Samsung Display Vietnam ຊອກຫາແຫຼ່ງຊັບພະຍາກອນມະນຸດຄຸນນະພາບສູງທີ່ໄດ້ບຳລຸງສ້າງຢູ່ ສ.ເກົາຫຼີ
ພິທີລົງນາມໃນບົດບັນທຶກຊ່ວຍຈຳ (MOU) ກ່ຽວກັບການຮ່ວມມືຈັດຕັ້ງກອງປະຊຸມສຳມະນາຮັບສະໝັກບຸກຄະລາກອນລະຫວ່າງ Samsung Display Vietnam (SDV) ແລະສະມາຄົມນັກສຶກສາຫວຽດນາມ ຢູ່ ສ.ເກົາຫຼີ (VSAK) ໄດ້ດຳເນີນຢູ່ສະຖານທູດ ຫວຽດນາມ ປະຈຳ ສ.ເກົາຫຼີ.
 |
| Samsung Display Vietnam ຊອກຫາແຫຼ່ງຊັບພະຍາກອນມະນຸດຄຸນນະພາບສູງທີ່ໄດ້ບຳລຸງສ້າງຢູ່ ສ.ເກົາຫຼີ. ພາບ: TTXVN |
ເຂົ້າຮ່ວມ ແລະເປັນສັກຂີພິຍານພິທີລົງນາມ ມີຜູ້ຕາງໜ້າສະຖານທູດ ຫວຽດນາມ ປະຈຳ ສ.ເກົາຫຼີ, ຜູ້ຕາງໜ້າບັນດາສາຂາຂອງ VSAK. ນີ້ແມ່ນເຫດການທີ່ມີຄວາມໝາຍໃນປີສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ສ.ເກົາຫຼີ ແລະ 15 ປີແຫ່ງວັນສ້າງຕັ້ງ VSAK.
VSAK ແລະ SDV ໃຫ້ຄໍາໝັ້ນສັນຍາຈະສົມທົບກັນຈັດກອງປະຊຸມ ສໍາມະນາການຮັບສະຫມັກນັກສຶກສາ, ນົກຄົ້ນຄວ້າ ເພື່ອຊອກຫາ ຊັບພະຍາກອນມະນຸດຄຸນນະພາບສູງສຳລັບບໍລິສັດ SDV, ພ້ອມກັນນັ້ນ ກໍນໍາມາເຊິ່ງຂໍ້ມູນຂ່າວສານ, ທັກສະທີ່ມີຜົນປະໂຫຍດໃນຂະບວນການຊອກຫາ ວຽກເຮັດງານທໍາ.
ກ່າວຄຳເຫັນທີ່ພິທີ, ທ່ານ ເລວັນຮຸ່ງ, ເລຂາເອກ, ສະຖານທູດຫວຽດນາມ ໃຫ້ຮູ້ວ່າ: ນີ້ແມ່ນເຫດການທີ່ມີຄວາມໝາຍທີ່ສຸດ, ເປັນຂີດໝາຍຄັ້ງທຳອິດທີ່ວິສາຫະກິດໃຫຍ່ຄື SDV ລົງນາມໃນສັນຍາຮ່ວມມືກັບສະມາຄົມນັກສຶກສາ ຫວຽດນາມ ຢູ່ ສ.ເກົາຫຼີ. ເຫດການດັ່ງກ່າວໄດ້ຮັບຖືວ່າເປັນການເລີ່ມຕົ້ນອັນດີ ແລະເປັນບາດກ້າວບຸກທະລຸເພື່ອປະກອບສ່ວນເຂົ້າໃນການພັດທະນາປະເທດຊາດຢ່າງແຮງ. ສະຖານທູດ ຫວຽດນາມ ປະຈຳ ສ.ເກົາຫຼີ ໃຫ້ຄຳໝັ້ນ ສັນຍາໜູນຊ່ວຍ SDV ແລະ VSAK ຢ່າງສຸດຄວາມສາມາດ ເພື່ອສ້າງກາລະໂອກາດໃຫ້ນັກຮຽນ ຫວຽດນາມ ຫຼາຍກວ່າອີກ.
ບູນມີ