ຍສໝ - ລັດຖະບານຄາດວ່າຈະສະຫງວນເງິນກ່ວາ 435 ຕື້ດົ່ງເພື່ອມອບຂອງຂວັນໃຫ້ແກ່ຜູ້ທີ່ມີຄຸນງາມຄວາມດີຕໍ່ການປະຕິວັດ ໃນໂອກາດບຸນເຕັດ ຈະມາເຖິງ. ຂອງຂວັນລວມມີສອງມູນຄ່າ: 600.000 ດົ່ງ ແລະ 300.000ດົ່ງ.
ທ່ານຮອງປະທານຜູ້ປະຈຳການສະພາແຫ່ງຊາດ ເຈິ່ນແທັງເໝີນ ໄດ້ສະແດງຄວາມຮູ້ບູນຄຸນຕໍ່ ຄອບຄົວທີ່ມີຄຸນງາມຄວາມດີຕໍ່ການປະຕິວັດ, ອັນໄດ້ປະກອບສ່ວນຫຼາຍຢ່າງເຂົ້າໃນພາລະກິດຕໍ່ສູ້ປົດປ່ອຍຊາດ. ທ່ານຮອງປະທານຜູ້ປະຈຳການສະພາແຫ່ງຊາດ ໄດ້ຢັ້ງຢືນວ່າ ພັກ, ລັດ ແລະ ປະຊາຊົນ ຍາມໃດກໍ່ເອົາໃຈໃສ່, ເບິ່ງແຍງດູແລ ບັນດາວິລະຊົນ, ຜູ້ມີຄຸນງາມຄວາມດີ, ຄອບຄົວທີ່ມີຄຸນງາມຄວາມດີຕໍ່ການປະຕິວັດ.