ທ່ານ Park Hang-seo: “ຂ້າພະເຈົ້າ ຈະເຮັດວຽກຢ່າງຕັ້ງໃຈ ເພື່ອຕອບແທນຄວາມຮັກແພງຂອງປະຊາຊົນຫວຽດນາມ”

ຍສໝ - ນີ້​ແມ່ນ​ຄຳ​ກ່າວປາໄສຂອງ​ທ່ານ Park Hang-seo, ອະດີດຄູຝຶກ​ບານ​ເຕະ​ແຫ່ງ​ຊາດ ຫວຽດນາມ ​ເມື່ອ​ໄດ້​ຮັບ​ຫຼຽນ​ໄຊ “​ເພື່ອ​ສັນຕິພາບ ​ແລະ ມິດຕະພາບ​ລະຫວ່າງ​ບັນດາ​ປະ​ເທດ” - ລາງວັນ​ສູງ​ສຸດ​ຂອງ​ສະຫະພັນ​ບັນດາ​ອົງການ​ມິດຕະພາບ ຫວຽດນາມ (VUFO) ໃນຕອນເຊົ້າວັນທີ 9 ພຶດສະພາ, ຢູ່ຮ່າໂນ້ຍ. ລາງວັນ​ດັ່ງກ່າວ​ ແມ່ນ​ການ​ເຊີດຊູການອຸທິດສ່ວນຂອງທ່ານ Park Hang-seo ​ໃຫ້​ແກ່​ກິລາ​ບານ​ເຕະ​ຫວຽດນາມ ​ແລະ ການ​ພົວພັນ​ມິດຕະພາບ​ທີ່​ເປັນ​ມູນ​ເຊື້ອ ​ແລະ ການ​ຮ່ວມ​ມື​ລະຫວ່າງ​ປະຊາຊົນ​ຫວຽດນາມ ​ແລະ ສ.​ເກົາຫຼີ.