ລັດຖະບານໄດ້ຕັ້ງຄາດໝາຍສູ້ຊົນການພັດທະນາ ເສດຖະກິດໃຫ້ມີຄວາມສະຖຽນລະພາບ
ໃນວັນທີ 9 ມັງກອນ 2020 ສູນສະຖິຕິແຫ່ງຊາດ ກະຊວງແຜນການ ແລະ ການລົງທຶນ ໄດ້ຈັດກອງປະຊຸມ ເປີດບັ້ນ ການສຳຫລວດເສດຖະກິດ ທົ່ວປະເທດ ຄັ້ງທີ III ປີ 2020 ແລະ ການສຳຫລວດສະຖິຕິ ກະສິກຳທົ່ວປະເທດ ຄັ້ງທີ III ປີ 2019-2020 ຢູ່ ນະຄອນຫລວງວຽງຈັນ, ໂດຍມີ ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີ ກະຊວງການເງິນ ທັງເປັນຫົວໜ້າຄະນະຊີ້ນຳລະດັບຊາດ ການສຳຫລວດເສດຖະກິດ ແລະ ການສຳຫລວດສະຖິຕິ ກະສິກຳທົ່ວປະເທດ ຄັ້ງທີ III, ມີບັນດາຫົວໜ້າຄະນະ ຊີ້ນຳການສຳຫລວດລະດັບຊາດ ໃນຂອບເຂດທົ່ວປະເທດ, ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.