ທ່ານປະທານປະເທດ ຫວຽດນາມ ຢ້ຽມຢາມ, ລົງລະດົມກຳລັງໃຈກຳລັງສາທາລະນຸສຸກ ຢູ່ ດ່າໜັງ
 |
| ທ່ານປະທານປະເທດ ຫວຽດນາມ ຢ້ຽມຢາມ, ລົງລະດົມກຳລັງໃຈກຳລັງສາທາລະນຸສຸກ ຢູ່ ດ່າໜັງ. ພາບ: TTXVN |
ທ່ານປະທານປະເທດຫວຽດນາມ ຫງວຽນຊວັນຟຸກ ຕີລາຄາສູງຕໍ່ການພັດທະນາຂອງບັນດາໂຮງໝໍແຫ່ງດັ່ງກ່າວ, ກາຍເປັນສູນກວດ, ປິ່ນປົວພະຍາດທີ່ມີຊື່ສຽງຢູ່ພາກກາງ, ເຂດໄຕງວຽນຂອງ ຫວຽດນາມ. ໃນນັ້ນ, ໂຮງໝໍດາໜັງ ກໍໄດ້ດຳເນີນບັນດາວຽກງານວິຊາສະເພາະກ່ຽວກັບການປ່ຽນອະໄວຍະວະພາຍໃນຕົວຄົນ. ບັນດາທ່ານໝໍ, ພະນັກງານ, ລັດຖະກອນຂອງໂຮງໝໍດາໜັງ ແລະ ໂຮງໝໍ C ນະຄອນ ດ່າໜັງ ໄດ້ພ້ອມກັນມານະພະຍາຍາມຢ່າງບໍ່ຢຸດຢັ້ງ ເພື່ອຜ່ານຜ່າຄວາມຫຍຸ້ງຍາກຈາກການແຜ່ລະບາດຂອງພະຍາດໂຄວິດ-19, ປະກອບສ່ວນສຳຄັນພ້ອມກັບນະຄອນດ່າໜັງເຂົ້າໃນການຄຸ້ມຄອງພະຍາດໂຄວິດ-19 ຢ່າງມີປະສິດທິຜົນ.
ໂດຍຊົມເຊີຍ, ຮັບຮູ້ບັນດາຜົນງານທີ່ໂຮງໝໍສອງແຫ່ງດັ່ງກ່າວບັນລຸໄດ້, ທ່ານປະທານປະເທດ ຫວຽດນາມ ຫງວຽນຊວັນຟຸກ ໄດ້ສົ່ງຄຳຢື້ຢາມຖາມຂ່າວ ແລະ ຕີລາຄາສູງຂອງການນຳພັກ, ລັດທີ່ມີຕໍ່ວຽກງານຊີ້ນຳ, ນຳພາ, ວຽກງານປ້ອງກັນ, ຕ້ານໂລກລະບາດໂຄວິດ - 19 ຂອງຂະແໜງສາທາລະນະສຸກ ນະຄອນ, ພິເສດແມ່ນພະນັກງານການແພດ ທີ່ມີບົດບາດສຳຄັນທີ່ສຸດໃນການຮັບມືກັບໂລກລະບາດໂຄວິດ - 19. ນີ້ແມ່ນຜົນສຳເລັດຢ່າງໃຫຍ່ຫຼວງ, ເປັນໜ້າຮັບຮູ້ຊື່ນຊົມ ແລະ ແຜ່ກະຈາຍອອກ.
ໄຊພອນ