ກາວບັງມີເຂດຮ່ອງຮອຍປະຫວັດສາດແຫ່ງຊາດຕື່ມອີກ 2 ແຫ່ງ
 |
| ທິວທັດທຳມະຊາດຕາເທວະດາພູ ຢູ່ກາວບັ່ງ (ພາບ: TTXVN) |
ຕອນບ່າຍວັນທີ 30 ມີນາ, ຄະນະກຳມະການປະຊາຊົນເມືອງ ຈຸງແຄ໋ງ, ແຂວງ ກາວບັງ ໄດ້ຈັດຕັ້ງພິທີຮັບໃບຢັ້ງຢືນຮ່ອງຮອຍປະຫວັດສາດລະດັບຊາດຫວຽດນາມ ຢູ່ຖ້ຳເງືອມຈຽງ ແລະ ທິວທັດທຳມະຊາດຕາເທວະດາພູ, ເມືອງຈຸງແຄ໋ງ.
ຮ່ອງຮອຍປະຫວັດສາດຂອງວິທະຍຸກະຈາຍສຽງຫວຽດນາມ ຢູ່ຖ້ຳເງືອມຈຽງ (1966-1978) - ໄດ້ຮັບການຄັດເລືອກເປັນໜຶ່ງໃນຫຼາຍສະຖານທີ່ໃນທົ່ວປະເທດ ເພື່ອສ້າງຕັ້ງເຄືອຂ່າຍສະຖານີວິທະຍຸກະຈາຍສຽງ ຫວຽດນາມ ສຳຮອງ, ອອກອາກາດກະຈາຍສຽງຫວຽດນາມ.ໜ້າທີ່ຂອງວິທະຍຸ A3 ແມ່ນວິທະຍຸກະຈາຍສຽງຢູ່ພາຍໃນ ແລະ ຕ່າງປະເທດ, ກະຈາຍສຽງໄປຍັງເອີລົບ ປະຕິບັດບັນດາໜ້າທີ່ການເມືອງ, ນະໂຍບາຍ, ແນວທາງຂອງພັກ ແລະ ລັດ, ການຕ່າງປະເທດ ແລະ ອື່ນໆ, ປະກອບສ່ວນຮັບປະກັນໃຫ້ວິທະຍຸກະຈາຍສຽງຫວຽດນາມ ສືບຕໍ່ຮັກສາຢ່າງລຸລ່ວງໃນໄລຍະສົງຄາມຕ້ານ ອາເມລິກາ ກອບກູ້ເອົາປະເທດຊາດແຕ່ປີ 1966-1978. ນີ້ກໍ່ແມ່ນສະຖານທີ່ສ້າງຂີດໝາຍຂອງຊຸມວັນເຄື່ອນໄຫວຂອງພະນັກງານ, ລັດຖະກອນວິທະຍຸກະຈາຍສຽງຫວຽດນາມ ໃນສົງຄາມຕໍ່ຕ້ານຈັກກະພັດອາເມລິກາ.
ດ້ວຍບັນດາຄຸນຄ່າທີ່ເປັນເອກະລັກສະເພາະ, ມີຄວາມພົ້ນເດັ່ນດ້ານປະຫວັດສາດ, ວັດທະນະທຳ, ທິວທັດທຳມະຊາດ, ຮ່ອງຮອຍປະຫວັດສາດສະຖານີວິທະຍຸກະຈາຍສຽງຫວຽດນາມ, ຖ້ຳເງືອມຈຽງ ແລະ ເຂດທິວທັດທຳມະຊາດຕາເທວະດາພູ ຢູ່ຕາແສງ ກາວເຈືອງ ໄດ້ຮັບການຮັບຮອງວ່າແມ່ນຮ່ອງຮອຍປະຫວັດສາດແຫ່ງຊາດຈາກ ກະຊວງວັດທະນະທຳ, ກິລາ ແລະ ທ່ອງທ່ຽວ.
ບຸນຄົງ