ປີ 2021 ຊາວຫວຽດນາມຢູ່ຕ່າງປະເທດສົ່ງເງິນກັບຄືນປະເທດ ຄາດວ່າຈະເພີ່ມຂຶ້ນ 10% ເມື່ອທຽບໃສ່ປີກ່ອນ

	​​ປີ 2022, ຫວຽດນາມ ​ແມ່ນ​ຕະຫຼາດ​ສຳຄັນ​ຂອງ​ບັນດາກຸ່ມ​ວິ​ສາ​ຫະກິດ​ຂາຍຍ່ອຍ​ຍີ່ປຸ່ນ
	ວຽກງານຈຸດສຸມຈໍານວນໜຶ່ງໃນປີ 2022 ຂອງສະມາຄົມມິດຕະພາບຫວຽດນາມ - ລາວ ຢູ່ແຂວງ ດັກລັກ

ພາບປະກອບ: internet

ທ່ານ ຮອງຜູ້ວ່າການທະນາຄານແຫ່ງລັດ ດ່າວມີງຕູ ໄດ້ຢືນຢັນວ່າ ນີ້ແມ່ນສະຖິຕິຂອງທະນາຄານແຫ່ງລັດ ແລະ ທຸກປີຕົວເລກສະຖິຕິຂອງທະນາຄານແຫ່ງລັດ ຖືເປັນຕົວເລກຢ່າງເປັນທາງການເມື່ອນຳໃຊ້ເຂົ້າໃນບັນດາບົດລາຍງານ, ຕີລາຄາ ເພາະທະນາຄານແຫ່ງລັດມີຄວາມຮັບຜິດຊອບໃນການຄຸ້ມຄອງລັດ ແລະ ໜ້າທີ່ສະຖິຕິຕົວເລກດັ່ງກ່າວ.

ຕາມ ທ່ານຮອງຜູ້ວ່າການທະນາຄານແຫ່ງລັດ ດ່າວມີງຕູ ແລ້ວ, ຈຳນວນເງິນຕາຕ່າງປະເທດ ທີ່ຊາວຫວຽດນາມ ຢູ່ຕ່າງປະເທດສົ່ງກັບຄືນປະເທດ ໃນປີນີ້ເພີ່ມຂຶ້ນປະມານ 10% ເມື່ອທຽບໃສ່ປີ 2020. ໃນນັ້ນ, ຈຳນວນເງິນຕາຕ່າງປະເທດ ທີ່ຊາວຫວຽດນາມ ຢູ່ຕ່າງປະເທດສົ່ງມາຜ່ານບັນດາອົງການສິນເຊື່ອມີປະມານ 7%, ບັນດາບໍລິສັດເງິນຕາຕ່າງປະເທດ ທີ່ຊາວຫວຽດນາມຢູ່ຕ່າງປະເທດສົ່ງມາ 28%, ຜ່ານໄປສະນີ 2%.

ທ່ານ ຮອງຜູ້ວ່າການທະນາຄານແຫ່ງລັດ ດ່າວມີງຕູ ໃຫ້ຮູ້ວ່າ ເຖິງວ່າໄດ້ຮັບຜົນກະທົບຈາກພະຍາດໂຄວິດ-19, ຊາວຫວຽດນາມ ອາໄສຢູ່ຕ່າງປະເທດຍັງປະສົບກັບຄວາມຫຍຸ້ງຍາກຫຼາຍຢ່າງກໍ່ຕາມ, ແຕ່ຍັງມີຄວາມເອົາໃຈໃສ່ມຸ່ງສູ່ບ້ານເກີດເມືອງນອນ. ນີ້ແມ່ນແຫຼ່ງທຶນທີ່ສຳຄັນທີ່ສຸດໃນເງື່ອນໄຂຫຍຸ້ງຍາກທີ່ຮຽກຮ້ອງໃຫ້ມີທຶນການລົງທຶນ.

ກ່ອນໜ້ານີ້, ທະນາຄານໂລກ (WB) ແລະ ອົງການຮ່ວມມືສາກົນກ່ຽວກັບຄົນອົບພະຍົບ KNOMAD ຄາດຄະເນວ່າ ຫວຽດນາມ ຢືນອັນດັບ 8 ໃນໂລກ ແລະ ອັນດັບ 3 ໃນພາກພື້ນ ທະວີບ ອາຊີ - ປາຊີຟິກ ກ່ຽວກັບຊາວຫວຽດນາມຢູ່ຕ່າງປະເທດສົ່ງເງິນກັບຄືນປະເທດ ໃນປີ 2021. ຈຳນວນເງິນຕາຕ່າງປະເທດ ທີ່ດັ່ງກ່າວ ໃນປີນີ້ຄາດວ່າບັນລຸ 18,1 ຕື້ USD, ສູງກວ່າ 17,2 ຕື້ USD ໃນປີ 2020, ເມື່ອ ຫວຽດນາມ ຢືນອັນດັບທີ 11 ຂອງໂລກ ໃນດ້ານເງິນຕາຕ່າງປະເທດ ທີ່ຊາວຫວຽດນາມຢູ່ຕ່າງປະເທດສົ່ງເງິນກັບຄືນປະເທດ.