ທ່ານປະທານປະເທດ ຫງວຽນຊວັນຟຸກ: ສະຖາບັນກະສິກຳ ຫວຽດນາມ ປະກອບສ່ວນປ່ຽນແປງພື້ນຖານກະສິກຳ ຫວຽດນາມ
| ທ່ານປະທານປະເທດ ຫງວຽນຊວັນຟຸກ ພົບປະກັບຜູ້ມີສິດເລືອກຕັ້ງນະຄອນ ໂຮ່ຈີມິນ | |
| ກອງປະຊຸມທາງໄກ ແມ່ຍິງ ຫວຽດນາມ ເຂົ້າຮ່ວມການກະທຳຮັບມືກັບການປ່ຽນແປງຂອງດິນຟ້າອາກາດ |
 | |
|
ຕາງໜ້າ ການນຳພັກ, ລັດ, ທ່ານປະທານປະເທດ ຫງວຽນຊວັນຟຸກ ໄດ້ສົ່ງ ຄຳອວຍພອນ ອັນດີງາມທີ່ສຸດ ມາຍັງບັນດາຄູອາຈານອາວຸໂສ, ຄູອາຈານ ແລະ ນັກສຶກສາ, ນັກຄົ້ນຄ້ວາຂອງ ສະຖາບັນກະສິກຳ ຫວຽດນາມ ທຸກຖ້ວນໜ້າ. ທ່ານປະທານປະເທດ ຫງວຽນຊວັນຟຸກ ຊີ້ແຈ້ງວ່າ:
ບັນດາສິ່ງທ້າທາຍກ່ຽວກັບການປ່ຽນແປງຂອງດິນຟ້າອາກາດ, ຜົນກະທົບຕໍ່ລະບົບຊີວະພາບ ພວມສົ່ງຜົນສະທ້ອນຢ່າງໃຫຍ່ຫຼວງ ເຖິງລັກສະນະຍືນຍົງຂອງ ພື້ນຖານກະສິກຳ ຫວຽດນາມ. ພິເສດແມ່ນຄວາມຫຍຸ້ງຍາກຍ້ອນໂລກລະບາດໂຄວິດ - 19, ເລື່ອງຮັກສາສະຖາບັນ ທັງປະຕິບັດໜ້າທີ່ປ້ອງກັນ, ຕ້ານ ແລະ ຮັບມືກັບໂລກລະບາດໂຄວິດ - 19 ຢ່າງມີໄຫວພິບ ແລະ ປອດໄພ, ທັງຮັບປະກັນລັກສະນະຕໍ່ເນື່ອງ, ເປັນເອກະພາບຂອງລະບົບການຮຽນ, ການສອນ, ການຄົ້ນຄ້ວາວິທະຍາສາດ, ການຖ່າຍທອດເຕັກໂນໂລຢີ ແລະ ການຮ່ວມມືສາກົນຜ່ານຮູບແບບທາງໄກ ແມ່ນໜ້າທີ່ຫຍຸ້ງຍາກ. ບັນຫາເຫຼົ່ານັ້ນໄດ້ຕັ້ງຄຳຖາມຂຶ້ນວ່າ ພວກເຮົາຕ້ອງກຳນົດພື້ນຖານກະສິກຳຂອງ ຫວຽດນາມ ໃນໄລຍະຈະມາເຖິງຄືແນວໃດ? ເຮັດແນວໃດເພື່ອຫັນປ່ຽນນຳທັນກັບຍຸກສະໄໝ, ຄວາມຮຽກຮ້ອງຕ້ອງການຫັນເປັນດີຈີຕອນ ແລະ ຫັນສິ່ງທ້າທາຍໃຫ້ເປັນກາລະໂອກາດ. ສະຖາບັນກະສິກຳ ຫວຽດນາມ ຕ້ອງມີການປະກອບສ່ວນສຳຄັນເພື່ອຕອບຄຳຖາມເຫຼົ່ານີ້.