ຄວາມສາມາດບົ່ມຊ້ອນດ້ານການທ່ອງທ່ຽວຊຸມຊົນ ຢູ່ເມືອງ ກະບາງ ແຂວງ ຢາລາຍ
ໂດຍແມ່ນທ້ອງຖິ່ນເຕັມໄປດ້ວຍສີສັນວັດທະນະທຳ ມີມູນເຊື້ອປະຕິວັດ ແລະ ມີທິວທັດທຳມະຊາດສວຍງາມຫຼາຍແຫ່ງ, ເມືອງ ກະບາງ ແຂວງ ຢາລາຍ ແມ່ນແຫ່ງທີ່ມີຄວາມສາມາດບົ່ມຊ້ອນດ້ານການທ່ອງທ່ຽວອັນດັບໜຶ່ງ ໃນເຂດທາງທິດຕາເວັນອອກສຽງເໜືອຂອງແຂວງ ຢາລາຍ. ທີ່ຈິງແລ້ວ ໃນໄລຍະທີ່ຜ່ານມາ ທາງທ້ອງຖິ່ນໄດ້ມີບັນດາແຜນການວິທີການແກ້ໄຂພັດທະນາການທ່ອງທ່ຽວ ເພື່ອຂຸດຄົ້ນບັນດາຄວາມສາມາດບົ່ມຊ້ອນທ່າໄດ້ປຽບ. ໃນນັ້ນ ທ່ອງທ່ຽວຊຸມຊົນ ກໍ່ນຳມາເຊິ່ງປະສິດທິຜົນສູງ ຊ່ວຍໜູນຢ່າງໄດ້ການໄດ້ງານ ເພື່ອໃຫ້ທ້ອງຖິ່ນໂຄສະນາອະນຸລັກຄວາມງາມດ້ານວັດທະນະທຳພື້ນເມືອງຂອງຊາວເຜົ່າ ບານາ ຢູ່ທ້ອງຖິ່ນ