ຫວຽດນາມ ແລະ ຝຣັ່ງ ເພີ່ມທະວີການຮ່ວມມືດ້ານປ້ອງກັນຊາດ ໃນຫຼາຍຂົງເຂດທີ່ມີທ່າແຮງ

ໃນການພົບປະ, ທ່ານ ພົນເອກ ຟານ ວັນ ຢາງ ໄດ້ເນັ້ນໜັກວ່າ ຫວຽດນາມ ໃຫ້ຄວາມສຳຄັນເປັນພິເສດ ຕໍ່ສາຍພົວພັນກັບ ຝຣັ່ງ - ປະເທດທີ່ມີຖານະບົດບາດເປັນສະມາຊິກສຳຄັນ ໃນສະຫະພາບເອີຣົບ (EU) ແລະ ພ້ອມກັນນັ້ນ ກໍ່ແມ່ນຄູ່ຮ່ວມມືຍຸດທະສາດຮອບດ້ານທຳອິດຂອງ ຫວຽດນາມ ໃນບຸກຄະລິກຂອງກຸ່ມນີ້.

ທ່ານ ພົນເອກ ຟານວັນຢາງ, ກຳມະການກົມການເມືອງ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ແລກປ່ຽນກັບ ທ່ານ ອໍລີວີເອ ບຣູເຊ ເອກອັກຄະລັດຖະທູດ ຝຣັ່ງ ໃນການຕ້ອນຮັບ

ເພື່ອຫັນບັນດາຄຳໝັ້ນສັນຍາສອງຝ່າຍໃຫ້ປະກົດຜົນເປັນຈິງ, ທ່ານ ລັດຖະມົນຕີ ຟານ ວັນ ຢາງ ໄດ້ຢືນຢັນວ່າ ຝ່າຍ ຫວຽດນາມ ພ້ອມທີ່ຈະປະສົມປະສານຢ່າງແໜ້ນແຟ້ນກັບ ກະຊວງກອງທັບ ແລະ ທະຫານຜ່ານເສິກ ຝຣັ່ງ ເພື່ອຈັດຕັ້ງປະຕິບັດບັນດາຂໍ້ຕົກລົງ ກໍ່ຄືກົນໄກການຮ່ວມມືທີ່ໄດ້ຕົກລົງກັນຢ່າງມີປະສິດທິຜົນ. ຈຸດສຸມແມ່ນແນ່ໃສ່ບັນດາຂົງເຂດທີ່ມີຄວາມສາມາດບົ່ມແຍ່ງຂະຫຍາຍຕົວສູງ ເຊັ່ນ: ການຝຶກອົບຮົມບຸກຄະລາກອນ, ເຫຼົ່າຮົບແພດສາດກອງທັບ, ການເຂົ້າຮ່ວມກຳລັງຮັກສາສັນຕິພາບ ສະຫະປະຊາຊາດ, ອຸດສາຫະກຳປ້ອງກັນຊາດ, ພ້ອມກັບວຽກງານແລກປ່ຽນວັດຖຸອຸປະກອນທີ່ລະນຶກສົງຄາມ ແລະ ການຄົ້ນຫາທະຫານທີ່ເສຍຂ່າວ ແລະ ສູນຫາຍ.

ກ່ຽວກັບຝ່າຍຕົນ, ທ່ານ ເອກອັກຄະລັດຖະທູດ ອໍລີວີເອ ບຣູເຊ ໄດ້ສະແດງຄວາມປາຖະໜາວ່າ ສາຍພົວພັນການຮ່ວມມື ໃນຂົງເຂດປ້ອງກັນຊາດ ລະຫວ່າງ ຝຣັ່ງ ແລະ ຫວຽດນາມ ຈະສືບຕໍ່ຂະຫຍາຍຕົວຢ່າງແທ້ຈິງ ແລະ ເຂົ້າສູ່ຄວາມເລິກເລິ່ງເລື້ອຍໆ, ໂດຍສຸມໃສ່ບັນດາເສົາຄ້ຳຕົ້ນຕໍ ເຊັ່ນ: ອຸດສາຫະກຳປ້ອງກັນຊາດ, ແພດສາດກອງທັບ, ການຝຶກອົບຮົມ ແລະ ບັນດາກິດຈະກຳຮັກສາສັນຕິພາບ ສະຫະປະຊາຊາດ.

ສະຖານທູດລາວປະຈຳຫວຽດນາມ ອວຍພອນວັນຊາດຫວຽດນາມ ຍສໝ - ເນື່ອງໃນໂອກາດລະນຶກ 81 ປີແຫ່ງວັນປະຕິວັດເດືອນສິງຫາ ແລະ ວັນຊາດ 2 ກັນຍາ, ວັນທີ 27 ສິງຫາ, ຢູ່ສຳນັກງານກະຊວງການຕ່າງປະເທດ, ທ່ານ ຫງວຽນແມ້ງເກື່ອງ, ຮອງລັດຖະມົນຕີກະຊວງການຕ່າງປະເທດ ໄດ້ຕ້ອນຮັບທ່ານນາງ ຄຳເພົາ ເອີນທະວັນ, ເອກອັກຄະລັດຖະທູດລາວປະຈຳຫວຽດນາມ ພ້ອມດ້ວຍຄະນະພະນັກງານສະຖານທູດລາວ ທີ່ມາອວຍພອນ.

ຫວຽດນາມຮຽກຮ້ອງເພີ່ມທະວີການຮ່ວມມືສາກົນ ເພື່ອແກ້ໄຂຄວາມບໍ່ໝັ້ນຄົງດ້ານສະບຽງອາຫານທີ່ເກີດຈາກຄວາມຂັດແຍ່ງ ຍສໝ - ວັນທີ 25-26 ສິງຫາ, ຢູ່ສຳນັກງານໃຫຍ່ສະຫະປະຊາຊາດ ທີ່ New York, ຫວຽດນາມຮຽກຮ້ອງໃຫ້ນຳໃຊ້ວິທີການແບບຮອບດ້ານ, ເຄົາລົບກົດໝາຍສາກົນ ແລະ ເພີ່ມທະວີການຮ່ວມມື ເພື່ອແກ້ໄຂສະພາບຄວາມບໍ່ໝັ້ນຄົງດ້ານສະບຽງອາຫານທີ່ເກີດຈາກຄວາມຂັດແຍ່ງ.