ພາລະໜ້າທີ່, ໂຄງຮ່າງການຈັດຕັ້ງຂອງຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ
| ນະຄອນ ໂຮ່ຈີມິນ ເຊີນຊວນຊາວຫວຽດນາມ ອາໄສຢູ່ຕ່າງປະເທດ ເຂົ້າຮ່ວມບັນດາຂົງເຂດລົງທຶນທີ່ສຳຄັນ | |
| ແຂວງບິ່ງເຟືອກ ມອບຂອງຂວັນໃຫ້ຊາວ ຫວຽດນາມ ອາໄສຢູ່ຕ່າງປະເທດ, ປະຊາຊົນທີ່ມີຄວາມຫຍຸ້ງຍາກ ຢູ່ ກຳປູເຈຍ ແລະ ລາວ |
ຕາມນັ້ນແລ້ວ, ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ແມ່ນອົງການຂັ້ນກົມໃຫຍ່ຂຶ້ນກັບກະຊວງການຕ່າງປະເທດ ຫວຽດນາມ, ຊ່ວຍລັດຖະມົນຕີກະຊວງການຕ່າງປະເທດ ປະຕິບັດໜ້າທີ່ຄຸ້ມຄອງລັດກ່ຽວກັບວຽກງານສຳລັບຊາວຫວຽດນາມ ຢູ່ຕ່າງປະເທດ.
ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ມີໜ້າທີ່ເປັນເສນາທິການຊ່ວຍລັດຖະມົນຕີກະຊວງການຕ່າງປະເທດ ຍື່ນສະເໜີຕໍ່ລັດຖະບານ, ນາຍົກລັດຖະມົນຕີ ແລະ ບັນດາອົງການທີ່ມີສິດອຳນາດ: ໂຄງການກົດໝາຍ, ຮ່າງມະຕິຂອງສະພາແຫ່ງຊາດ; ໂຄງການລັດຖະດຳລັດ ແລະ ຮ່າງມະຕິຂອງຄະນະປະຈຳສະພາແຫ່ງຊາດ; ຮ່າງດຳລັດ, ມະຕິຂອງລັດຖະບານ; ຮ່າງມະຕິ, ຄຳສັ່ງຂອງນາຍົກລັດຖະມົນຕີ ກ່ຽວກັບວຽກງານຊາວ ຫວຽດນາມ ຢູ່ຕ່າງປະເທດ; ຍຸດທະສາດ, ແຜນການໄລຍະຍາວ, ລາຍການເປົ້າໝາຍແຫ່ງຊາດ; ລາຍການການເຄື່ອນໄຫວ, ແຜນການ ແລະ ໂຄງການສຳຄັນຂອງລັດຖະບານກ່ຽວກັບວຽກງານຊາວຫວຽດນາມ ຢູ່ຕ່າງປະເທດ.
ນອກຈາກນັ້ນ, ຍື່ນສະເໜີໃຫ້ລັດຖະມົນຕີກະຊວງການຕ່າງປະເທດພິຈາລະນາ, ກຳນົດຮ່າງຈົດໝາຍທາງການ, ຂໍ້ກຳນົດ, ຄຳສັ່ງ ແລະ ເອກະສານອື່ນໆກ່ຽວກັບວຽກງານຊາວຫວຽດນາມ ຢູ່ຕ່າງປະເທດ.
 |
| ພາລະໜ້າທີ່, ໂຄງຮ່າງການຈັດຕັ້ງຂອງຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ |
ອົງການຈັດຕັ້ງຜັນຂະຫຍາຍນະໂຍບາຍ, ກົດໝາຍ, ຍຸດທະສາດ, ແຜນການ, ລາຍການ, ແຜນຮ່າງ, ໂຄງການກ່ຽວກັບວຽກງານຊາວຫວຽດນາມ ຢູ່ຕ່າງປະເທດ ພາຍຫຼັງໄດ້ຮັບການອອກ ຫຼື ຮັບຮອງເອົາຈາກອົງການມີສິດອຳນາດ.
ແນະນຳວິຊາສະເພາະວຽກງານການຄຸ້ມຄອງລັດກ່ຽວກັບຊາວຫວຽດນາມ ຢູ່ຕ່າງປະເທດ ຕາມສິດອຳນາດ; ເປັນປະທານໃນການຄົ້ນຄວ້າ, ສັງລວມຕີລາຄາ ແລະ ສະເໜີບັນດາບັນຫາທີ່ມີລັກສະນະຄາດຄະເນ, ຍຸດທະສາດທີ່ກ່ຽວຂ້ອງກັບສະພາບການຂອງປະຊາຄົມຊາວຫວຽດນາມ ຢູ່ຕ່າງປະເທດ.
ສະໜັບສະໜູນ, ສ້າງເງື່ອນໄຂສະດວກໃຫ້ຊາວຫວຽດນາມ ຢູ່ຕ່າງປະເທດ ມີຊີວິດການເປັນຢູ່ທີ່ເປັນປົກກະຕິ, ເຊື່ອມໂຍງເຂົ້າກັບສັງຄົມປະເທດເຈົ້າພາບ, ອະນຸລັກຮັກສາ ແລະ ເສີມຂະຫຍາຍເອກະລັກວັດທະນະທຳ, ພາສາ ແລະ ຮີດຄອງປະເພນີອັນດີງາມຂອງຊາວຫວຽດນາມ; ປະຕິບັດວຽກງານມະຫາສາມັກຄີແຫ່ງຊາດສຳລັບຊາວຫວຽດນາມ ຢູ່ຕ່າງປະເທດ; ລະດົມການດຶງດູດ ແລະ ໜູນຊ່ວຍພັດທະນາແຫຼ່ງຊັບພະຍາກອນຂອງຫວຽດນາມ ຢູ່ຕ່າງປະເທດ ເພື່ອຮັບໃຊ້ການພັດທະນາປະເທດຊາດ; ຈັດຕັ້ງ, ໜູນຊ່ວຍ, ແນະນຳບັນດາອົງການ, ບຸກຄົນຫວຽດນາມ ຢູ່ຕ່າງປະເທດ ໃນການພົວພັນຮ່ວມມືຢູ່ພາຍໃນປະເທດ; ໜູນຊ່ວຍການເຊື່ອມຕໍ່ນະວັດຕະກຳ.
ຂໍ້ມູນຂ່າວສານ, ເຜີຍແຜ່ແຜນນະໂຍບາຍ, ແນວທາງຂອງພັກ, ນະໂຍບາຍ, ກົດໝາຍຂອງລັດ, ສະພາບການຂອງປະເທດຊາດ, ບັນດາສົນທິສັນຍາສາກົນທີ່ຫວຽດນາມ ໄດ້ລົງນາມ, ເຂົ້າຮ່ວມ ໃຫ້ແກ່ຊາວຫວຽດນາມ ຢູ່ຕ່າງປະເທດ.
ປະຕິບັດການຮ່ວມມືສາກົນກ່ຽວກັບວຽກງານຊາວຫວຽດນາມ ຢູ່ຕ່າງປະເທດ ຕາມຂໍ້ກຳນົດຂອງກົດໝາຍ. ປະຕິບັດການຄຸ້ມຄອງບັນດາອົງການຈັດຕັ້ງສັງຄົມທີ່ກ່ຽວຂ້ອງເຖິງຊາວຫວຽດນາມ ຢູ່ຕ່າງປະເທດ ຕາມກຳນົດຂອງກົດໝາຍ. ປະຕິບັດວຽກງານຍ້ອງຍໍຊາວຫວຽດນາມ ຢູ່ຕ່າງປະເທດ.
ການຄຸ້ມຄອງກ່ຽວກັບການຈັດຕັ້ງກົງຈັກ, ຮັບບັນຈຸ, ຕຳແໜ່ງວຽກງານ; ປະຕິບັດລະບອບເງິນເດືອນ, ບຳລຸງສ້າງ, ບຳລຸງ, ແຂ່ງຂັນ, ຍ້ອງຍໍ, ກົດລະບຽບ ແລະ ບັນດາລະບອບ, ນະໂຍບາຍອື່ນໆໃຫ້ແກ່ລັດຖະກອນ, ຜູ້ອອກແຮງງານຂຶ້ນກັບຂອບເຂດການຄຸ້ມຄອງຂອງຄະນະກຳມະການຕາມກຳນົດຂອງກົດໝາຍ ແລະ ການແບ່ງຂັ້ນຂອງລັດຖະມົນຕີກະຊວງການຕ່າງປະເທດ.
ໂຄງຮ່າງການຈັດຕັ້ງ
1-ກົມຄົ້ນຄວ້າສັງລວມ.
2-ກົມສື່ສານ - ວັດທະນະທຳ.
3-ກົມເສດຖະສາດ, ວິທະຍາສາດ ແລະ ເຕັກໂນໂລຢີ.
4- ຫ້ອງການ.
ການປະກາດໃຊ້ລະບຽບການເຮັດວຽກ, ບັນດາຂໍ້ຕົກລົງທີ່ກຳນົດສະເພາະກ່ຽວກັບບົດບາດ, ໜ້າທີ່, ຂອບເຂດສິດອຳນາດ ແລະ ໂຄງຮ່າງການຈັດຕັ້ງຂອງບັນດາຫົວໜ່ວຍທີ່ຂຶ້ນກັບຄະນະກຳມະການປະຕິບັດຕາມຂໍ້ກຳນົດຂອງກົດໝາຍ ແລະ ການແບ່ງຂັ້ນຂອງລັດຖະມົນຕີກະຊວງການຕ່າງປະເທດ.
ຄະນະກໍາມະການມີຫົວໜ້າ ແລະ ຮອງຫົວໜ້າບໍ່ເກີນ 04 ທ່ານ. ລັດຖະມົນຕີການຕ່າງປະເທດແບ່ງງານໃຫ້ຮອງລັດຖະມົນຕີເປັນຫົວໜ້າຄະນະກຳມະການ. ຫົວໜ້າຄະນະກຳມະການມີໜ້າທີ່ຮັບຜິດຊອບຕໍ່ໜ້າລັດຖະມົນຕີການກະຊວງການຕ່າງປະເທດ ແລະ ຕໍ່ໜ້າກົດໝາຍກ່ຽວກັບການເຄື່ອນໄຫວທັງໝົດຂອງຄະນະກຳມະການ.
ບັນດາຮອງຫົວໜ້າຄະນະກຳມະການດັ່ງກ່າວ ແມ່ນລັດຖະມົນຕີກະຊວງການຕ່າງປະເທດ ແຕ່ງຕັ້ງ ແລະ ໃຫ້ພົ້ນຈາກຕຳແໜ່ງ ຕາມຄຳສະເໜີຂອງຫົວໜ້າຄະນະກຳມະການ. ບັນດາຮອງຫົວໜ້າຄະນະກຳມະການ ມີໜ້າທີ່ຮັບຜິດຊອບຕໍ່ຫນ້າຫົວໜ້າຄະນະກຳມະການ ແລະ ຕໍ່ຫນ້າກົດຫມາຍສໍາລັບຂົງເຂດວຽກງານທີ່ໄດ້ຮັບການແບ່ງປັນ.
ການແຕ່ງຕັ້ງ ຫຼື ຕົ້ນຈາກຕຳແໜ່ງຫົວໜ້າ, ຮອງຫົວໜ້າຂອງຫົວໜ້າບັນດາຫົວໜ່ວຍຂຶ້ນກັບຄະນະກໍາມະການ ແມ່ນປະຕິບັດຕາມຂໍ້ກໍານົດຂອງກົດຫມາຍ ແລະ ການແບ່ງຂັ້ນຂອງລັດຖະມົນຕີກະຊວງການຕ່າງປະເທດ.
ມິງດຶກ