ຂີດໝາຍ 47 ປີ ແຫ່ງວັນໄຊຊະນະການປະຕິວັດປະຊາຊົນ Sandino: ຊຸກຍູ້ການຮ່ວມມື ແລະ ການພົບປະແລກປ່ຽນມິດຕະພາບລະຫວ່າງປະຊາຊົນ ຫວຽດນາມ - ນິກາຣາກວາ
ຍສໝ - ໃນວັນທີ 13 ກໍລະກົດ ຢູ່ທີ່ຮ່າໂນ້ຍ, ສະຫະພັນບັນດາອົງການມິດຕະພາບ ຫວຽດນາມ ໄດ້ປະສານສົມທົບກັບ ສະຖານເອກອັກຄະລັດຖະທູດ ນິກາຣາກວາ ປະຈຳ ຫວຽດນາມ ຈັດຕັ້ງການພົບປະມິດຕະພາບ ເພື່ອສະເຫຼີມສະຫຼອງວັນໄຊຊະນະການປະຕິວັດປະຊາຊົນ ຊານດິນິສຕາ ຄົບຮອບ 47 ປີ (19 ກໍລະກົດ 1979 - 19 ກໍລະກົດ 2026). ນີ້ແມ່ນຄັ້ງທຳອິດ ທີ່ທັງສອງອົງການຮ່ວມມືກັນຈັດຕັ້ງການເຄື່ອນໄຫວສະເຫຼີມສະຫຼອງດັ່ງກ່າວຂຶ້ນຢູ່ທີ່ນະຄອນຫຼວງຮ່າໂນ້ຍ, ປະກອບສ່ວນເຂົ້າໃນການຮັດແໜ້ນສາຍພົວພັນມິດຕະພາບອັນເປັນມູນເຊື້ອ, ຂະຫຍາຍການພົບປະແລກປ່ຽນລະຫວ່າງປະຊາຊົນ ແລະ ຊຸກຍູ້ການຮ່ວມມືທີ່ເປັນຮູບປະທຳລະຫວ່າງສອງປະເທດ.
