມຮັບຜິດຊອບ, ຮ່ວມມືກັບບັນດາປະເທດສະມາຊິກ ອາຊຽນ ໃນການແກ້ໄຂບັນຫາພາກພື້ນ ແລະ ທົ່ວໂລກ. ບັນດານັກປາຖະກະຖາ ໄດ້ເນັ້ນໜັກ ແລະ ສະແດງຄວາມເປັນໃຈດຽວກັບບັນດາຄຳເຫັນ, ທັດສະນະ ແລະ ວິໄສທັດຂອງທ່ານນາຍົກລັດຖະມົນຕີ ຫວຽດນາມ ກ່ຽວກັບວິທີໝູນໃຊ້ບັນດາກາລະໂອກາດ ກໍຄືວິທີການແກ້ໄຂບັນດາສິ່ງທ້າທາຍໃນວິວັດການເຊື່ອມໂຍງ, ຮ່ວມມືພ້ອມກັນມີໄຊຊະນະຂອງ ອາຊຽນ ແລະ ຢືນຢັນຄວາມສາມັກຄີ, ເປັນເອກະພາບໃນ ອາຊຽນ, ເປັນເອກະພາບຮັກສາວິທີເຂົ້າເຖິງຢ່າງພາວະວິໄສ, ຍຸດຕິທຳ, ເສີມຂະຫຍາຍບົດບາດໃຈກາງຂອງ ອາຊຽນ ໃນການປະກອບສ່ວນເຂົ້າໃນວິວັດການໂລກາພິວັດ.

ມິງດຶກ