ABRAVIET ຈະສົມທົບກັບສະຖານທູດ ຫວຽດນາມ ປະຈຳ ບຣາຊິນ ເພື່ອຜັນຂະຫຍາຍບັນດາການເຄື່ອນໄຫວທີ່ແທດຈິງ ແລະ ມີປະສິດທິຜົນ

	ເອກອັກຄະລັດຖະທູດ ສປປ.ລາວ ປະຈຳ ຫວຽດນາມ ເຂົ້າຢ້ຽມອຳລາ ລັດຖະມົນຕີກະຊວງຕຳຫລວດຫວຽດນາມ
	ທ່ານປະທານປະເທດ ຫວໍວັນເຖືອງ ຢ້ຽມຢາມປະຊາຄົມຊາວຫວຽດນາມ ແລະ ສະຖານທູດຫວຽດນາມ ປະຈຳ ອັງກິດ

ທ່ານເອກອັກຄະລັດຖະທູດ ບຸ່ຍວັນງິ ໄດ້ຮັບຮູ້ ແລະ ຕີລາຄາສູງຄວາມຮັກແພງ ແລະ ການປະກອບຂອງທ່ານເລຂາທິການ Oliveira ແລະ ABRAVIET ທີ່ມີຕໍ່ ຫວຽດນາມ ໃນໄລຍະຜ່ານມາ. ໃນວາລະຂອງຕົນ, ທ່ານເອກອັກຄະລັດຖະທູດ ປາດຖະໜາວ່າ ຈະສືບຕໍ່ໄດ້ຮັບຄວາມເອົາໃຈໃສ່, ຮ່ວມມື ແລະ ຊ່ວຍເຫຼືອໃນການຜັນຂະຫຍາຍບັນດາການເຄື່ອນໄຫວມິດຕະພາບ ແລະ ພົບປະແລກປ່ຽນປະຊາຊົນລະຫວ່າງ ຫວຽດນາມ ແລະ ບຣາຊິນ, ພິເສດເປັນໃນປີ 2024, ເມື່ອສອງປະເທດສະເຫຼີມສະຫຼອງ 35 ປີແຫ່ງວັນສ້າງຕັ້ງການພົວພັນທາງການທູດ (8 ພຶດສະພາ 1989 – 8 ພຶດສະພາ 2024), ແລະ ສະເຫຼີມສະຫຼອງ 17 ປີແຫ່ງການພົວພັນຄູ່ຮ່ວມມືຮອບດ້ານ (ເດືອນພຶດສະພາ 2007 – ເດືອນພຶດສະພາ 2024).

ABRAVIET ຈະສົມທົບກັບສະຖານທູດ ຫວຽດນາມ ປະຈຳ ບຣາຊິນ ເພື່ອຜັນຂະຫຍາຍບັນດາການເຄື່ອນໄຫວທີ່ແທດຈິງ ແລະ ມີປະສິດທິຜົນ

ທ່ານເອກອັກຄະລັດຖະທູດ ບຸ່ຍວັນງິ ຕ້ອນຮັບທ່ານ Pedro Da Oliveira, ເລຂາທິການສະມາຄົມມິດຕະພາບ ບຣາຊິນ - ຫວຽດນາມ (ABRAVIET)

ທ່ານເອກອັກຄະລັດຖະທູດໃຫ້ຮູ້ວ່າ ບົນພື້ນຖານມິດຕະພາບທີ່ສະໜິດແໜ້ນລະຫວ່າງປະຊາຊົນສອງປະເທດ, ຄວາມສາມາດບົ່ມຊ້ອນອັນໃຫຍ່ຫຼວງໃນການຮ່ວມມືດ້ານເສດຖະກິດ, ການຄ້າ, ວິທະຍາສາດເຕັກໂນໂລຊີ, ວັດທະນະທຳ, ກິລາ ແລະ ການທ່ອງທ່ຽວ ແມ່ນຕ້ອງຜັນຂະຫຍາຍຢ່າງແຮງເພື່ອສ້າງບາດກ້າວບຸກທະລຸໃນໄລຍະຈະມາເຖິງ.

ທ່ານເອກອັກຄະລັດຖະທູດ ບຸ່ຍວັນງິ ປາດຖະໜາວ່າ ທ່ານ Oliveira ແລະ ບັນດາເພື່ອນມິດ ບຣາຊິນ ຈະສືບຕໍ່ເປັນຂົວຕໍ່, ແນະນຳທ່ານເອກອັກຄະລັດຖະທູດກັບບັນດາການນຳ ແລະ ນັກຊ່ຽວຊານທີ່ເປັນມິດໃຈ, ສະໜັບສະໜູນ ແລະ ຊຸກຍູ້ການພົວພັນ ບຣາຊິນ - ຫວຽດນາມ ໃນສະພາສູງ, ສະພາຕ່ຳ, ບັນດາອຳນາດການປົກຄອງຢູ່ ນະຄອນຫຼວງ Brasília; ບັນດາລັດ, ນະຄອນ, ແລະ ທ້ອງຖິ່ນອື່ນໆ; ຊ່ຽວຊານຫົວໜ້າຂະແໜງໃນຂົງເຂດວິທະຍາສາດ, ເຕັກໂນໂລຊີ ແລະ ກະສິກຳຈຳນວນໜຶ່ງ; ຫົວຕໍ່ຫຼັກແຫຼ່ງຂອງສະມາຄົມບັນດາຜູ້ນໍາເຂົ້າ-ສົ່ງອອກ ແລະ ການສົ່ງເສີມການຄ້າຢູ່ ບຣາຊິນ.

ທ່ານ Oliveira ໄດ້ຕີລາຄາສູງບັນດາສະເໜີ, ຕີລາຄາຂອງທ່ານເອກອັກຄະລັດຖະທູດ ບຸ່ຍວັນງິ, ພ້ອມກັນນັ້ນ ກໍ່ປາດຖະໜາຢາກຜັນຂະຫຍາຍການຊຸກຍູ້ສາຍພົວພັນ ແລະ ການຮ່ວມມືລະຫວ່າງ ຫວຽດນາມ ແລະ ບຣາຊິນ ໂດຍໄວ.

ທ່ານ Oliveira ກໍ່ເນັ້ນໜັກວ່າ: ທ່ານ ແລະ ເພື່ອນມິດຊາວ ບຣາຊິນ ໃນ ABRAVIET ຈະຈັດຕັ້ງການພົບປະຂອງທ່ານເອກອັກຄະລັດຖະທູດກ່ຽວກັບບັນດາຜູ້ທີ່ອິດທິພົນໃນບັນດາວົງການເພື່ອຊອກຮູ້ ແລະ ແລກປ່ຽນກ່ຽວກັບບັນດາທິດທາງ ແລະ ມາດຕະການຊຸກຍູ້ການພົວພັນ ແລະ ການຮ່ວມມືລະຫວ່າງປະຊາຊົນສອງປະເທດໃນໄລຍະຈະມາເຖິງ. ສິ່ງດັ່ງກ່າວຈະປະກອບສ່ວນຊ່ວຍການພົວພັນມິດຕະພາບທີ່ເປັນມູນເຊື້ອລະຫວ່າງຫວຽດນາມ ແລະ ບຣາຊິນ ເຂົ້າສູ່ລວງເລິກ, ແທດຈິງ ແລະ ມີປະສິດທິຜົນ, ສົມກັບການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງປະຊາຊົນສອງປະເທດ.

ດີງເລື້ອງ