ຍສໝ - ວັນທີ 3 ກໍລະກົດ, ຢູ່ນະຄອນ ດານັງ, ສູນກາງສະພາກາແດງ ຫວຽດນາມ ໂດຍໄດ້ຮັບການໜູນຊ່ວຍຈາກບໍລິສັດຫຸ້ນສ່ວນສົ່ງເສີມການລົງທຶນ ແລະ ການພັດທະນາແບບຍືນຍົງ (SIPCO) ຈັດຕັ້ງກອງປະຊຸມຝຶກອົບຮົມ ແລະ ເຮັດວຽກກັບຄະນະປະຕິບັດງານຂອງອົງການກາແດງແຫ່ງຊາດ ລາວ.
ໃນວັນທີ 2 ພະຈິກ 2020 ນີ້, ບໍລິສັດສິຣິກິດ ການຄ້າ ຈຳກັດຜູ້ດຽວ ໄດ້ນຳເອົານ້ຳໝາກໄມ້ ຈຳນວນ 100 ລັງ, ລວມມູນຄ່າ 8 ລ້ານກີບ, ມາມອບໃຫ້ອົງການກາແດງລາວ ເພື່ອນຳໄປຊ່ວຍເຫລືອ ຜູ້ປະສົບໄພນ້ຳຖ້ວມຢູ່ ພາກໃຕ້ຕາງໜ້າມອບໂດຍ ທ່ານ ສົມກຽດ ຣາມະສຸດ ປະທານບໍລິສັດ ດັ່ງກ່າວ ແລະ ຮັບໂດຍ ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ.
ພິທີມອບ-ຮັບເງິນຊ່ວຍເຫລືອ ຈຳນວນ 10.000 ໂດລາສະຫະລັດ ຫລື ປະມານ 90 ລ້ານກີບ ຈາກອົງການປົກຄອງ ແຂວງຫລວງພະບາງ ໃຫ້ແກ່ປະຊາຊົນ ທີ່ຖືກຜົນກະທົບ ໄພພິບັດທາງທຳມະຊາດຢູ່ ສສ ຫວຽດນາມ ໄດ້ຈັດຂຶ້ນໃນວັນທີ 30 ຕຸລາ 2020 ຢູ່ສະຖານກົງສູນໃຫຍ່ ສສ ຫວຽດນາມ ປະຈຳພາກເໜືອ ແຂວງຫລວງພະບາງ.