ຍສໝ - ກຳປູເຈຍ ໄດ້ປະກອບສ່ວນ 7 ລ້ານໂດລາ ເຂົ້າໃນກອງທຶນການພັດທະນາ ທີ່ຂຶ້ນກັບຍຸດທະສາດການຮ່ວມມືດ້ານເສດຖະກິດ ACMECS ເພື່ອຊຸກຍູ້ການຈັດຕັ້ງປະຕິບັດໂຄງການພັດທະນາ ເພື່ອເປັນກຳລັງແຮງ ໃນການຟື້ນຟູເສດຖະກິດ ຫລັງຈາກການລະບາດຂອງ COVID-19.
ຍສໝ - ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ເຂົ້າຮ່ວມກອງປະຊຸມສຸດຍອດຍຸດທະສາດຮ່ວມມືເສດຖະກິດ 3 ລຳແມ່ນໍ້າ Ayeyavady – ເຈົ້າພະຍາ - ແມ່ຂອງຄັ້ງທີ 9 (ACMECS – 9), ກອງປະຊຸມສຸດຍອດ ຮ່ວມມື ກຳປູເຈຍ - ລາວ - ມຽນມາ - ຫວຽດນາມ ຄັ້ງທີ 10 (CLMV – 10) ແລະ ກອງປະຊຸມສຸດຍອດເຂດ 3 ລ່ຽມພັດທະນາ ກຳປູເຈຍ - ລາວ - ຫວຽດນາມ ຄັ້ງທີ 11 (CLV – 11) ຖືກຈັດຂຶ້ນຕາມຮູບການທາງອອນລາຍ ໃນວັນທີ 9 ທັນວາ.