ລົງໂທດຢ່າງເຂັ້ມງວດກໍລະນີຫາປາທີ່ລະເມີດ IUU
| ກຽນຢາງ: ນະຄອນຟູ໋ກວກສຸມໃສ່ຈຸດສູງສຸດຂອງການປ້ອງກັນ ແລະ ຕ້ານ IUU | |
| ລາດຕະເວນເຂດຊາຍແດນທະເລ: ຕັດສິນໃຈຢຸດຕິສະພາບການກຳປັ່ນຫາປາລະເມີດ IUU |
ຫ້ອງວ່າການລັດຖະບານ ຫວຽດນາມ ຫາກໍ່ປະກາດໃຊ້ເອກະສານແຈ້ງການສະຫຼຸບຂອງ ທ່ານຮອງນາຍົກລັດຖະມົນຕີ ເຈິ່ນລືວກວາງ ໂດຍໄດ້ຮຽກຮ້ອງໃຫ້ບັນດາກະຊວງ, ຂະແໜງການ, ທ້ອງຖິ່ນທີ່ກ່ຽວຂ້ອງສຸມໃສ່ຊີ້ນຳນຳພາ, ມີການກະທຳຢ່າງເດັດຂາດໃນການປະຕິບັດບັນດາໜ້າທີ່ຕໍ່ໜ້າ, ບັນດາມາດຕະການຈຸດສຸມຕ່າງໆ ເພື່ອຕ້ານການຂຸດຄົ້ນສິນໃນນ້ຳໂດຍຜິດກົດໝາຍ, ບໍ່ຖືກຕ້ອງຕາມຂໍ້ກຳນົດ ແລະ ບໍ່ລາຍງານ (IUU).
 |
ທ່ານຮອງນາຍົກລັດຖະມົນຕີ ເຈິ່ນລືວກວາງ ຮຽກຮ້ອງຕ້ອງກະກຽມແຜນການ, ເນື້ອໃນເຮັດວຽກກັບຄະນະກວດກາຂອງຄະນະກຳມະການເອີຣົບ ຄັ້ງທີ 4 ໃຫ້ລະອຽດ, ສູ້ຊົນບັນລຸເປົ້າໝາຍຮອດເດືອນ ຕຸລາ 2023 ສາມາດໄດ້ຍົກເລີກ “ບັດເຫຼືອງ”. ບັນດາກະຊວງຄື: ກະຊວງກະສິກຳ ແລະ ພັດທະນາຊົນນະບົດ, ກະຊວງປ້ອງກັນປະເທດ, ກະຊວງການຕ່າງປະເທດ ແລະ ບັນດາທ້ອງຖິ່ນທີ່ກ່ຽວຂ້ອງ ຕ້ອງປະຕິບັດການຊີ້ນຳຂອງນາຍົກລັດຖະມົນຕີກ່ຽວກັບ “ແຜນການເຄື່ອນໄຫວຕ້ານການຂຸດຄົ້ນສິນໃນນ້ຳຜິດກົດໝາຍ, ບໍ່ລາຍງານ, ບໍ່ຖືກຕ້ອງຕາມຂໍ້ກຳນົດ” ຢ່າງເດັດຂາດ.
ຄຳຮຸ່ງ