ສື່ມວນຊົນຄວນສືບຕໍ່ປະຕິບັດໜ້າທີ່ຖະແຫຼງຂ່າວ, ໂຄສະນາກ່ຽວກັບການປ້ອງກັນ, ຕ້ານພະຍາດໃຫ້ເປັນຢ່າງດີ
 |
| ທ່ານຮອງນາຍົກລັດຖະມົນຕີ ຫວູດຶກດາມ ກ່າວຄຳເຫັນທີ່ການແລກປ່ຽນວຽກງານ (ພາບ: TTXVN) |
ກ່າວຄຳເຫັນທີ່ການແລກປ່ຽນວຽກງານ, ທ່ານຮອງນາຍົກລັດຖະມົນຕີ ຫວູດຶກດາມ ໂດຍຕາງໜ້າລັດຖະບານ, ນາຍົກລັດຖະມົນຕີ ໄດ້ສະແດງຄວາມຂອບອົກຂອບໃຈໄປຍັງຄະນະໂຄສະນາສຶກສາສູນກາງ, ສະມາຄົມນັກຂ່າວຫວຽດນາມ, ບັນດາອົງການສື່ມວນຊົນຍາມໃດກໍ່ຮ່ວມເດີນທາງ, ຮ່ວມແຮງຮ່ວມໃຈ, ໜູນຊ່ວຍລັດຖະບານ ຜ່ານຜ່າປີໜຶ່ງທີ່ເຕັມໄປດ້ວຍຄວາມຫຍຸ້ງຍາກ, ສິ່ງທ້າທາຍ, ປະຕິບັດສຳເລັດບັນດາເປົ້າໝາຍໃຫຍ່ໃນທຸກດ້ານໂດຍພື້ນຖານ.
ຕາມທ່ານຮອງນາຍົກລັດຖະມົນຕີ, ປີ2021ແມ່ນປີພິເສດ, ມີຫຼາຍເຫດການໃຫຍ່ສຳຄັນຫຼາຍຢ່າງ, ແຕ່ປະເທດເຮົາກໍ່ຖືກເສຍຫາຍຫຼາຍຢ່າງຍ້ອນຜົນກະທົບຈາກໂລກລະບາດໂຄວິດ - 19. ໃນສະພາບການທີ່ເຕັມໄປດ້ວຍຄວາມຫຍຸ້ງຍາກນັ້ນ ພະລັງຊີວິດ, ບັນດາຄຸນທາດທີ່ດີງາມຂອງປະຊາຊົນຫວຽດນາມ ແຕ່ລະຄົນພັດໄດ້ຮັບການປຸກລຸກ, ແຜ່ກະຈາຍອອກ.
ທ່ານຮອງນາຍົກລັດຖະມົນຕີ ເນັ້ນວ່າ: ສື່ມວນຊົນຄວນສືບຕໍ່ປະຕິບັດໜ້າທີ່ຖະແຫຼງຂ່າວ, ໂຄສະນາໃຫ້ເປັນຢ່າງດີ ເພື່ອໃຫ້ປະຊາຊົນແຕ່ລະຄົນ ຕະຫຼອດຮອດບັນດາວິສາຫະກິດ, ປະຊາຄົມ, ສັງຄົມ ເຫັນດີເຫັນພ້ອມ, ປະຕິບັດບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19ບົນຈິດໃຈ “ຮັບມືຢ່າງປອດໄພ, ມີໄຫວພິບ, ຄວບຄຸມພະຍາດໂຄວິດ - 19ຢ່າງມີປະສິດທິຜົນ” ໃນນັ້ນຄາດຄະເນ ແລະ ເປັນເຈົ້າການທາງສື່ມວນຊົນກ່ຽວກັບບັນດາຄວາມສ່ຽງທີ່ອາດຈະເກີດຂຶ້ນຈາກໂລກລະບາດໂຄວິດ - 19.
ບຸນຄົງ