ຍສໝ - ລະບົບບັນດາສູນຫໍພິພິດທະພັນແຫ່ງຊາດ ພວມຊຸກຍູ້ການກວດກາ, ຂຸດຄົ້ນ ແລະ ຫັນເປັນດິຈິຕອນເທື່ອລະກ້າວ ຕໍ່ກັບແຫຼ່ງເອກະສານຫໍພິພິດທະພັນ ແນໃສ່ຮັບໃຊ້ໃຫ້ແກ່ມູນນິທິຂະບວນການ "500 ວັນ ແລະ ຄ່ຳຄືນ ຊຸກຍູ້ການປະຕິບັດການຊອກຄົ້ນ, ເກັບໂຮມ ແລະ ກຳນົດເອກະລັກອັດຖິສະຫາຍນັກຮົບເສຍສະຫຼະຊີວິດເພື່ອຊາດ". ຫຼາກຫຼາຍສຳນວນເອກະສານ, ເອກະສານຂໍ້ມູນທີ່ມີຄຸນຄ່າ ແມ່ນໄດ້ຮັບການຄົ້ນພົບ, ປະກອບສ່ວນເພີ່ມເຕີມເຂົ້າໃນຖານຂໍ້ມູນຮັບໃຊ້ການກວດສອບຂໍ້ມູນຂ່າວສານ, ພ້ອມທັງເປີດທິດທາງການປະຍຸກໃຊ້ນຳໃຊ້ເຕັກໂນໂລຊີດິຈິຕອນ ແລະ ປັນຍາປະດິດ (AI) ພາຍໃນຂົງເຂດຫໍພິພິດທະພັນ.
ຍສໝ - ການພັດທະນາການທ່ອງທ່ຽວຕິດພັນກັບການອະນຸລັກຮັກສາສີສັນວັດທະນະທຳທີ່ເປັນມູນເຊື້ອພວມໄດ້ຮັບການປະຕິບັດຢ່າງເຂັ້ມແຂງ ແລະ ມີປະສິດທິຜົນຂອງບັນດາທ້ອງຖິ່ນໃນທົ່ວແຂວງ ແຄ໋ງຮວ່າ ເພື່ອອະນຸລັກຮັກສາບັນດາຄວາມງາມທາງດ້ານວັດທະນະທຳທີ່ເປັນມູນເຊື້ອ, ຮີດຄອງປະເພນີທີ່ເປັນເອກະລັກສະເພາະ. ຈາກນັ້ນ, ກໍ່ປະກອບສ່ວນສ້າງຄວາມຫຼາກຫຼາຍຂອງບັນດາຜະລິດຕະພັນທ່ອງທ່ຽວທີ່ເປັນເອກະລັກພິເສດ, ດຶງດູດນັກທ່ອງທ່ຽວພາຍໃນ ແລະ ຕ່າງປະເທດເປັນຈຳນວນຫຼວງຫຼາຍມາລົງຕົວຈິງ.
ໂດຍໄດ້ຮັບການສ້າງຕັ້ງຂຶ້ນນັບແຕ່ສະຕະວັດທີ XI, ວັນໝຽວກວັກຕື່ຢ໊າມເຊິ່ງແມ່ນມະຫາວິທະຍາໄລແຫ່ງທຳອິດໃນສະໄໝສັກດີນາຢູ່ຮ່າໂນ້ຍຍັງຄົງແມ່ນສະຖານທີ່ເຊີດຊູຈິດໃຈມັກການຮ່ຳຮຽນ. ເພື່ອປຸກລຸກຄຸນຄ່າວັດທະນະທຳພິເສດນີ້ເວົ້າສະເພາະແລະມໍລະດົກວັດທະນະທຳເວົ້າລວມ, ບັນດາຜູ້ເຮັດວຽກງານຄຸ້ມຄອງຄົ້ນຄວ້າຜູ້ມີຄວາມກະຕືລືລົ້ນກັບມໍລະດົກວັດທະນະທຳຂອງປະເທດຊາດໄດ້ແລະພວມມານະພະຍາຍາມ ເພື່ອນຳ ວັນໝຽວກວັກຕື່ຢ໊າມກາຍເປັນສູນວັດທະນະທຳສົມກັບຄຸນຄ່າປະຫວັດສາດອັນຫຼັກແຫຼ່ງເຊິ່ງປູ່ຍ່າຕາຍາຍໄດ້ສ້າງຂຶ້ນຢູ່ແຫ່ງນີ້
ທ່ານນາຍົກລັດຖະມົນຕີຫວຽດນາມ ຫາກໍ່ປະກາດຂໍ້ຕົກລົງສະບັບເລກທີ 1230/QĐ-TTg ວ່າດ້ວຍການອະນຸມັດໂຄງການອະນຸລັກຮັກສາ ແລະເສີມຂະຫຍາຍຄຸນຄ່າມໍລະດົກວັດທະນະທຳຫວຽດນາມ ໃຫ້ຍືນຍົງ ໄລຍະ 2021 – 2025.
ໃນການກຳນົດທິດພັດທະນາປະເທດຊາດ ໄລຍະ 2021 – 2030, ມະຕິກອງປະຊຸມໃຫຍ່ ຄັ້ງທີ XIII ຂອງພັກຄອມມູນິດ ຫວຽດນາມ ໄດ້ກຳນົດວ່າ: “ພັດທະນາມະນຸດຢ່າງຮອບດ້ານ ແລະ ສ້າງພື້ນຖານວັດທະນະທຳຫວຽດນາມ ທີ່ກ້າວໜ້າເຂັ້ມຂົ້ນໄປດ້ວຍສີສັນຊາດ ເພື່ອໃຫ້ວັດທະນະທຳກາຍເປັນກຳລັງແຮງພາຍໃນ ແລະ ກຳລັງໜູນພັດທະນາປະເທດຊາດ ແລະ ປົກປັກຮັກສາປະເທດຊາດຢ່າງແທ້ຈິງ”. ມີຄຳຄິດເຫັນຫຼາຍຂໍ້ໄດ້ຖືວ່າ ເພື່ອປະຕິບັດເປົ້າໝາຍ “ສ້າງພື້ນຖານວັດທະນະທຳຫວຽດນາມ ທີ່ກ້າວໜ້າເຂັ້ມຂົ້ນໄປດ້ວຍສີສັນຊາດ ເພື່ອໃຫ້ວັດທະນະທຳກາຍເປັນກຳລັງແຮງພາຍໃນ ແລະ ກຳລັງໜູນພັດທະນາປະເທດຊາດ ແລະ ປົກປັກຮັກສາປະເທດຊາດຢ່າງແທ້ຈິງ” ຕ້ອງການມີເງື່ອນໄຂ ແລະປັດໄຈຫຼາຍຢ່າງ, ໃນນັ້ນການເສີມຂະຫຍາຍບົດບາດ ແລະ ຄຸນຄ່າຂອງຄອບຄົວແມ່ນສຳຄັນທີ່ສຸດ.
ບັນດາຜູ້ແທນໄດ້ປຶກສາຫາລືກ່ຽວກັບການກຳນົດທິດຍຸດທະສາດຂອງຂະແໜງທ່ອງທ່ຽວຫວຽດນາມ ແລະ ບັນດາບັນຫາທີ່ວາງອອກສຳລັບຂະແໜງທ່ອງທ່ຽວແຂວງ ກວາງຈີ້; ຕີລາຄາບັນດາຄຸນຄ່າຄວາມສາມາດບົ່ມຊ້ອນ ແລະ ບັນດາທ່າແຮງແກ່ງແຍ້ງຂອງທ່ອງທ່ຽວ.
