ຄວາມງາມຂອງບັນດາໝູ່ບ້ານຫາປ່າຢູ່ ຫວຽດນາມ
| ຫຼົງໄຫຼກັບຄວາມງາມທີ່ໃຫຍ່ໂຕມະໂຫຖານ, ປະຖົມປະຖານຂອງອ່າວຮະລອງບົນພູພຽງ | |
| ຫວຽດນາມ ໃຫ້ຄຳໝັ້ນສັນຍາຈະສ້າງເງື່ອນໄຂອຳນວຍຄວາມສະດວກໃຫ້ແກ່ບັນດານັກລົງທຶນ ຍີ່ປຸ່ນ |
ໝູ່ບ້ານຫາປ່າ ເກືອວ້ານ (ຮະລອງ)
 |
| ພາບ: dulichhalong.net |
ໂດຍນອນຢູ່ທ່າມກາງອ່າວຮະລອງ, ໝູ່ບ້ານເກືອວ້ານ ປັດຈຸບັນແມ່ນບ່ອນດຳລົງຊີວິດຂອງ 176 ຄອບຄົວ, ດ້ວຍປະຊາຊົນກ່ວາ 750 ຄົນ, ສ່ວນຫຼາຍດຳລົງຊີວິດດ້ວຍອາຊີບຫາປາ. ມາເຂດເກຶອວ້ານ, ແຂກທ່ອງທ່ຽວຈະຖືກດຶງດູດໃຈດ້ວຍຄວາມງາມຂອງເຮືອ, ເຮືອນຊານ, ຊາວປະມົງທີ່ລຽບງ່າຍ ແຕ່ມີຄວາມຮັກແພງແຂກຄົນ...
 |
| ພາບ: dulichhalong.net |
ໝູ່ບ້ານກ໊າຍແບ່ວ (ກາດບ່າ, ຫ໋າຍຟ່ອງ)
 |
| ພາບ: truyenhinhdulich.vn |
ໝູ່ບ້ານກ໊າຍແບ່ວມີຄວາມກວ້າງປະມານ 18.000 ຕາແມັດ, ຂຶ້ນກັບເທດສະບານກ໊າດບ່າ, ເມືອງກາດຫ໋າຍ, ຫ໋າຍຝ່ອງ ເຊິ່ງແມ່ນໝູ່ບ້ານດິນພົ້ນແມ່ນ້ຳໃຫຍ່ທີ່ສຸດຂອງຫວຽດນາມ, ພ້ອມທັງກໍ່ແມ່ນຮ່ອງຮອຍວັນນະຄະດີບູຮານສຳຄັນທີ່ສຸດຢູ່ເຂດແຄມທະເລ ແລະ ໝູ່ເກາະທາງທິດຕາເວັນອອກສ່ຽງເໜືອ ຫວຽດນາມ. ໝູ່ບ້ານກ໋າຍແບ່ວຍັງດຶງດູດແຂກທ່ອງທ່ຽວດ້ວຍຄວາມງາມດັ່ງໃນຝັນຂອງທຳມະຊາດ ແລະ ການດຳລົງຊີວິດທີ່ຄຶກຄື້ນຂອງຊາວປະມົງ.
 |
| ພາບ: truyenhinhdulich.vn |
ໝູ່ບ້ານລັງໂກ (ເຫ້ວ)
 |
| ພາບ: kinhtemoitruong.vn |
ໝູ່ບ້ານລັງໂກ (ເມືອງຝູລົກ, ແຂວງເທື່ອທຽນ ເຫ້ວ) ມີຄວາມງາມຄືດັ່ງພາບ ດ້ວຍຫາດຊາຍຂາວທີ່ແກ່ຍາວນັບສິບກີໂລແມັດ, ນ້ຳທະເລທີ່ຂຽວໃສ. ຄວາມງາມພ້ອມກັບຄວາມຮັກແພງແຂກຄົນ, ຄວາມສຸດຈິດສຸດໃຈຂອງຊາວເຫ້ວ ເຮັດໃຫ້ບ່ອນນີ້ຍາມໃດກໍ່ສ້າງຄວາມປະທັບໃຈທີ່ຍາກຈະຫຼົງລື່ມໄດ້ຂອງແຂກທ່ອງທ່ຽວ.
 |
| ພາບ: kinhtemoitruong.vn |
ໝູ່ບ້ານຫ໋າຍມິງ (ກຸຍເຍິນ, ບິ່ງດິ້ງ)
 |
| ພາບ: ອານແຄ໊ງ |
ໝູ່ບ້ານຫ໋າຍມິງນອນຢູ່ແຫຼມເຟືອງມາຍ, ຂຶ້ນກັບເຂດ 9, ຕາແສງຫ໋າຍກ໋າງ, ນະຄອນກຸຍເຍິນ. ມາໝູ່ບ້ານຫ໋າຍມິງ, ແຂກທ່ອງທ່ຽວບໍ່ພຽງແຕ່ໄປຄົ້ນຫາຄວາມງາມຂອງທຳມະຊາດແບບປະຖົມປະຖານເທົ່ານັ້ນ ຫາກຍັງຮູ້ສຶກໄດ້ເຖິງຄວາມຮັກແພງແຂກຄົນຂອງຊາວປະມົງທິ່ໃຈດີອີກດ້ວຍ.
 |
| ພາບ: ເຕືອງກວຽນ |
ໝູ່ບ້ານບິກເດິມ (ຍາຈາງ)
 |
| ພາບ: kinhtemoitruong.vn |
ນອນໃນກຸ່ມໝູ່ເກາະຮ່ອນແຈ, ຂຶ້ນກັບຕາແສງໄກທີ່ສຸດຂອງຍາຈາງ, ບ່ອນນີ້ມີຊື່ສຽງດ້ວຍໜອງນ້ຳທີ່ຂຽວສົດງົດງາມຄືເພັດ ແລະ ນັ້ນກໍ່ແມ່ນຕົ້ນກຳເນີດຂອງບິດເດິມ. ເມື່ອຍ່າງຢູ່ທີ່ນີ້ ກໍຮູ້ສຶກມີຄວາມສະຫງົບສຸກທີ່ສຸດ.
ໝູ່ບບ້ານມຸຍແນ໊ (ຟານທຽດ)
 |
| ພາບ: kinhtemoitruong.vn |
ໝູ່ບ້ານມຸຍແນ໊ ຫຼື ຍັງໄດ້ເອີ້ນວ່າ ທ່າກ່ຳປັ່ນຫາປາມຸຍແນ໊ ແມ່ນສະຖານທີ່ທ່ອງທ່ຽວດຶງດູດແຂງທ່ອງທ່ຽວເມື່ອມາຍັງຟານທຽດ. ໝູ່ບ້ານຕັ້ງຢູ່ເສັ້ນທາງຮິງທຸກຄ໊າງ, ລຽບຕາມຫາດຊາຍທີ່ຍາວປະມານ1ກິໂລແມັດ, ໝູ່ບ້ານມຸຍແນ໊ແມ່ນສະຖານທີ່ຂອງບັນດາຄອບຄົວທີ່ຫາປາເປັນມືອາຊີບ.
ພາບ: kinhtemoitruong.vn
ໝູ່ບ້ານແທງນາມ (ໂຮ້ຍອານ)
ພາບ: kinhtemoitruong.vn
ແທງນາມ ແມ່ນໝູ່ບ້ານຫາປານອນຢູ່ແຄມທະເລເກືອດ້າຍ, ເຊິ່ງໄດ້ຮັບຄວາມນິຍົມຊົມຊອບເມື່ອມາໂຮ້ຍອານ. ມາຮອດໝູ່ບ້ານແທງນາມ, ຊາວປະມົງຢູ່ແຫ່ງນີ້ ຈະພາແຂກທ່ອງທ່ຽວໄປຢ້ຽມຊົມທິວທັດທຳມະຊາດເຂດແມ່ນ້ຳລຳເຊທີ່ສວຍສົດງົດງາມ, ໄດ້ຮັບການແນະນຳວິທີພາຍເຮືອ, ຫ້າງແຮ້ວຫາປ່າ.
 |
| ພາບ: kinhtemoitruong.vn |
ໝູ່ບ້ານຫາປາ ເຟືອກຫ໋າຍ (ຫວູງເຕົາ)
ພາບ: kinhtemoitruong.vn
ໝູ່ບ້ານຫາປາເຟືອກຫ໋າຍ ມີແຕ່ດົນນານແລ້ວ, ຂຶ້ນກັບຕາແສງເຟືອກຫ໋າຍ, ເມືອງເດິດດໍ, ແຂວງບ່າເຣ້ຍ - ຫວູງເຕົາ, ປະຊາຊົນຢູ່ແຫ່ງນີ້ສ່ວນຫຼາຍດຳລົງຊີວິດດ້ວຍອາຊີຫາປາ ແລະ ເຮັດແຫ້ງ. ປັດຈຸບັນ, ເຟືອກຫ໋າຍຍັງຄຶກຄື້ນຍາມຮຸ່ງເຊົ້າ ແລະ ໃນເມື່ອກ່ຳປັ່ນຫາປາຂອງຊາວປະມົງນຳອາຫານທະເລແຊບສົດກັບມາ.
 |
| ພາບ: thoidai.com.vn |
ໝູ່ບ້ານຫາປາຮ່າມນິງ (ຝູກວັກ)
 |
| ພາບ: kinhtemoitruong.vn |
ໝູ່ບ້ານນອນຢູ່ຕີນພູຮ່າມນິງ, ຂຶ້ນກັບຕາແສງຮ່າມນິງ, ເມືອງຝຸກວັກ, ແຂວງກຽນຢາງ. ປະຊາຊົນຢູ່ແຫ່ງນີ້ດຳລົງຊີວິດດ້ວຍອາຊີບຫາປາ, ຂຸດຄົ້ນສິນໃນນ້ຳຢູ່ມະຫາສະມຸດທະເລ. ປັດຈຸບັນ, ເຂດນີ້ໄດ້ນຳເຂົ້າເຄື່ອນໄຫວການຂຸດຄົ້ນຄວາມສາມາດບົ່ມຊ້ອນຂະແໜງທ່ອງທ່ຽວ.
ບຸນຄົງ