ເພີ່ມທະວີການຮ່ວມມືໃນບັນດາເຄື່ອນໄຫວເພື່ອສັນຕິພາບ ແລະ ການພັດທະນາ
ທີ່ການພົບປະ, ທ່ານ ຮ່າຮຸ່ງເກື່ອງ ໄດ້ແນະນຳໂດຍຫຍໍ້ກ່ຽວກັບປະຫວັດການກໍ່ຕັ້ງ, ໂຄງປະກອບ, ການຈັດຕັ້ງ, ໜ້າທີ່, ວຽກງານ ແລະ ບັນດາການເຄື່ອນໄຫວຕົ້ນຕໍຂອງກອງທຶນ . ຕາມນັ້ນແລ້ວ, ກອງທຶນມີ 3 ໜ້າທີ່ຕົ້ນຕໍ, ລວມມີ: ການຈັດຕັ້ງ ແລະ ເຂົ້າຮ່ວມບັນດາການເຄື່ອນໄຫວການທູດປະຊາຊົນ; ຄົ້ນຄວ້າ, ແນະນຳນະໂຍບາຍ ແລະ ຂໍ້ມູນຂ່າວສານຕ່າງປະເທດ, ປະກອບສ່ວນເຂົ້າໃນຂະບວນການກໍ່ສ້າງ ແລະ ພັດທະນາຂອງຫວຽດນາມ ແລະ ຊຸກຍູ້ໂລກແຫ່ງສັນຕິພາບ, ປະຊາທິປະໄຕ, ສັງຄົມກ້າວໜ້າ ແລະ ພັດທະນາຢ່າງສະເໝີພາບ ແລະ ໝັ້ນຄົງ.
 |
| ບັນດາຜູ້ແທນໄດ້ຖ່າຍຮູບທີ່ລະນຶກ. |
ທ່ານນາງ Gabriele Zimmer, ສະມາຊິກຄະນະບໍລິຫານງານຂອງ RLS, ຫົວຫນ້າຄະນະຜູ້ແທນ RLS, ກ່າວວ່າ RLS ສ້າງຕັ້ງໃນປີ 1992, ຕັ້ງຊື່ຕາມນັກຮົບປະຕິວັດຍິງ Rosa Luxemburg ດ້ວຍຄວາມໝັ້ນໝາຍທີ່ຈະຮັກສາ ແລະ ພັດທະນາມໍລະດົກຂອງເພິ່ນ. ນີ້ແມ່ນອົງການເຄື່ອນໄຫວສາກົນບໍ່ຫວັງຜົນກຳໄລ ທີ່ມີເປົ້າໝາຍສ້າງບັນດາປັດໄຈຄວາມກ້າວໜ້າດ້ານການເມືອງ, ສະໜັບສະໜູນວຽກງານສຶກສາດ້ານການເມືອງ, ປັບປຸງສະພາບແວດລ້ອມທຳມະຊາດ ແລະ ສັງຄົມ. ເດືອນ ເມສາ ປີ 2009, RLS ໄດ້ເປີດສຳນັກງານຜູ້ຕາງໜ້າຢູ່ຮ່າໂນ້ຍ ຢ່າງເປັນທາງການ, ດຳເນີນບັນດາການເຄື່ອນໄຫວໜູນຊ່ວຍບັນດາປະເທດພວມພັດທະນາ ກ່ຽວກັບສັງຄົມຍຸຕິທຳ ແລະ ຍືນຍົງ. RLS ໄດ້ສ້າງຕັ້ງການພົວພັນກັບປະມານ 20 ຄູ່ຮ່ວມມືຫວຽດນາມ.
ທີ່ການພົບປະ, ທ່ານຮອງປະທານຜູ້ປະຈຳການກອງທຶນ ເຈີ່ນດັກເລີ້ຍ ໄດ້ແບ່ງປັນຂໍ້ມູນຂ່າວສານໃຫ້ບັນດາຜູ້ແທນກ່ຽວກັບສະພາບການສັນຕິພາບ ແລະ ຄວາມໝັ້ນຄົງຢູ່ພາກພື້ນ ອາຊີ - ປາຊີຟິກ, ບັນດາສິ່ງທ້າທາຍ ແລະ ບາງວິທີແກ້ໄຂ.
ເນື່ອງໃນໂອກາດນີ້, ບັນດາຜູ້ແທນທັງສອງຝ່າຍກໍ່ໄດ້ແລກປ່ຽນກ່ຽວກັບບັນຫາທີ່ກ່ຽວຂ້ອງມາເຖິງການພັດທະນາຂອງການຂະບວນການສັນຕິພາບຢູ່ໃນໂລກ; ກໍ່ສ້າງບັນດາກົນໄກທີ່ໝັ້ນຄົງເພື່ອສະກັດກັ້ນປະທະກັນ; ການປະຕິຮູບຂອງອົງການສະຫະປະຊາຊາດ ແລະ ກົດບັງຄັບສຳລັບການກະທຳລະເມີດກົດໝາຍສາກົນ...
2 ຝ່າຍກໍ່ເຫັນດີເພີ່ມທະວີການຮ່ວມມືລະຫວ່າງກອງທຶນ ແລະ RLS ໃນບັນດາການເຄື່ອນໄຫວເພື່ອປະຊາຊົນ, ເພື່ອສັນຕິພາບ ແລະ ການພັດທະນາ.
ດີງເລື້ອງ