ພັດທະນາສາຍພົວພັນອັນດີງາມລະຫວ່າງນະຄອນ ດາຫນັງ ກັບ Kanagawa (ຍີ່ປຸ່ນ)
| ເປີດກາລະໂອກາດການຮ່ວມມື ແລະ ການແລກປ່ຽນຂໍ້ມູນຂ່າວສານລະຫວ່າງ ດາຫນັງ (ຫວຽດນາມ) ແລະ ແຂວງສາລະວັນ (ລາວ) | |
| ຫວຽດນາມ ຊຸກຍູ້ການລົງທຶນຢູ່ແຂວງ Kanagawa (ຍີ່ປຸ່ນ) |
ໂດຍເປັນປະທານທີ່ການຕ້ອນຮັບຄະນະຜູ້ວ່າການແຂວງ Kanagawa (ຍີ່ປຸ່ນ) ໂດຍທ່ານຜູ້ວ່າການ Kyroiwa Yuji ນຳໜ້າຄະນະ, ທ່ານປະທານຄະນະກຳມະການປະຊາຊົນນະຄອນ ດາຫນັງ ເລຈຸ່ງຈີ່ງ ໄດ້ຕີລາຄາສູງການພົວພັນຮ່ວມມືອັນດີງາມລະຫວ່າງນະຄອນ ດາຫນັງ ກັບ 2 ນະຄອນ Yokohama, Kawasaki ຢູ່ແຂວງ Kanagawa; ສະເໜີທ່ານຜູ້ວ່າການແຂວງ Kyroiwa Yuji ສືບຕໍ່ເອົາໃຈໃສ່ເພີ່ມທະວີການພົວພັນຮ່ວມມືລະຫວ່າງນະຄອນ ດາຫນັງ ກັບບັນດາທ້ອງຖິ່ນ ແລະ ບັນດາຄູ່ຮ່ວມມືຂອງແຂວງ Kanagawa.
 |
| ທ່ານປະທານຄະນະກຳມະການປະຊາຊົນນະຄອນ ດາຫນັງ ເລຈຸ່ງຈີ່ງ ເປັນປະທານທີ່ການຕ້ອນຮັບກັບຄະນະຜູ້ວ່າການແຂວງ Kanagawa (ຍີ່ປຸ່ນ) (ພາບ: ມາຍກວາງ). |
ທີ່ນີ້, ທ່ານປະທານຄະນະກຳມະການປະຊາຊົນນະຄອນ ເລຈຸ່ງຈີ່ງ ປາດຖະໜາວ່າ ທ່ານ Kuroiwa Yuji ຈະແນະນຳ, ເຊື່ອມຕໍ່ ແລະ ຮຽກຮ້ອງບັນດາວິສາຫະກິດແຂວງ Kanagawa ມາຊອກຮູ້ ແລະ ລົງທຶນຢູ່ນະຄອນ ດາຫນັງ ໃນຂົງເຂດຄຸ້ມຄອງພື້ນຖານໂຄງລ່າງທ່າກຳປັ່ນທະເລ, ກໍ່ສ້າງນະຄອນອັດສະລິຍະ, ເຕັກໂນໂລຊີສູງ, ສາທາລະນະສຸກຄຸນນະພາບສູງ... ດາຫນັງ ໃຫ້ຄຳໝັ້ນສັນຍາວ່າຈະສ້າງເງື່ອນໄຂດີທີ່ສຸດໃຫ້ວິສາຫະກິດ ຍີ່ປຸ່ນ ແລະ ປະຊາຊົນສອງປະເທດໄດ້ຊອກຮູ້ ແລະ ເພີ່ມທະວີການຮ່ວມມືໃນຫຼາຍຂົງເຂດ.
ທີ່ການພົບປະ, ທ່ານຜູ້ວ່າການແຂວງ Kanagawa Kyroiwa Yuji ໄດ້ຂອບໃຈຕໍ່ການຕ້ອນຮັບທີ່ເປັນກຽດ ແລະ ເຕັມໄປດ້ວຍມິດຈິດມິດໃຈ, ຫວັງວ່າ 2 ທ້ອງຖິ່ນຈະສືບຕໍ່ພັດທະນາການພົວພັນມິດຕະພາບທີ່ເປັນມູນເຊື້ອໃນບັນດາຂົງເຂດທີ່ສອງຝ່າຍມີຄວາມສົນໃຈໃຫ້ຫຼາຍກວ່າອີກ.
ທ່ານຜູ້ວ່າການແຂວງ Kanagawa ກໍ່ໃຫ້ຄຳໝັ້ນສັນຍາຈະມານະພະຍາຍາມເພື່ອແນໃສ່ໂຄສະນາພາບພົດນະຄອນດາຫນັງ ກັບຄວາມສາມາດບົ່ມຊ້ອນໃນການລົງທຶນໃຫ້ແກ່ບັນດາວິສາຫະກິດຂອງແຂວງ, ສ້າງເງື່ອນໄຂເພື່ອເປີດກວ້າງການເຊື່ອມຕໍ່ສາຍການບິນໂດຍກົງລະຫວ່າງ ດາຫນັງ - ຍີ່ປຸ່ນ, ປະກອບສ່ວນພັດທະນາສາຍພົວພັນອັນດີງາມລະຫວ່າງສອງທ້ອງຖິ່ນ.
ດີງເລື້ອງ