ຫວຽດນາມ ໃຫ້ຄຳໝັ້ນສັນຍາບັນດາໂຄງການກະທຳດ້ານໂພຊະນາການເພື່ອພັດທະນາ
ຍສໝ - ໂພຊະນາການ ແມ່ນໜຶ່ງໃນບັນຫາບຸລິມະສິດດ້ານສຸຂະພາບ ແລະ ກາຍເປັນຄາດໝາຍທີ່ສຳຄັນ ໃນແຜນພັດທະນາເສດຖະກິດ - ສັງຄົມຂອງປະເທດຊາດ ແລະ ແຕ່ລະທ້ອງຖິ່ນ.
ຄວາມຄືບໜ້າຂອງສະຖານະພາບ ດ້ານໂພຊະນາການຂອງເດັກນ້ອຍ ຢູ່ ສປປ ລາວ
ໃນວັນທີ 9 ທັນວາ 2019 ທີ່ຫໍປະຊຸມແຫ່ງຊາດ ນະຄອນຫລວງວຽງຈັນ, ລັດຖະບານລາວ ກໍຄື ກະຊວງແຜນການ ແລະ ການລົງທຶນ ຮ່ວມກັບສະຫະພາບເອີຣົບ ແລະ ອົງການອຸຍນີເຊັບ ໄດ້ຈັດກອງປະຊຸມເຜີຍແຜ່ ການຄົ້ນຄວ້າປະຈຳປີ ໂຄງການສ້າງຖານຂໍ້ມູນຂ່າວສານແຫ່ງຊາດ ດ້ານໂພຊະນາ ການ ເພື່ອແນໃສ່ສ້າງຄວາມເຂັ້ມແຂງ ໃຫ້ລະບົບຂໍ້ມູນຂ່າວສານ ດ້ານໂພຊະນາການ ເພື່ອປ້ອງກັນການຂາດສານອາຫານ ແລະ ຜົນສະທ້ອນທີ່ຕາມມາ, ເຊິ່ງເປັນການສະແດງ ໃຫ້ເຫັນເຖິງຄວາມຄືບໜ້າ ໃນການປະຕິບັດຍຸດທະສາດແຫ່ງຊາດ ດ້ານໂພຊະນາການ. ໂຄງການດັ່ງກ່າວ, ແມ່ນການລິເລີ່ມສາກົນ ໂດຍສະຫະພາບເອີຣົບ ຜ່ານການສະໜັບສະໜູນ ຈາກກົມພັດທະນາສາກົນແຫ່ງສະຫະລາດຊະອານາຈັກ ແລະ ມູນນິທິບິລ ແລະ ມິລິນດາເກດ ເພື່ອຈັດຕັ້ງປະຕິບັດໃນ ສປປ ລາວໂດຍອົງການອຸຍນີເຊັບ.
ບັນຫາການຂາດໂພຊະນາການ ຢູ່ ສປປ ລາວ ຍັງເປັນຫາທ້າທາຍ
ບັນຫາການຂາດໂພຊະນາການ ຢູ່ ສປປ ລາວ ຍັງເປັນຫາທ້າທາຍ ເຊິ່ງມີເດັກນ້ອຍຂາດອາຫານຊໍ້າເຮື້ອຂັ້ນປານກາງ ຫລື ຂັ້ນຮ້າຍແຮງ ຫລາຍກວ່າໜຶ່ງສ່ວນສາມ ປະມານ 35,6% ແລະ ເກືອບວ່າ ມີເດັກນ້ອຍໜຶ່ງໃນສິບ ປະມານ 9,6% ທີ່ຂາດສານອາຫານ ກະທັນຫັນ ຂັ້ນປານກາງ ຫລືຂັ້ນຮ້າຍແຮງ, ພ້ອມກັບຄວາມບໍ່ເທົ່າທຽມກັນໃນດ້ານໂພຊະນາການ ຂຶ້ນກັບພູມມູປະເທດ, ກຸ່ມຊົນເຜົ່າ ແລະ ສະພາບດ້ານເສດຖະກິດ.