ເກິ່ນເທີ ໄດ້ຮັບ ແລະແຈກຢາຍເຄື່ອງຊ່ວຍເຫຼືອເພື່ອປ້ອງກັນ ແລະ ຄວບຄຸມ COVID-19 ສະໜັບສະໜູນໂດຍ ອົງການ WWO ແລະ ສະຖານທູດໄອແລນ/FHI 360

	ເຂດນິເວດວິທະຍາ 2 ແຫ່ງຂອງ ຫວຽດນາມ ໄດ້ຮັບການສະເໜີຢູ່ UNESCO
	WVI ໜູນຊ່ວຍ ນະຄອນ ເກິ່ນເທີ ໃນການຕ້ານໂລກລະບາດ COVID-19

ເກິ່ນເທີ ໄດ້ຮັບ ແລະແຈກຢາຍເຄື່ອງຊ່ວຍເຫຼືອເພື່ອປ້ອງກັນ ແລະ ຄວບຄຸມ COVID-19 ສະໜັບສະໜູນໂດຍ ອົງການ WWO ແລະ ສະຖານທູດໄອແລນ/FHI 360. ພາບ: TTXVN

ບ້ວງຊ່ວຍເຫຼືອດ້ານການແພດໃຫ້ແກ່ບັນດາໂຮງໝໍ ຈາກສະຖານທູດໄອແລນ ໄດ້ໃຫ້ການສະໜັບສະໜູນ ໂດຍຜ່ານ ອົງການ FHI360/ອາເມລິກາ ລວມມີຜ້າອັດປາກ N95 ຈຳນວນ 8.000 ອັນ, ຜ້າອັດປາກການແພດມາດຕະຖານ 20.000 ອັນ, ຊຸດປ້ອງກັນພະຍາດລະດັບ 2, 3, ແລະ 4 ຈຳນວນ 3.000 ຊຸດ, ຖົງມືການແພດ 12.000 ອັນ ແລະ ແວ່ນຕາກັນພະຍາດ 3.000 ອັນ, ດ້ວຍມູນຄ່າ ເກືອບ 500 ລ້ານດົ່ງ.

ພາຍຫຼັງພິທີຮັບ, ສະຫະພັນບັນດາອົງການມິດຕະພາບນະຄອນ ຈະສົ່ງໄປໂຮງໝໍຫຼາຍຂະແໜງ, ໂຮງໝໍແມ່ ແລະ ເດັກ ຂອງນະຄອນ, ໂຮງໝໍກາງສະໜາມ ເລກທີ 3 (ໂຮງໝໍຢາພື້ນເມືອງນະຄອນ) ເພື່ອໜູນຊ່ວຍວຽກງານປ້ອງກັນ ແລະ ຄວບຄຸມການລະບາດ ຢູ່ບັນດາໂຮງໝໍ.

ບ້ວງຊ່ວຍເຫຼືອເດັກນ້ອຍຜູ້ປະສົບກັບຄວາມຫຍຸ້ງຍາກທີ່ໄດ້ຮັບຜົນກະທົບຈາກການລະບາດຂອງພະຍາດ ໂຄວິດ-19 ໃນບໍລິເວນນະຄອນ ໄດ້ຮັບການສະໜັບສະໜູນຈາກອົງການ AVPN ຜ່ານອົງການ WWO ຈະໃຫ້ການຊ່ວຍເຫລືອເດັກນ້ອຍ 136 ຄົນ ຢູ່ 06 ຫົວໜ່ວຍໃນບໍລິເວນແຂວງ.

ໄຊພອນ