ຮ່ວມກັນສ້າງຄູ່ຮ່ວມຊາຕາກຳລາວ-ຈີນ ບົນພື້ນຖານຜົນສຳເລັດ ຂອງສາຍພົວພັນ ລາວ-ຈີນ ຄົບຮອບ 60 ປີ
ເພື່ອລະນຶກວັນສ້າງຕັ້ງ ສາຍພົວພັນທາງການທູດ ລາວ-ຈີນ ຄົບຮອບ 60 ປີ, ວັນທີ 25 ເມສາ ປີ 1961 ລາວ ແລະ ຈີນ ໄດ້ສ້າງຕັ້ງສາຍພົວພັນ ທາງການທູດນຳກັນ ຢ່າງເປັນທາງການ, ເຊິ່ງໄດ້ເປີດປະຫວັດສາດໜ້າໃໝ່ ແຫ່ງການໄປມາຫາສູ່ກັນ ບົນຈິດໃຈມິດຕະພາບ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ. ຜ່ານໄລຍະ 60 ປີມານີ້, ປະຊາຊົນສອງຊາດ ໄດ້ຊ່ວຍຊູຍູ້ໜູນກັນ ແລະ ຮັກແພງກັນ, ການຮ່ວມມືລະຫວ່າງສອງຝ່າຍ ໄດ້ປະສົບຜົນສຳເລັດຢ່າງຈົບງາມ, ມິດຕະພາບລະຫວ່າງ ສອງປະເທດໝັ້ນຄົງຂະໜົງແກ່ນ, ສອງປະເທດລາວ-ຈີນ ມີສາຍພູ ແລະ ແມ່ນ້ຳຕິດຈອດກັນ, ເປັນປະເທດບ້ານໃກ້ເຮືອນຄຽງທີ່ດີຕໍ່ກັນ. ຈີນ ໄດ້ຖືເອົາການພົວພັນ ຈີນ-ລາວ ເປັນວຽກງານຈຸດສຸມ ໃນວຽກງານທາງ ການທູດກັບປະເທດໃກ້ຄຽງ.