ຍສໝ - ເມືອງວັງວຽງ ແມ່ນຈຸດໝາຍປາຍທາງໜຶ່ງສໍາຄັນທີ່ສຸດສໍາລັບ ນັກທ່ອງທ່ຽວສ່ວນໃຫຍ່ມາຢ້ຽມ ຢາມ ສປປ ລາວ ບໍ່ສາມາດ ປັດຕິເສດໄດ້ ແລະ ຕ້ອງໄດ້ມາແວ່ສໍາ ຜັດ, ໂດຍທຸກໆປີສະເລ່ຍມີນັກທ່ອງ ທ່ຽວເຂົ້າມາເມືອງວັງວຽງບໍ່ຕໍ່າ ກວ່າ 3 ແສນຄົນ ເຊິ່ງບໍ່ພຽງໄດ້ປະ ກອບສ່ວນພັດທະນາເສດຖະກິດ- ສັງຄົມ ເທົ່ານັ້ນຫາກຍັງສ້າງວຽກ ເຮັດງານທໍາໃຫ້ຄົນພາຍໃນທ້ອງ ຖິ່ນຢ່າງຫລວງຫລາຍ.
ໂດຍປະຕິບັດຕາມຍຸດທະສາດ ພັດທະນາ ເສດຖະກິດ-ສັງຄົມ ແຫ່ງຊາດ ທີ່ຖືເອົາການທ່ອງທ່ຽວ ເປັນຕົວຂັບເຄື່ອນໃຫ້ ເສດຖະກິດ ຂອງຊາດເຕີບໂຕ, ວຽກງານທ່ອງທ່ຽວ ໄດ້ຮັບການສົ່ງເສີມ ແລະ ພັດພັດທະນາ ທາງດ້ານໂຄງລ່າງພື້ນຖານ, ແຫລ່ງທ່ອງທ່ຽວ, ສະຖານທີ່ພັກເຊົາ, ຮ້ານອາຫານ, ຜະລິດຕະພັນການທ່ອງທ່ຽວໃໝ່ ແລະ ການບໍລິການ ໂດຍໄດ້ຮັບທຶນ ຈາກລັດຖະບານ, ເງິນກູ້ຢືມ ແລະ ຊ່ວຍ ເຫລືອລ້າຈາກ ທະນາຄານ ພັດທະນາອາຊີ ໄລຍະ 1 ແລະ 2 ເພື່ອພັດທະນາໂຄ່ງລ່າງພື້ນຖານ ເພື່ອຮັບໃຊ້ການທ່ອງທ່ຽວ, ການຊ່ວຍເຫລືອລ້າ ຈາກປະເທດ ນິວຊິແລນ ແລະ ຄູ່ຮ່ວມພັດທະນາ ອີກຈໍານວນໜຶ່ງ.
ຍສໝ - ວັນທີ 27-28 ກັນຍາ 2019 ທີ່ໂຮງແຮມ ຄຣາວພລາຊາ ນະຄອນຫຼວງວຽງຈັນ ໄດ້ຈັດຕັ້ງງານວາງສະແດງແນວທາງການພັດທະນາທ່ອງທ່ຽວແບບຍືນຍົງ 2019. ເຂົ້າຮ່ວມງານວາງສະແດງ ມີທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ທ່ານ Jens Peter Lutkenherm ເອກອັກຄະລັດຖະທູດເຢຍລະມັນປະຈຳລາວ ທ່ານຮອງລັດຖະມົນຕີ ບັນດາຫົວໜ້າ ຮອງຫົວໜ້າກົມ ທູຕານຸທູດ ອົງການຈັດຕັ້ງສາກົນ ຜູ້ປະກອບການ ແລະ ພາກສ່ວນກ່ຽວຂ້ອງເຂົ້າຮ່ວມ.