ຮ່ວມມືບຳລຸງສ້າງ

ສາມແບບຢ່າງຂອງກໍ່ສ້າງ ແລະ ບຳລຸງນັກສຶກສາ ລາວ ທີ່ມີປະສິດທິຜົນ ແລະ ແທດຈິງ

ຍສໝ - ໂດຍຮັບອຸປະຖຳນັກສຶກສາລາວ; ພານ້ອງໆໄປລົງຕົວຈິງຢູ່ບັນດາຄອບຄົວຊາວ ຫວຽດນາມ; ການຝຶກອົບຮົມທັກສະວິຊາຊີບໃຫ້ແກ່ການເຮັດວຽກເປັນທີມແມ່ນສາມແບບຢ່າງໃນການຝຶກອົບຮົມ ແລະ ບຳລຸງບັນດານັກຮຽນ, ນັກສຶກສາ ແລະ ຊາວໜຸ່ມລາວ ທີ່ດີເດັ່ນ, ມີຄວາມໝາຍອັນແທດຈິງ ໂດຍສະມາຄົມມິດຕະພາບ ຫວຽດນາມ - ລາວ ຢູ່ນະຄອນ ຮ່າໂນ້ຍ ຜັນຂະຫຍາຍໃນໄລຍະຜ່ານມາ. ບັນດາຮູບແບບດັ່ງກ່າວ ຈະປະກອບສ່ວນໜູນຊ່ວຍປະເທດເພື່ອນໃນການບຳລຸງສ້າງແຫຼ່ງຊັບພະຍາກອນມະນຸດເພື່ອຮັບໃຊ້ການພັດທະນາເສດຖະກິດ - ສັງຄົມ, ພ້ອມກັນນັ້ນ ກໍ່ໄດ້ຮັດແໜ້ນການພົວພັນປະຊາຊົນລະຫວ່າງ 2 ປະເທດໃຫ້ເລິກເຊິ່ງກ່ວາອີກ.

ວິທະຍາຄານການແພດທະຫານຫວຽດນາມ - ລາວ ຮ່ວມມືບຳລຸງສ້າງ, ຄົ້ນຄວ້າວິທະຍາສາດ

ຍສໝ - ວິທະຍາຄານການແພດທະຫານ ຫວຽດນາມ ແລະ ວິທະຍາຄານການແພດກອງທັ ບລາວ ໄດ້ເຫັນດີເປັນເອກະພາບຜັນຂະຫຍາຍບັດບັນດາເນື້ອໃນຕາມແຜນການຮ່ວມມືປະຈຳປີຂອງກະຊວງປ້ອງກັນປະເທດ 2 ປະເທດກ່ຽວກັບການບຳລຸງສ້າງພະນັກງານຂະແໜງການແພດທະຫານໃຫ້ແກ່ກອງທັບປະຊາຊົນລາວ. ນອກນັ້ນ, ກໍ່ໄດ້ສົ່ງນັກຊ່ຽວຊານ ຫວຽດນາມ ໄປລາວ ເພື່ອໜູນຊ່ວຍການບຳລຸງສ້າງ; ຈັດຕັ້ງບັນດາຊຸດຮຽນບຳລຸງ, ການຝຶກອົບຮົມ ແລະ ບຳລຸງສ້າງຄູອາຈານ; ຮັບເອົາການບຳລຸງສ້າງໄລຍະສັ້ນໃຫ້ພະນັກງານ, ອາຈານສອນ, ນັກເຕັກນິກຂອງວິທະຍາຄານການແພດກອງທັບ ລາວ; ການບຳລຸງສ້າງໄລຍະສັ້ນໃນການປະຕິບັດກວດວິເຄາະພະຍາດຢູ່ບັນດາໂຮງໝໍ, ສູນຂຶ້ນກັບວິທະຍາຄານການແພດທະຫານ ຫວຽດນາມ. ຈັດຕັ້ງກອງປະຊຸມວິທະຍາສາດລະຫວ່າງບັນດາໂຮງຮຽນວິທະຍາຄານການແພດທະຫານ ຫວຽດນາມ - ວິທະຍາຄານການແພດກອງທັບລາວ ໃນທຸກໆ 2 ປີຕໍ່ເທື່ອ; ຮ່ວມມືກັນຜັນຂະຫຍາຍບັນດາໂຄງການຄົ້ນຄວ້າວິທະຍາສາດໃນຂົງເຂດການແພດການທະຫານ, ຮັບປະກັນການແພດທະຫານ ແລະ ແພດສາດພື້ນຖານຕາມຫຼັກການການທູດການທະຫານລະຫວ່າງ 2 ປະເທດ.