ຖະໜົນຫົນທາງທີ່ເຕັມໄປດ້ວຍນໍ້າໃຈຂອງທະຫານປະຊາຊົນ
| ຝຶກອົບຮົມວຽກງານປ້ອງກັນຊາຍແດນໃຫ້ແກ່ພະນັກງານກອງບັນຊາການທະຫານ ແຂວງສາລະວັນ, ປະເທດລາວ | |
| ເພີ່ມທະວີການແລກປ່ຽນປະສົບການດ້ານວິຊາຊີບລະຫວ່າງໜັງສືພິມກອງທັບປະຊາຊົນ (ຫວຽດນາມ) ແລະ ໜັງສືພິມທະຫານເຂດ 1 (ລາວ) |
ຖະໜົນຫົນທາງ ທີ່ເຕັມໄປດ້ວຍນໍ້າໃຈຂອງທະຫານປະຊາຊົນ
ທ້ອງຟ້າ ຕູ່ເມີຊົ່ງ (ແຂວງ ກອນຕູມ) ເມື່ອແດດ ຫຼື ຝົນ, ແຕ່ບັນດານັກຮົບກອງພັນ BB304, ກອງພັນໃຫຍ່ BB990 (ກອງບັນຊາການທະຫານແຂວງ ກອນຕູມ) ກໍ່ຍັງປະຕິບັດບັນດາໜ້າທີ່ວຽກງານເຄື່ອນທັບ, ຂົນຂວາຍປະຊາຊົນຢູ່ຕາແສງ ມັ່ງຣີ່. ຮ່ວມກັບພໍ່ແມ່ປະຊາຊົນ ເຊິ່ດັ່ງ, “ແຕ້ມ” ເສັ້ນທາງແຫ່ງຄວາມສຸກໄດ້ເປັນຢ່າງດີ.
 |
| ບັນດານັກຮົບຮ່ວມກັບປະຊາຊົນເຮັດເສັ້ນທາງ |
ແຕ່ເຊົ້າໆ, ເມກໝອກຍັງປົກຄຸມຢູ່ຕາມເສັ້ນທາງ, ອ້າຍ ອາຫຽບ ເລຂາພັກ ທັງເປັນນາຍບ້ານຈຸ່ງຕ່າມ, ຕາແສງມັ່ງຣີ່ ໄດ້ຟ້າວຟັ່ງໄປເຮືອນສະໂມສອນ, ຕີຄ້ອງຫຼາຍບາດ ເພື່ອເຕົ້າໂຮມຊາວບ້ານ. ບັນດາເງົາຂອງຜູ້ຄົນຄ່ອຍໆປະກົດຂຶ້ນໃນອາຍໝອກ, ບໍ່ພໍເທົ່າໃດ ກໍ່ມີປະຊາຊົນເຂົ້າຮ່ວມກອງປະຊຸມຫຼາຍພໍສົມຄວນ, ເພາະວ່າມື້ນີ້ ທະຫານຈະມາບ້ານເພື່ອເຮັດວຽກງານຂົນຂວາຍ.
ສຽງຂອງ ສະຫາຍ ອາຫຽບ ໄດ້ແຈ້ງໃຫ້ຊາບວ່າ: ໃນມື້ນີ້, ຄະນະພະນັກງານ, ທະຫານນັກຮົບກອງພັນໃຫຍ່ BB990 ຈະມາເຮັດວຽກງານຂົນຂວາຍປະຊາຊົນຢູ່ເສັ້ນທາງໃນໝູ່ບ້ານ. ແຕ່ລະຄອບຄົວແຕ່ງຕັ້ງຜູ້ຫນຶ່ງເຂົ້າຮ່ວມພ້ອມກັບຄະນະ, ບັນດາສະມາຊິກພັກ ຈະເປັນແບບຢ່າງນໍາໜ້າ.
ອາຫຽບ ຮ່ວມກັບຜູ້ອາວຸໂສຂອງບ້ານ ອ່າ ຢ່ອຍ ໄດ້ສະເໜີຕື່ມບັນດາວຽກງານລະອຽດເພື່ອໃຫ້ຊາວບ້ານເປັນເອກະພາບ. ດົນນານແລ້ວ, ປະຊາຊົນບ້ານຈຸ່ງຕ່າມ ມີຄວາມຫວັງຢາກມີເສັ້ນທາງຊອດໄປຮອດເສັ້ນທາງຫຼວງຂອງແຂວງ ເລກທີ 673. ເພື່ອເຮັດເສັ້ນທາງນີ້ ຕ້ອງໄດ້ຂຸດເອົາຫີນໃຫຍ່, ເຫງົ້າຕົ້ນໄມ້... ອອກ ແລະ ຫຼາຍໄປກວ່ານັ້ນ ແມ່ນໄປຜ່ານສວນກາເຟ, ສວນຕົ້ນ Litsea ຂອງ ປ້າ ອີ່ໂບ່ຍ.
 |
| ປະຊາຊົນບ້ານຈ່າງຕ່າມ ພາກພູມໃຈ ເມື່ອມີ່ເສັ້ນທາງໃໝ່ ຕັດໄປຮອດເສັ້ນທາງຫຼວງຂອງແຂວງ ເລກທີ 673. |
ປ້າ ອີ່ໂບ່ຍ ໃຫ້ຮູ້ວ່າ: ສວນຂອງຂ້າພະເຈົ້າແມ່ນຢູ່ລຽບຕາມເສັ້ນທາງຫຼວງແຂວງ ເລກທີ 673, ກວມເອົາບ້ານ ແລະ ເສັ້ນທາງຫຼວງຂອງແຂວງ. ຖ້າຫາກວ່າຂ້າພະເຈົ້າບໍລິຈາກທີ່ດິນເພື່ອສ້າງເສັ້ນທາງ, ໄລຍະທາງທີ່ປະຊາຊົນໃນບ້ານ ຈະສາມາດຍ່າງໄປຫາເສັ້ນທາງໃຫຍ່ຈະໃກ້ກວ່າຫຼາຍ. ດ້ວຍເຫດນີ້ ຂ້າພະເຈົ້າຈຶ່ງໄດ້ປະເນື້ອທີ່ດິນຫຼາຍຮ້ອຍຕາແມັດ, ຕົ້ນຜົນລະປູກຫຼາຍສິບຕົ້ນເພື່ອແລກເອົາຜົນປະໂຫຍດໃນອະນາຄົດມາໃຫ້ຊາວບ້ານທັງໝົດ.
ພາຍຫຼັງການປຶກສາຫາລື ແລະ ແລກປ່ຽນກັບຄອບຄົວ ປ້າ ອີ່ໂບ່ຍ ໄລຍະໜຶ່ງ, ປະຊາຊົນໄດ້ປະກອບຄຳຄິດຄຳເຫັນຕື່ມ ແລະ ໄດ້ຮັບການເຫັນດີເຫັນພ້ອມສູງ. ສະຫາຍ ອ່າຫຽບ ກັບເມືອບ້ານຢ່າງໄວວາ, ກິນເຂົ້າຢ່າງຟ້າວຟັງ, ນຸ່ງຊຸດອອກແຮງງານຂອງລາວ ແລ້ວກັບໄປບ່ອນເສັ້ນທາງ ທີ່ວາງແຜນວ່າຈະເຮັດ.
ເວລາ 6 ໂມງ 30 ເຊົ້າ, ມີນັກຮົບຈໍານວນ 24 ຄົນ ຂອງກອງພັນ BB304, ກອງພັນໃຫຍ່ BB990 ເຂົ້າຮ່ວມຢ່າງພ້ອມພຽງ. ຊາວບ້ານກໍຄ່ອຍໆມາຊ່ວຍນັບມື້ນັບຫຼາຍຂຶ້ນ. ປະຊາຊົນ 76 ຄົນ ຕາງໜ້າ 76 ຄອບຄົວ ໄດ້ປະກອບສ່ວນກໍ່ສ້າງເສັ້ນທາງ. ພະນັກງານຂອງບ້ານ ແລະ ສະມາຊິກພັກ ຈະເຂົ້າຮ່ວມໂດຍກົງ ແລະ ເປັນແບບຢ່າງໃຫ້ປະຊາຊົນປະຕິບັດຕາມ. ຜູ້ອາວຸໂສກໍ່ເຂົ້າຮ່ວມເຮັດວຽກເບົາ, ຖາງພຸ່ມໄມ້, ຫຍ້າລຽບຕາມຖະໜົນຫົນທາງ. ບາງຄົນຖືຈົກ, ບາງຄົນຖືຊ້ວນ, ບາງຄົນຖືສຽມ... ທັງໝົດລ້ວນແຕ່ມຸ່ງໄປເຖິງຈຸດໝາຍອັນດຽວກັນ ແມ່ນກໍ່ສ້າງເສັ້ນທາງພາຍໃນໝູ່ບ້ານໃຫ້ຊາວບ້ານໄດ້ໄປມາສະດວກ. .
 |
| ບັນດານັກຮົບ ຮ່ວມກັບປະຊາຊົນ ຂຸດເຫງົ້າຕົ້ນໄມ້ໃຫຍ່ ທີ່ຢູ່ກາງຖະໜົນ. |
ຜູ້ອາວຸໂສຂອງບ້ານ ລຸງ ອ່າໂຢ່ຍ ໃຫ້ຮູ້ວ່າ: ປີນີ້ຂ້າພະເຈົ້າມີອາຍຸ 66 ປີ, ແຕ່ສຸຂະພາບຍັງແຂງແຮງ. ໄດ້ຍິນວ່າທະຫານ ຈະມາສ້າງເສັ້ນທາງໃຫ້ປະຊາຊົນ, ຂ້າພະເຈົ້າດີໃຈຫລາຍ. ລູກ ແລະ ຫລານຂອງຂ້າພະເຈົ້າເວົ້າວ່າ ໃຫ້ຂ້າພະເຈົ້າຢູ່ບ້ານ ບໍ່ຈໍາເປັນຕ້ອງເຂົ້າຮ່ວມໃນການເຮັດເສັ້ນທາງ, ແຕ່ຂ້າພະເຈົ້າບໍ່ເຫັນດີ. ຍ້ອນວ່າເປັນຜູ້ອາວຸໂສຂອງບ້ານ, ຍັງມີສຸຂະພາບແຂງແຮງດີ, ສະນັ້ນຮ່ວມມືກັບປະຊາຊົນ ເຮັດຫຍັງໄດ້ກໍ່ເຮັດ, ດັ່ງນັ້ນເມື່ອໂຄສະນາປຸກລະດົມ ປະຊາຊົນກໍຈະໄດ້ຮັບຟັງ.
ເມື່ອມີປະຊາຊົນເຂົ້າຮ່ວມເປັນຈຳນວນຫຼວງຫຼາຍ, ຮ້ອຍໂທ ຮວ່າງຫວຽດຢຸ້ງ, ຮອງຫົວໜ້າກອງຮ້ອຍ 1, ກອງພັນ BB304, ກອງພັນໃຫຍ່ BB990 ໃຫ້ຮູ້ວ່າ: ຈະກໍ່ສ້າງເສັ້ນທາງດັ່ງກ່າວຕາມຄຳຮຽກຮ້ອງຂອງປະຊາຊົນ. ເຖິງວ່າເສັ້ນທາງຈະຜ່ານຄ້ອຍຊັນເປັນຫີນ, ເຫງົ້າຕົ້ນໄມ້ໃຫຍ່... ພວກເຮົາກໍ່ຈະພະຍາຍາມເຮັດໃຫ້ມັນລຽບພຽງ, ສ້າງເສັ້ນທາງທີ່ສະດວກສະບາຍທີ່ສຸດສໍາລັບປະຊາຊົນທຽວໄປມາ.
ດ້ວຍການສະໜັບສະໜູນ ແລະ ຄວາມເປັນຈິດໜຶ່ງໃຈດຽວຂອງປະຊາຊົນ, ບັນດາທະຫານກໍ່ຮູ້ສຶກວ່າ ມີກຳລັງໃຈຕື່ມອີກ. ເຂົາເຈົ້າໄດ້ແບ່ງໜ້າທີ່ໃຫ້ກັນ ແລະ ແບ່ງອອກເປັນກຸ່ມ ເພື່ອເຮັດວຽກຮ່ວມກັບປະຊາຊົນ ກໍ່ສ້າງເສັ້ນທາງ. ກຸ່ມຂຸດຮ່ອງ, ກຸ່ມຂະຫຍາຍເສັ້ນທາງ, ກຸ່ມຂຸດຫີນ, ກຸ່ມຕັດໄມ້... ທັງໝົດລ້ວນແຕ່ປະສານສົມທົບກັນຢ່າງກົມກຽວ.
ທ່ານຮ້ອຍໂທ ຮວ່າງຫວຽດຢຸ້ງ ຍິ້ມ ແລະ ເລົ່າຄືນວ່າ: ເມື່ອບໍ່ເທົ່າໃດມື້ກ່ອນນີ້, ໃນຂະນະທີ່ເຮັດເສັ້ນທາງການຜະລິດຢູ່ໝູ່ບ້ານ ດັກເຢີ່ນ, ທັງຄະນະລ້ວນແຕ່ເກີດຄວາມກັງວົນ ຍ້ອນຫີນໃຫຍ່ກ້ອນໜຶ່ງກີດຂວາງຢູ່ກາງທາງ, ຫຼາຍຄົນກອດກໍ່ບໍ່ຈອດ, ນ້ຳໜັກຫຼາຍກວ່າ 2 ໂຕນ.. ດ້ວຍຄວາມຕັດສິນໃຈຂອງທະຫານເກືອບສິບຄົນ ແລະ ການໃຫ້ກຳລັງໃຈຂອງຊາວບ້ານ, ກ້ອນຫີນໃຫຍ່ນັ້ນໄດ້ຖືກຍ້າຍອອກໄປໄວ້ຢູ່ແຄມທາງ. ພາຍຫຼັງ 2 ວັນເຮັດວຽກຢ່າງບໍ່ຮູ້ອິດເມື່ອຍກັບຊາວບ້ານ ດັກເຢີ່ນ, ຄະນະໄດ້ເຮັດສຳເລັດເສັ້ນທາງ 2,2 ກິໂລແມັດ ຕັດຜ່ານເຂດທຳການຜະລິດ, ປັບເສັ້ນທາງຕໍ່າລົງ 20 ແມັດ, ຂຸດຂຸມຂີ້ເຫຍື້ອ 10 ຂຸມ, ອະນາໄມມ້ຽນເສັ້ນທາງ ແລະ ເຮືອນ 107 ຄອບຄົວໃນບ້ານ.
 |
| ບັນດານັກຮົບຮ່ວມກັບປະຊາຊົນ ໄດ້ຂຸດເຫງົ້າຕົ້ນໄມ້ໃຫຍ່ທີ່ຢູ່ກາງຖະໜົນ. |
ຢູດເລື່ອງຢູ່ບ້ານດັກເຢີ່ນ, ທ່ານຮ້ອຍໂທ ຮວ່າງຫວຽດຢຸ້ງ ໄດ້ສືບຕໍ່ພ້ອມກັບອ້າຍນ້ອງທະຫານ ແລະ ພໍ່ແມ່ປະຊາຊົນ ເປີດເສັ້ນທາງຜ່ານສວນຂອງປ້າ ອີ່ໂບ່ຍ. ບັນດາຮາກຕົ້ນ Litsea ອາຍຸຫຼາຍປີໄດ້ຄ່ອຍໆພົ້ນອອກມາ, ເສັ້ນທາງດິນກວ້າງຄ່ອຍໆປະກົດຂຶ້ນ, ມີຮ່ອງນ້ໍາໄຫຼລຽບຕາມສອງຂ້າງຂອງເສັ້ນທາງ. ໃນບໍ່ຮອດໜຶ່ງມື້, ທະຫານ ແລະ ປະຊາຊົນໄດ້ເຮັດເສັ້ນທາງຍາວ 400 ແມັດ ແລະ ກວ້າງ 4 ມ, ເຊື່ອມຕໍ່ຈາກບ້ານຫາເສັ້ນທາງຫຼວງແຂວງ ແລກທີ 673, ຜ່ານສວນຂອງປ້າ ອີໂບ່ຍ. ເສັ້ນທາງດັ່ງກ່າວໄດ້ຮັບການສ້າງຂຶ້ນບົນພື້ນຖານຈິດໃຈສາມັກຄີ ແລະ ຄວາມຕັດສິນໃຈຂອງຊາວບ້ານ ແລະ ນັກຮົບທະຫານ.
ນອກຈາກບ້ານຈຸ່ງຕ່າມ ແລະ ດັກເຢີ່ນ, ບັນດາທະຫານກອງພັນ BB304 ແລະ ກອງພັນໃຫຍ່ BB990 ກໍ່ເຮັດວຽກງານຂົນຂວາຍປະຊາຊົນຢູ່ບ້ານ ປູຕ້າ ແລະ ບ້ານງອກລາ. ຢູ່ບ້ານປູຕາ ໃນ 3 ວັນໜ່ວຍງານໄດ້ສົມທົບກັບປະຊາຊົນເຮັດເສັ້ນທາງ 3,5 ກິໂລແມັດທາງຢູ່ເຂດຜະລິດ, ໄດ້ປັບທາງຕໍ່າລົງ 100 ກວ່າແມັດ. ຢູ່ບ້ານງອກລາ, ໜ່ວຍງານໄດ້ສົມທົບກັບປະຊາຊົນກໍ່ສ້າງເສັ້ນທາງຢູ່ເຂດຜະລິດຍາວ 3,4 ກິໂລແມັດ, ໄດ້ປັບທາງຕໍ່າລົງ 70 ແມັດ, ໄດ້ຊ່ວຍ 1 ຄອບຄົວປູພື້ນເຮືອນ.
ທ່ານ ຫງວຽນມິງຈີ, ຮອງປະທານຄະນະກຳມະການປະຊາຊົນຕາແສງ ມັ່ງຣີ່ ໃຫ້ຮູ້ວ່າ: ວຽກງານຂອງທະຫານກອງພັນ BB304, ກອງພັນໃຫຍ່ BB990, ກອງບັນຊາການທະຫານ ປະຕິບັດໜ້າທີ່ວຽກງານຂົນຂວາຍປະຊາຊົນຢູ່ເມືອງ ມັ່ງຣີ່ ໄດ້ນຳເອົາຫຼາຍກິດຈະກຳທີ່ມີຄວາມໝາຍ ແລະ ແທດຈິງມາໃຫ້ແກ່ຊີວິດຂອງປະຊາຊົນ. ປະຊາຊົນຢູ່ທີ່ນີ້ມີຄວາມສາມັກຄີພ້ອມກັບທະຫານ ກໍ່ສ້າງເສັ້ນທາງ, ຂຸດຂຸມຂີ້ເຫຍື້ອ ແລະ ການເຄື່ອນໄຫວອື່ນໆ ເພື່ອຮັບໃຊ້ຊີວິດປະຈໍາວັນຂອງປະຊາຊົນ.
ນອກຈາກເຮັດວຽກງານຂົນຂວາຍປະຊາຊົນ ຢູ່ຕາແສງ ມັ່ງຣີ່ ແລ້ວ, ບັນດານັກຮົບກອງພັນ 334, ກອງພັນໃຫຍ່ BB990 ຍັງສົມທົບກັບຄະນະພັກ, ອຳນາດການປົກຄອງ, ແນວໂຮມບັນດາຂັ້ນ ແລະ ປະຊາຊົນຕາແສງ ວັ່ນຊ່ວຍ (ເມືອງ ຕູ່ເມີຣົ່ງ) ເຮັດເສັ້ນທາງທຳການຜະລິດໃໝ່ 0,7 ກິໂລແມັດ; ສ້າງເສັ້ນທາງ 1,2 ກິໂລແມັດ ເພື່ອໃຫ້ນັກຮຽນໄປໂຮງຮຽນ; ປູກປ່າໃນເນື້ອທີ່ 2 ກວ່າເຮັກຕາ, ມີຕົ້ນແປກ 2.200 ຕົ້ນ; ຂຸດຂຸມຂີ້ເຫຍື້ອ 15 ຂຸມ ແລະ ຂຸມວິດ 3 ຂຸມ. ນອກນີ້, ນັກຮົບຍັງໄດ້ສົມທົບກັບກຳລັງທະຫານປະຊາຊົນ, ສະມາຊິກຊາວໜຸ່ມ ແລະ ໄວໜຸ່ມຂອງຕາແສງ, ບ້ານ ເພື່ອອະນາໄມໃຫ້ 55 ຄອບຄົວ, ເສັ້ນທາງລະຫວ່າງບ້ານ 300 ກວ່າແມັດ ແລະ ເຮືອນສະໂມສອນ 1 ຫຼັງ; ສ້ອມແປງຮົ້ວຢູ່ໂຮງຮຽນອະນຸບານ 1 ແຫ່ງ.
| ມອບໃບໃບຢັ້ງວິຊາພາສາລາວ ໃຫ້ນາຍທະຫານ, ທະຫານປະຊາຊົນອາຊີບ ຈໍານວນ 43 ຄົນ | |
 | ຮ່າໂນ້ຍ ລະດູດອກລີນລີຂາວ ຢູ່ຕາມຖະໜົນຫົນທາງ |
ອານຸໄຊ ສະຫວັດ