ສານປະຊາຊົນສູງສຸດ ສາມາດປະຕິບັດການຕັດສິນຄະດີ ຕາມຂະບວນການຍຸຕິທຳ ໄດ້ 44.521 ເລື່ອງ
ໃນໄລຍະ 5 ປີຜ່ານມາ ສານປະຊາຊົນສູງສຸດ ໄດ້ຕິດຕາມກວດກາ ການປະຕິບັດການຕັດສິນຄະດີ ຕາມຂະບວນການຍຸຕິທຳ ໂດຍມີຄະດີ ເຂົ້າສານປະຊາຊົນ ແລະ ສານທະຫານ ທຸກຂັ້ນທັງໝົດ 44.521 ເລື່ອງ. ໃນນີ້, ມີຄະດີທີ່ຄ້າງມາ 1.606 ເລື່ອງ, ເຊິ່ງລວມທັງໝົດ 46.127 ເລື່ອງ, ສາມາດແກ້ໄຂໄດ້ແລ້ວ 43.559 ເລື່ອງ, ເທົ່າກັບ 94.43%, ຍັງຄ້າງ 2.568 ເລື່ອງ ຖ້າທຽບໃສ່ 5 ປີກ່ອນ ເຫັນວ່າຄະດີເພີ່ມຂຶ້ນ. ໂດຍແຍກຕາມແຕ່ລະຄະດີ, ເຊິ່ງປະກອບມີ ຄະດີເຂົ້າສານຂັ້ນຕົ້ນ ຢູ່ສານເຂດ, ແຂວງ, ນະຄອນຫລວງ ແລະ ສານທະຫານ ມີຈຳນວນ 37.454 ເລື່ອງ.
