ວິສາຫະກິດຢູ່ແຂວງ Mazandaran ຕ້ອງການນຳເຂົ້າປາທູນ່າ ຈາກຫວຽດນາມ
| ແລກປ່ຽນກ່ຽວກັບຄວາມອາດສາມາດໃນການຮ່ວມມືດ້ານການແພດ ລະຫວ່າງ ຫວຽດນາມ - ອີຣານ | |
| ຊຸກຍູ້ການຮ່ວມມືລະຫວ່າງປະຊາຊົນຫວຽດນາມ ແລະ ອີຣານ |
ຄະນະຜູ້ແທນໄດ້ພົບປະ ແລະ ເຮັດວຽກກັບຄະນະອຳນວຍການບໍລິສັດອຸດສາຫະກຳອາຫານ Mavarid Karane Khazar - ເຊິ່ງເປັນບໍລິສັດທີ່ຊ່ຽວຊານດ້ານການຜະລິດປາທູນ່າສຳເລັດຮູບແບບກະປ໋ອງ ຢູ່ອີຣານ. ບໍລິສັດໄດ້ແນະນຳກ່ຽວກັບກຳລັງການຜະລິດ, ສິ່ງອຳນວຍຄວາມສະດວກ ແລະ ປາດຖະໜາຢາກນຳເຂົ້າປາທູນ່າຈາກ ຫວຽດນາມ ເພື່ອເພີ່ມທະວີການນຳເຂົ້າ ພ້ອມທັງປຶກສາຫາລືຄວາມສາມາດຮ່ວມມື ແລະ ສ້າງຕັ້ງໂຮງງານຜະລິດປາທູນ່າຂອງບໍລິສັດຢູ່ ຫວຽດນາມ.
ທ່ານເອກອັກຄະລັດຖະທູດ ຫວຽດນາມ ປະຈຳ ອີຣານ ເລຶ່ອງກ໋ວກຮູ່ຍ ໄດ້ແນະນຳກ່ຽວກັບຂະແໜງການສິນໃນນ້ຳ ແລະ ອາຫານທະເລຂອງຫວຽດນາມ, ໄດ້ປຶກສາຫາລືກັບບໍລິສັດ ເພື່ອຊອກຫາວິທີການຮ່ວມມືທີ່ມີປະສິດທິຜົນທີ່ສຸດລະຫວ່າງ 2 ຝ່າຍ.
 |
| ວິສາຫະກິດຢູ່ແຂວງ Mazandaran ຕ້ອງການນຳເຂົ້າປາທູນ່າ ຈາກຫວຽດນາມ. (ພາບ: baoquocte) |
ກ່ອນໜ້ານັ້ນ, ທ່ານເອກອັກຄະລັດຖະທູດ ເລຶ່ອງກ໋ວກຮູ່ຍ ໄດ້ເຮັດວຽກກັບທ່ານ H. Mirzajani, ຜູ້ອຳນວຍການຂອງ Arang Sazpad Construction Co ເພື່ອປຶກສາຫາລືຄວາມສາມາດຮ່ວມມື, ການຄ້າ ແລະ ການລົງທຶນກັບບັນດາວິສາຫະກິດ ຫວຽດນາມ ໃນຂົງເຂດກໍ່ສ້າງ.
ຫວຽດນາມ ແລະ ອີຣານ ສ້າງຕັ້ງການພົວພັນທາງການທູດໃນວັນທີ 4 ສິງຫາ 1973. ເກືອບ 50 ປີຜ່ານມາ, ການພົວພັນລະຫວ່າງສອງປະເທດໄດ້ມີບາດກ້າວພັດທະນາຢ່າງຕັ້ງໜ້າໃນຂົງເຂດການເມືອງ, ເສດຖະກິດ - ການຄ້າ, ວັດທະນະທຳ, ການສຶກສາ, ວິທະຍາສາດ - ເຕັກນິກ.
ອີຣານ ປາດຖະໜາຢາກຮ່ວມມືກັບ ຫວຽດນາມ ໃນບັນດາຂົງເຂດທີ່ມີທ່າແຮງຄື: ອຸດສາຫະກຳ, ນ້ຳມັນ, ການກໍ່ສ້າງ, ຄົມມະນາຄົມຂົນສົ່ງ, ຜະລິດຊີມັງ, ຝຸ່ນ...; ອີຣານກໍ່ມີຄວາມຕ້ອງການນຳເຂົ້າຜະລິດຕະພັນກະເສດຈາກຫວຽດນາມ.
ຄຳຮຸ່ງ