ຕອນບ່າຍວັນທີ 3 ມິຖຸນາ, ຢູ່ສຳນັກງານນາຍົກລັດຖະມົນຕີ, ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ໄດ້ໃຫ້ການຕ້ອນຮັບທ່ານ ຄຳພັນ ພົມມະທັດ ກໍາມະການກົມການເມືອງສູນກາງພັກປະຊາຊົນປະຕິວັດລາວ, ເລຂາທິການສູນກາງພັກປະຊາຊົນປະຕິວັດລາວ, ປະທານຄະນະກວດກາສູນກາງ, ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ, ປະທານອົງການກວດກາແຫ່ງລັດ ລາວ ແລະ ຄະນະຜູ້ແທນຂັ້ນສູງຂອງຄະນະກວດກາສູນກາງ, ອົງການກວດກາແຫ່ງລັດລາວ ທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ.
ຍສໝ - ພາຍໃຕ້ກອບວາລະການຢ້ຽມຢາມຂອງຄະນະການນຳຂັ້ນສູງສະພາທຸລະກິດອາເມລິກາ - ອາຊຽນ (USABC) ຢູ່ຫວຽດນາມຂອງວັນທີ 9 ມີນາ, ອົງການປະກັນສັງຄົມຫວຽດນາມ ແລະ ສະພາທຸລະກິດອາເມລິກາ - ອາຊຽນ ໄດ້ເຊັນບົດບັນທຶກຊ່ວຍຈຳການຮ່ວມມືໃນຂົງເຂດການດຳເນີນນະໂຍບາຍປະກັນສຸຂະພາບ, ບົດບັນທຶກຊ່ວຍຈຳມີຜົນສັກສິດໃນຂອບເຂດ 5 ປີ ນັບແຕ່ວັນທີ່ເຊັນລົງນາມເປັນຕົ້ນໄປ.
ຍສໝ - ຫຼັກຖານທີ່ເປັນຂໍ້ມູນເອເລັກໂຕຣນິກໃນຄະດີການຄ້າມະນຸດ - ປະສົບການສາກົນ ແລະຫວຽດນາມ ໄດ້ໄຂຂຶ້ນຢູ່ຮ່າໂນ້ຍ. ກອງປະຊຸມສຳມະນາດັ່ງກ່າວ ໄດ້ຈັດຂຶ້ນໂດຍໂຄງການຮ່ວມມືອາຊຽນ-ອົດສະຕຣາລີ ກ່ຽວກັບການປ້ອງກັນ ແລະສະກັດກັ້ນການຄ້າມະນຸດ (ໂຄງການ ASEAN-ACT) ໃນຮູບແບບໂດຍກົງ ແລະອອນລາຍ.