ຍູ້ແຮງການເຜີຍແຜ່ກົດໝາຍວ່າດ້ວຍຕຳຫຼວດທະເລຫວຽດນາມ
| ຫວຽດນາມ ໄດ້ຢັ້ງຢືນທັດສະນະຂອງຕົນ ໃນກອງປະຊຸມບັນດາປະເທດສະມາຊິກ UNCLOS 1982 | |
| ຮຽກຮ້ອງໃຫ້ຝ່າຍຕ່າງໆບໍ່ມີການກະທຳເຮັດໃຫ້ສະພາບການຢູ່ທະເລຕາເວັນອອກສັບສົນຂຶ້ນຕື່ມ |
 |
| ພາບປະກອບ: TTXVN |
ວັນທີ1 ກໍລະກົດ2019, ກົດໝາຍວ່າດ້ວຍຕຳຫຼວດທະເລຫວຽດນາມມີຜົນສັກສິດຢ່າງເປັນທາງການ. ກົດໝາຍວ່າດ້ວຍຕຳຫຼວດທະເລຫວຽດນາມລວມມີ 8 ພາກ, 41 ມາດຕາ, ຂໍ້ກຳນົດກ່ຽວກັບທີ່ຕັ້ງ, ສິດ ແລະ ໜ້າທີ່, ການຈັດຕັ້ງແລະການເຄື່ອນໄຫວຂອງຕຳຫຼວດທະເລຫວຽດນາມ, ລະບອບ, ນະໂຍບາຍສຳລັບຕຳຫຼວດທະເລຫວຽດນາມ, ຄວາມຮັບຜິດຊອບຂອງອົງການ, ອົງການຈັດຕັ້ງ, ສ່ວນບຸກຄົນທີ່ກ່ຽວຂ້ອງ.
ວັນທີ 22 ສິງຫາ 2019, ທ່ານນາຍົກລັດຖະມົນຕີໄດ້ລົງນາມຂໍ້ຕົກລົງເລກທີ 1059/QD-TTg ຊຶ່ງຮັບຮອງເອົາແຜນຮ່າງການເຜີຍແຜ່ກົດໝາຍວ່າດ້ວຍຕຳຫຼວດທະເລຫວຽດນາມໄລຍະ2019 – 2023.
ຕາມນັ້ນແລ້ວ, ຕ້ອງເຜີຍແຜ່ເພື່ອໃຫ້ບັນດາປະເທດໃນໂລກແລະໃນພາກພື້ນເຂົ້າໃຈກ່ຽວກັບນະໂຍບາຍ, ກົດໝາຍຄຸ້ມຄອງ, ປົກປັກຮັກສາທະເລ, ໝູ່ເກາະຂອງຫວຽດນາມແລະກົດໝາຍວ່າດ້ວຍຕຳຫຼວດທະເລຫວຽດນາມຢ່າງຄົບຖ້ວນແລະຖືກຕ້ອງກ່ວາອີກ, ສ້າງພາບພົດ ຫວຽດນາມ ແມ່ນປະເທດທີ່ຮັກຫອມສັນຕິພາບ, ເປັນສະມາຊິກຂອງສົນທິສັນຍາ ສປຊ ກ່ຽວກັບກົດໝາຍທະເລປີ 1982, ມີຄວາມຮອບຜິດຊອບ, ຍາມໃດກໍ່ເຄົາລົບ, ປະຕິບັດບັນດາຄຳໝັ້ນສັນຍາສາກົນຢ່າງເຂັ້ມງວດແລະພ້ອມແລ້ວທີ່ຈະພ້ອມກັບປະຊາຄົມສາກົນຮັບມືກັບບັນດາສິ່ງທ້າທາຍຮ່ວມ, ມຸ່ງໄປເຖິງເປົ້າໝາຍຮັກສາເຂດທະເລທີ່ມີສະຖຽນລະພາບ, ສັນຕິພາບ, ເຊື່ອມໂຍງແລະພັດທະນາແບບຍືນຍົງ...
ເພື່ອປະກອບສ່ວນຜັນຂະຫຍາຍແຜ່ນຮ່າງດັ່ງກ່າວຂອງນາຍົກລັດຖະມົນຕີຢ່າງມີປະສິດທິຜົນ, ຫວ່າງແລ້ວນີ້ກະຊວງປ້ອງກັນປະເທດໄດ້ປະກາດໃຊ້ແຜນການຈັດຕັ້ງກອງປະຊຸມທາງອອນລາຍທົ່ວໂລກ “ຊອກຮູ້ກ່ຽວກັບກົດໝາຍວ່າດ້ວຍທະເລຫວຽດນາມ”. ການເສັງເພື່ອແນໃສ່ໂຄສະນາ, ເຜີຍແຜ່ກົດໝາຍວ່າດ້ວຍທະເລຫວຽດນາມແລະພາລະກິດແຫ່ງການຄຸ້ມຄອງ, ປົກປັກຮັກສາທະເລ, ໝູ່ເກາະຂອງປະເທດຊາດໃນບໍລິເວນທົ່ວປະເທດ, ຕິດພັນກັບໜ້າທີ່ໂຄສະນາ, ເຜີຍແຜ່ກົດໝາຍດ້ວຍຄວາມຮັບຜິດຊອບໃນການປະຕິບັດສິດ ແລະ ໜ້າທີ່ຂອງອົງການ, ອົງການຈັດຕັ້ງ. ພ້ອມທັງນັ້ນກໍ່ແມ່ນການເຄື່ອນໄຫວທີ່ເຮັດໃຫ້ປ່ຽນແປງຄວາມຮັບຮູ້, ຄວາມຮັບຜິດຊອບຂອງພະນັກງານ, ສະມາຊິກພັກ, ລັດຖະການ, ພາລະກອນ, ຜູ້ອອກແຮງງານແລະປະຊາຊົນທຸກຊັ້ນວັນນະເມື່ອປະຕິບັດສິດ, ພັນທະຂອງພົນລະເມືອງໃນການຄຸ້ມຄອງ, ປົກປັກຮັກສາທະເລ, ໝູ່ເກາະຂອງປະເທດຊາດ, ປະກອບສ່ວນລະດົມກຳລັງໃຈ, ສົ່ງເສີມບັນດາອົງການ, ອົງການຈັດຕັ້ງ, ພົນລະເມືອງຫວຽດນາມຢູ່ພາຍໃນແລະຕ່າງປະເທດຕອບສະໜອງ, ເຂົ້າຮ່ວມການສ້າງ, ສົມທົບ, ປະຕິບັດງານ, ໜູນຊ່ວຍ, ຊ່ວຍເຫຼືອຕຳຫຼວດທະເລຫວຽດນາມປະຕິບັດສິດ ແລະ ໜ້າທີ່ຕາມການມອບໝາຍ.
ທ່ານພົນຈັດຕະວາ ບຸຍກວັກອວາຍ, ຜູ້ຮັບຜິດຊອບດ້ານການເມືອງຕຳຫຼວດທະເລ ໃຫ້ຮູ້ວ່າ: ພາຍຫຼັງການປະຕິບັດມາເປັນເວລາ 2 ປີ, ກົດໝາຍວ່າດ້ວຍຕຳຫຼວດທະເລ ໄດ້ປະກອບສ່ວນຍົກສູງສະຕິຄວາມຮັບຮູ້ດ້ານກົດໝາຍຂອງທຸກຂັ້ນ, ທຸກຂະແໜງການ ແລະ ປະຊາຊົນໝົດທຸກຄົນກ່ຽວກັບວຽກງານຄຸ້ມຄອງແຫ່ງລັດ ດ້ວຍກົດໝາຍໃນບັນດາເຂດທະເລ, ໝູ່ເກາະຂອງປະເທດຊາດ ກໍ່ຄືທີ່ຕັ້ງ, ບົດບາດ, ໜ້າທີ່ຂອງກຳລັງຕຳຫຼວດທະເລ.
ວຽກງານສົມທົບກັນ ລະຫວ່າງ ບັນດາອົງການ, ກົມກອງຕຳຫຼວດທະເລກັບບັນດາກົມກອງການທະຫານກໍ່ຄືບັນດາອົງການທີ່ມີໜ້າທີ່ຮັບຜິດຊອບຂອງບັນດາຂະແໜງ, ກະຊວງ, ທ້ອງຖິ່ນໃນການປະຕິບັດໜ້າທີ່ປົກປັກຮັກສາອະທິປະໄຕ, ທະເລໝູ່ເກາະ, ການປະຕິບັດກົດໝາຍວ່າດ້ວບທະເລ ໄດ້ຮັບການປະຕິບັດຢ່າງແໜ້ນແຟ້ນ, ມີແບບມີແຜນ ແລະ ມີປະສິດທິຜົນກ່ວາ.
ການພົວພັນລະຫວ່າງຕຳຫຼວດທະເລກັບບັນດາກຳລັງປະຕິບັດກົດໝາຍຂອງບັນດາປະເທດອາຊຽນກໍ່ຄືບັນດາປະເທດທີ່ຊາຍແດນທະເລໄດ້ຮັບການຜັນຂະຫຍາຍຢ່າງຖືກຕ້ອງ, ຕາມທັດສະນະກ່ຽວກັບການພົວພັນຕ່າງປະເທດການປ້ອງກັນຊາດທີິ່ຕິດພັນກັບຄວາມຮຽກຮ້ອງຕ້ອງການຂອງໜ້າທີ່ປົກປັກຮັກສາປະເທດຊາດໃນສະພາບການໃໝ່. ວຽກງານໂຄສະນາ, ຂົນຂວາຍປະຊາຊົນໃນການສ້າງຍຸດທະສາດປ້ອງກັນຄວາມສະຫງົບປະຊາຊົນໃນທະເລໄດ້ຮັບການປະຕິບັດຢ່າງມີປະສິດຜົນແລະສືບຕໍ່ສ້າງໄດ້ຄວາມໄວ້ເນື້ອເຊື່ອໃຈຂອງຊາວປະມົງຢູ່ທະເລ.
ໃນໄລຍະຈະມາເຖິງ, ກອງບັນຊາການທະເລຕຳຫຼວດຈະສືບຕໍ່ຍູ້ແຮງວຽກງານໂຄສະນາເຜີຍແຜ່, ຜ່ານບັນດາບັ້ນໂຄສະນາເຜີຍແຜ່ສຸມໃສ່ບັນດາອົງການ, ກົມກອງໃນທົ່ວກຳລັງ ແລະ ບັນດາທ້ອງຖິ່ນແຕ່ຂັ້ນຕາແສງ ເປັນຕົ້ນແມ່ນບັນດາຕາແສງຢູ່ແຄມທະເລ. ຈາກນັ້ນແມ່ນເພື່ອໃຫ້ປະຊາຊົນມີຄວາມເຂົ້າໃຈຕື່ມອີກກ່ຽວກັບວຽກງານຄຸ້ມຄອງແຫ່ງລັດດ້ວຍກົດໝາຍວ່າດ້ວຍທະເລໝູ່ເກາະ, ກຽມພ້ອມຮ່ວມແຮງຮ່ວມໃຈ ພ້ອມກັບກຳລັງຕຳຫຼວດທະເລ ຫວຽດນາມ, ປະຕິບັດໜ້າທີ່ປົກປັກຮັກສາອະທິປະໄຕ, ຜົນປະໂຫຍດຂອງ ປະເທດຊາດໃນທະເລ, ຮັກສາຄວາມໝັ້ນຄົງ, ຄວາມເປັນລະບຽບຮຽບຮ້ອຍ, ຄວາມປອດໄພໃຫ້ແກ່ບັນດາເຂດທະເລໝູ່ເກາະອັນສັກກະລະບູຊາຂອງປະເທດຊາດໃຫ້ເປັນຢ່າງດີ.
ບຸນຄົງ