ຍສໝ - ທົ່ງໄຫຫີນ ຊຽງຂວາງ ຢູ່ເມືອງ ໂພນສະຫວັນ, ແຂວງ ຊຽງຂວາງ, ພາກເໜືອຂອງ ລາວ ບໍ່ພຽງແຕ່ເປັນແຫຼ່ງມໍລະດົກທາງດ້ານວັດທະນະທຳ ແລະ ປະຫວັດສາດເທົ່ານັ້ນ ຫາກຍັງເປັນສັນຍາລັກອັນເດັ່ນຊັດຂອງຄວາມຈະເລີນຮຸ່ງເຮືອງ ແລະ ຄວາມຫຼາກຫຼາຍທາງດ້ານວັດທະນະທຳຂອງປະເທດນີ້ ແລະ ມາຮອດປະຈຸບັນ, ຕົ້ນກຳເນີດຂອງໄຫຫີນຢູ່ທີ່ນີ້ຍັງບໍ່ມີຄໍາຕອບເທື່ອ.
ບັນດາແຫລ່ງໄຫຫີນທີ່ມີ ລ້ວນແຕ່ມີການປະກອບສ່ວນປົກປັກຮັກສາຈາກປະຊາຊົນທ້ອງຖິ່ນ ເຊິ່ງໄດ້ກໍ່ໃຫ້ເກີດຄວາມຮັກ ແລະ ຫວງແຫນ ມໍລະດົກອັນລໍ້າຄ່າຕະຫລອດມາ.
ໃນວັນທີ 25 ກໍລະກົດ, ກະຊວງຖະແຫຼງຂ່າວ-ວັດທະນະທຳ ແລະການທ່ອງທ່ຽວລາວ ໄດ້ຈັດຕັ້ງການປະຊຸມຂ່າວເພື່ອແຈ້ງຂ້ໍມູນກ່ຽວກັບທົ່ງໄຫຫີນຊຽງຂວາງ ກາຍເປັນມໍລະດົກວັດທະນະທໍາໂລກທີ 3 ຂອງປະເທດລ້ານຊ້າງ.