ພາກລັດ ຈະໃຫ້ຜູ້ລົງທຶນ ຊ່ວຍຊຸກຍູ້ແນວພັນ ໃຫ້ຜູ້ຖືກກະທົບຈາກບົ້ງຝູງສາລີ
ຫຼັງຈາກທີ່ມີເຫດການລະບາດຂອງບົ້ງຝູງສາລີທໍາລາຍຜົນລະປູກຂອງຊາວກະສິກອນ ໂດຍສະເພາະແມ່ນເຂດພາກເໜືອ ເຊິ່ງມີເນື້ອທີ່ເສຍຫາຍ 28 ພັນກວ່າເຮັກຕາ, ພາກລັດພວມເກັບກໍາຂໍ້ມູນເພື່ອສໍາຫຼວດຄືນຄວາມເສຍຫາຍ ເພື່ອຟື້ນຟູຄືນ ແລະ ຊ່ວຍເຫຼືອຕາມຄວາມຈໍາເປັນ ພ້ອມທັງຈະສົ່ງເສີມໃຫ້ຜູ້ປະກອບການຊຸກຍູ້ແນວພັນທີ່ເໝາະສົມໃຫ້ແກ່ຜູ້ຖືກກະທົບຈາກສັດຕູພືດດັ່ງກ່າວ.