ສາມທາງເລືອກຍຸດທະສາດສຳລັບຫວຽດນາມ ຢູ່ພາຍໃດການແຂ່ງຂັນທາງດ້ານເຕັກໂນໂລຊີ

	ຫວຽດນາມ - ການາດາ ໄຂຊຸດອົບຮົມນາຍທະຫານເສນາທິການ ສປຊ ທີ່ບັນລຸມາດຕະຖານສາກົນ
	ບຳລຸງສ້າງບົດຮຽນການຄຸ້ມຄອງບໍລິຫານວິສາຫະກິດລັດ ໃຫ້ແກ່ພະນັກງານລາວ

ການຜະລິດ Camera ຢູ່ບໍລິສັດ ຈຳກັດ Sunny Opotech Vietnam ຢູ່ເຂດອຸດສາຫະກຳ ອຽນບິ່ງ. ພາບປະກອບ: ຮວ່າງ ຫງວຽນ/TTXVN

ແລກປ່ຽນກັບນັກຂ່າວ TTXVN ປະຈຳ ຝຣັ່ງ, ທ່ານ ປອ ຫງວຽນແທັງຫາຍ, ປະທານເຈົ້າໜ້າທີ່ບໍລິຫານ (CEO) ຂອງບໍລິສັດ AIDATACY ຂອງຝຣັ່ງ - ຊຶ່ງແມ່ນວິສາຫະກິດເຕັກໂນໂລຊີເລິກເຊິ່ງ (Deep tech) ເຄື່ອນໄຫວຢູ່ພາຍໃດຂົງເຂດຄວາມປອດໄພທາງໄຊເບີ ແລະ ການເຂົ້າລະຫັດຂໍ້ມູນ - ຖືວ່າ ຄຳຕອບແມ່ນບໍ່ໄດ້ຂຶ້ນຢູ່ກັບການໄລ່ຕາມເປົ້າໝາຍການເປັນເຈົ້າຕົນເອງທາງດ້ານເຕັກໂນໂລຊີຢ່າງເດັດຂາດ ຫຼື ຍອມຮັບການພິ່ງພາອາໄສບັນດາພື້ນຖານໂຄງລ່າງຕ່າງປະເທດຢ່າງສົມບູນ. ຕາມທ່ານແລ້ວ, ສິ່ງສຳຄັນແມ່ນການກຳນົດໃຫ້ຖືກຕ້ອງວ່າ ຂົງເຂດໃດທີ່ຈຳເປັນຕ້ອງຄວບຄຸມ, ຂົງເຂດໃດທີ່ຕ້ອງການຮ່ວມມື ແລະ ຂົງເຂດໃດທີ່ຕ້ອງເປີດປະຕູເພື່ອເຊື່ອມໂຍງ.

ເມື່ອເບິ່ງອອກໄປທົ່ວໂລກ, ອຳນາດທາງດ້ານເຕັກໂນໂລຊີໃນປັດຈຸບັນ ພວມສຸມໃສ່ຢູ່ໃນລະດັບທີ່ບໍ່ເຄີຍມີມາກ່ອນ. ບໍລິສັດຍັກໃຫຍ່ສາມແຫ່ງ ຄື Amazon Web Services (AWS), Microsoft Azure ແລະ Google Cloud ປັດຈຸບັນພວມຄວບຄຸມປະມານ 65% ຂອງຕະຫຼາດຄລາວທົ່ວໂລກ, ໃນຂະນະທີ່ AI ໄດ້ກາຍເປັນຕະຫຼາດທີ່ມີຂະໜາດເກືອບ 200 ຕື້ USD ແລະ ໄດ້ຮັບການຄາດຄະເນວ່າ ຈະເຕີບໂຕຫຼາຍກວ່າ 36% ຕໍ່ປີ ຮອດປີ 2030. ສິ່ງດັ່ງກ່າວໄດ້ສະແດງໃຫ້ເຫັນວ່າ ພື້ນຖານໂຄງລ່າງດິຈິຕອນ ພວມກາຍເປັນພື້ນຖານການເຕີບໂຕໃໝ່ ຂອງເສດຖະກິດໂລກ.

ຕາມທ່ານ ປອ ຫງວຽນແທັງຫາຍ ແລ້ວ, ບົດຮຽນສາກົນໄດ້ສະແດງໃຫ້ເຫັນວ່າ ບໍ່ມີຮູບແບບໃດທີ່ສົມບູນແບບ. ສະຫະພາບເອີຣົບ (EU) ສາມາດສ້າງບັນດາຊຸດຂໍ້ກຳນົດທີ່ກ້າວໜ້າແຖວໜ້າຂອງໂລກ ເຊັ່ນ GDPR ຫຼື AI Act, ແຕ່ກໍຍັງບໍ່ທັນສາມາດສ້າງບັນດາພື້ນຖານໂຄງລ່າງເຕັກໂນໂລຊີ ທີ່ມີອິດທິພົນສົ່ງຜົນສະທ້ອນລະດັບໂລກຢ່າງສົມຄູ່ກັນໄດ້. ໃນຂະນະດຽວກັນ, ເຖິງແມ່ນວ່າ ຈີນ ທີ່ມີແຫຼ່ງກຳລັງການລົງທຶນອັນມະຫາສານ ກໍຍັງບໍ່ທັນສາມາດເປັນເຈົ້າຕົນເອງຢ່າງສົມບູນ ຢູ່ພາຍໃດບັນດາເຕັກໂນໂລຊີກົນໄກຫຼັກ ເຊັ່ນ ເຄິ່ງຊັກນຳໄຟຟ້າທີ່ກ້າວໜ້າ. ບັນດາຄວາມເປັນຈິງເຫຼົ່ານີ້ ໄດ້ສະແດງໃຫ້ເຫັນວ່າ ໂຈດບັນຫາທີ່ສຳຄັນ ບໍ່ແມ່ນການຄອບຄອງທົ່ວທັງຕ່ອງໂສ້ເຕັກໂນໂລຊີ ແຕ່ແມ່ນການຄວບຄຸມໃຫ້ໄດ້ບັນດາຂໍ້ຕໍ່ ທີ່ມີຄວາມໝາຍທາງດ້ານຍຸດທະສາດ.

ຈາກມຸມມອງດັ່ງກ່າວ, ປອ ຫງວຽນແທັງຫາຍ ໄດ້ສະເໜີ 3 ທາງເລືອກຍຸດທະສາດສຳລັບຫວຽດນາມ, ພາຍໃດນັ້ນ ກ່ອນອື່ນໝົດແມ່ນການຄວບຄຸມບັນດາຊັ້ນເຕັກໂນໂລຊີ ທີ່ມີຄວາມໝາຍເປັນຕາຍຕໍ່ກັບປະເທດຊາດ. ຕາມທ່ານແລ້ວ, ອະທິປະໄຕທາງດ້ານເຕັກໂນໂລຊີ ຢູ່ພາຍໃດສະຕະວັດທີ XXI ບໍ່ໄດ້ໝາຍຄວາມເຖິງການທີ່ຕ້ອງຜະລິດເອງທຸກສິ່ງທຸກຢ່າງ. ສິ່ງທີ່ເປັນກົນໄກຫຼັກ ແມ່ນການຮັບປະກັນສິດທິພາຍໃດການຄວບຄຸມຕໍ່ກັບຂໍ້ມູນຂອງພົນລະເມືອງ, ລະບົບຢັ້ງຢືນຕົວຕົນດິຈິຕອນ, ພື້ນຖານໂຄງລ່າງດິຈິຕອນທີ່ຈຳເປັນ, ເເຕັກໂນໂລຊີການເຂົ້າລະຫັດ ແລະ ບັນດາກົນໄກຄຸ້ມຄອງລະຫັດຄວາມປອດໄພ. ເຫຼົ່ານີ້ແມ່ນບັນດາຊັ້ນເຕັກໂນໂລຊີ ທີ່ກ່ຽວຂ້ອງໂດຍກົງເຖິງຄວາມໝັ້ນຄົງແຫ່ງຊາດ ແລະ ຄວາມສາມາດພາຍໃດການບໍລິຫານລັດ.

ທ່ານ ປອ ຫງວຽນແທັງຫາຍ ຖືວ່າ ໜຶ່ງພາຍໃດຈຸດອ່ອນໃນປັດຈຸບັນຂອງຫວຽດນາມ ແມ່ນການທີ່ຍັງບໍ່ທັນໄດ້ຄວບຄຸມຢ່າງຄົບຖ້ວນ ບັນດາຊັ້ນການເຂົ້າລະຫັດ ແລະ ການຄຸ້ມຄອງລະຫັດຂໍ້ມູນ, ໃນຂະນະທີ່ຫຼາຍລະບົບ ຍັງຄົງພິ່ງພາອາໄສຢ່າງຫຼວງຫຼາຍ ຕໍ່ກັບພື້ນຖານໂຄງລ່າງເຕັກໂນໂລຊີຕ່າງປະເທດ. ພາຍໃດສະພາບການທີ່ ກົດໝາຍ CLOUD Act ຂອງອາເມລິກາ ອະນຸຍາດໃຫ້ອົງການທີ່ມີພາລະບົດບາດຂອງປະເທດນີ້ ສາມາດຮຽກຮ້ອງໃຫ້ບັນດາບໍລິສັດເຕັກໂນໂລຊີອາເມລິກາ ສະໜອງຂໍ້ມູນທີ່ຈັດເກັບໄວ້ຢູ່ຕ່າງປະເທດ ຢູ່ພາຍໃດບາງກໍລະນີ, ເລື່ອງລາວຂອງອະທິປະໄຕຂໍ້ມູນ ຈະບໍ່ແມ່ນພຽງແຕ່ບັນຫາທາງດ້ານເຕັກນິກອີກຕໍ່ໄປ ແຕ່ໄດ້ກາຍເປັນບັນຫາທາງດ້ານກົດໝາຍ ແລະ ຍຸດທະສາດ.

ທາງເລືອກທີສອງແມ່ນ ການຮ່ວມມືແບບມີການຄັດເລືອກ ເພື່ອຍົກລະດັບຕຳແໜ່ງຂອງຫວຽດນາມ ຢູ່ພາຍໃດຕ່ອງໂສ້ມູນຄ່າເຕັກໂນໂລຊີທົ່ວໂລກ. ຕາມທ່ານ ດຣ ງວຽນ ແທັງ ຮ້າຍ ແລ້ວ, ປັດຈຸບັນ ຫວຽດນາມ ພວມຄອບຄອງຫຼາຍທ່າແຮງທີ່ພົ້ນເດັ່ນ. ໃນປີ 2023, ກະແສທຶນການລົງທຶນໂດຍກົງຈາກຕ່າງປະເທດ (FDI) ເຂົ້າສູ່ຂົງເຂດເຕັກໂນໂລຊີ ບັນລຸໄດ້ປະມານ 18,5 ຕື້ USD, ກວມເອົາຫຼາຍກວ່າ 1/2 ຂອງທຶນ FDI ທັງໝົດຂອງທົ່ວປະເທດ. ຄຽງຂ້າງນັ້ນ ແມ່ນຖັນແຖວວິສະວະກອນໜຸ່ມ, ຄວາມສາມາດພາຍໃດການຮັບເອົາເຕັກໂນໂລຊີທີ່ໄວ ແລະ ຕຳແໜ່ງທີ່ຕັ້ງພູມສາດຍຸດທະສາດທີ່ສະດວກ ພາຍໃດສະພາບການທີ່ບັນດາບໍລິສັດຍັກໃຫຍ່ສາກົນ ພວມຊອກຫາວິທີການຫັນຕ່ອງໂສ້ອຸປະທານໃຫ້ມີຄວາມຫຼາກຫຼາຍ.

ເຖິງຢ່າງໃດກໍຕາມ, ປັດຈຸບັນ ຫວຽດນາມ ຍັງຄົງແຂ່ງຂັນຕົ້ນຕໍຢູ່ພາຍໃດຂັ້ນຕອນການຜະລິດ ແລະ ປະກອບ, ໃນຂະນະທີ່ຍັງມີຄວາມຈຳກັດ ຢູ່ພາຍໃດບັນດາຂົງເຂດທີ່ມີມູນຄ່າເພີ່ມສູງກວ່າ ເຊັ່ນ ການວິໄຈ ແລະ ພັດທະນາ (R&D), ຂໍ້ມູນ ແລະ ພື້ນຖານໂຄງລ່າງດິຈິຕອນ. ຕາມທ່ານ ດຣ ງວຽນ ແທັງ ຮ້າຍ ແລ້ວ, ນີ້ແມ່ນໄລຍະຫ່າງທີ່ຈຳເປັນຕ້ອງໄດ້ຮັບການຮັດແຄບເຂົ້າມາ ພາຍໃດໄລຍະຕໍ່ໄປ ຫາກຫວຽດນາມ ຕ້ອງການຍົກລະດັບຕຳແໜ່ງ ຢູ່ພາຍໃດຕ່ອງໂສ້ມູນຄ່າເຕັກໂນໂລຊີທົ່ວໂລກ.

ດຣ ງວຽນ ແທັງ ຮ້າຍ ໄດ້ສະເໜີໃຫ້ ຫວຽດນາມ ເປັນເຈົ້າການພາຍໃດການຮ່ວມມື ກັບບັນດາບໍລິສັດເຕັກໂນໂລຊີຍັກໃຫຍ່ລະດັບສາກົນ ຢູ່ພາຍໃດບັນດາຂົງເຂດ ເຊັ່ນ AI ທີ່ນຳໃຊ້ພາຍໃດພາກລັດ, ຄລາວສຳລັບອົງການຈັດຕັ້ງລັດ ຫຼື ການອອກແບບແຜງວົງຈອນທາດເຄິ່ງຊັກນຳໄຟຟ້າ. ເຖິງຢ່າງໃດກໍຕາມ, ບັນດາໂຄງການນີ້ ຈຳເປັນຕ້ອງຕິດພັນກັບຄວາມຕ້ອງການດ້ານການຖ່າຍທອດເຕັກໂນໂລຊີ, ການກໍ່ສ້າງບຳລຸງສ້າງຊັບພະຍາກອນມະນຸດ ແລະ ຄ່ອຍໆສ້າງຄວາມສາມາດພາຍໃນປະເທດຂຶ້ນມາ. ຕາມທ່ານແລ້ວ, ນີ້ແມ່ນເສັ້ນທາງທີ່ມີຄວາມເປັນຈິງ ແລະ ມີຄວາມເປັນໄປໄດ້ສູງກວ່າຫຼາຍ ເມື່ອທຽບໃສ່ກັບຄວາມທະເຍີທະຍານທີ່ຈະສ້າງທົ່ວທັງຕ່ອງໂສ້ເຕັກໂນໂລຊີເອງຕັ້ງແຕ່ເລີ່ມຕົ້ນ.

ທາງເລືອກທີສາມແມ່ນ ການເປີດປະຕູເພື່ອເຂົ້າຮ່ວມຢ່າງເລິກເຊິ່ງກວ່າເກົ່າ ເຂົ້າພາຍໃດລະບົບນິເວດເຕັກໂນໂລຊີທົ່ວໂລກ. ຕາມຮູບແບບ “ການເປັນເຈົ້າຕົນເອງແບບເປີດ” ທີ່ສະເໜີໂດຍ ດຣ ງວຽນ ແທັງ ຮ້າຍ, ຫວຽດນາມ ຈຳເປັນຕ້ອງສືບຕໍ່ເຊື່ອມໂຍງຢ່າງແຂງແຮງ ເຂົ້າພາຍໃດບັນດາຕ່ອງໂສ້ອຸປະທານເຕັກໂນໂລຊີສາກົນ, ເຂົ້າຮ່ວມບັນດາລະບົບນິເວດລະຫັດເປີດ (Open source) ແລະ ບັນດາມາດຕະຖານເຕັກນິກທົ່ວໂລກ. ສຳລັບບັນດາຂົງເຂດທີ່ບໍ່ມີຄຸນລັກສະນະຍຸດທະສາດ, ການເປີດປະຕູແມ່ນຈະບໍ່ເຮັດໃຫ້ອະທິປະໄຕຫຼຸດນ້ອຍຖອຍລົງ ແຕ່ໃນທາງກົງກັນຂ້າມ ມັນຍັງປະກອບສ່ວນຊຸກຍູ້ການປະດິດສ້າງໃໝ່ ແລະ ຍົກສູງຄວາມສາມາດພາຍໃດການແຂ່ງຂັນ.

ການແນະນຳແອັບພລິເຄຊັນ (Application) ອຸດສາຫະກຳໃໝ່. ພາບປະກອບ: XM/ໜັງສືພິມຂ່າວສານ ແລະ ຊົນເຜົ່າ.

ເພື່ອເຮັດໃຫ້ 3 ທາງເລືອກຍຸດທະສາດຂ້າງເທິງປະກົດຜົນເປັນຈິງ, ທ່ານ ປອ ຫງວຽນ ແທັງຫາຍ ໄດ້ຍົກອອກ 3 ຂໍ້ສະເໜີແນະດ້ານນະໂຍບາຍຢ່າງລະອຽດ, ພາຍໃດນັ້ນ ອັນດັບທຳອິດແມ່ນການສ້າງຕັ້ງກົນໄກການຢັ້ງຢືນຄວາມປອດໄພແຫ່ງຊາດ ສຳລັບບັນດາລະບົບປະມວນຜົນຂໍ້ມູນທີ່ມີຄວາມອ່ອນໄຫວ ໂດຍມຸ່ງໄປຕາມທິດທາງທີ່ຄ້າຍຄືກັນກັບຮູບແບບ SecNumCloud ຂອງຝຣັ່ງ. ຕາມທ່ານແລ້ວ, ແທນທີ່ຈະຕ້ອງທຸ່ມເທແຫຼ່ງກຳລັງອັນມະຫາສານ ເພື່ອສ້າງລະບົບ Cloud computing ທີ່ເປັນເອກະລາດຢ່າງສົມບູນ, ຫວຽດນາມ ສາມາດສຸມໃສ່ການຄວບຄຸມບັນດາມາດຕະຖານເຕັກນິກ ແລະ ສິດທິພາຍໃດການເຂົ້າເຖິງຂໍ້ມູນ. ວິທີການເຂົ້າເຖິງນີ້ ທັງມີຄວາມເປັນຈິງກວ່າ, ທັງປະກອບສ່ວນສ້າງຄວາມເຊື່ອໝັ້ນໃຫ້ແກ່ບັນດານັກລົງທຶນສາກົນ.

ຂໍ້ສະເໜີແນະທີສອງແມ່ນ ການກຳນົດ “ພັນທະກິດເຕັກໂນໂລຊີແຫ່ງຊາດ” ຈຳນວນໜຶ່ງ ແນໃສ່ສ້າງຕະຫຼາດທຳອິດໃຫ້ແກ່ວິສາຫະກິດເຕັກໂນໂລຊີ. ບັນດາຂົງເຂດທີ່ໄດ້ຮັບການສະເໜີ ລວມມີ: ລະບົບຢັ້ງຢືນຕົວຕົນດິຈິຕອນແຫ່ງຊາດ, AI ພາຍໃດວຽກງານສາທາລະນະສຸກ ແລະ ພື້ນຖານໂຄງລ່າງຄວາມປອດໄພທາງໄຊເບີ (Cybersecurity) ສຳລັບລະບົບການເງິນ - ການທະນາຄານ. ຕາມທ່ານ ດຣ ງວຽນ ແທັງ ຮ້າຍ ແລ້ວ, ບົດຮຽນຈາກ ອາເມລິກາ ແລະ ຝຣັ່ງ ໄດ້ສະແດງໃຫ້ເຫັນວ່າ ຫຼາຍເຕັກໂນໂລຊີພື້ນຖານຂອງໂລກໃນປັດຈຸບັນ ລ້ວນແຕ່ໄດ້ຮັບການກໍ່ຕົວຂຶ້ນມາຈາກບັນດາໂຈດບັນຫາທີ່ລັດຖະບານວາງອອກ ກ່ອນທີ່ຈະຖືກນຳໄປຫັນເປັນການຄ້າຢ່າງກວ້າງຂວາງ.

ຂໍ້ສະເໜີແນະທີສາມແມ່ນ ການຮີບຮ້ອນປະກາດໃຊ້ນະໂຍບາຍ AI ແຫ່ງຊາດ ໃຫ້ມີຄວາມຈະແຈ້ງພຽງພໍ ເພື່ອສ້າງສະພາບແວດລ້ອມທີ່ໝັ້ນຄົງໃຫ້ແກ່ການລົງທຶນ. ຕາມທ່ານ ດຣ ງວຽນ ແທັງ ຮ້າຍ ແລ້ວ, ປັດຈຸບັນ ບັນດາບໍລິສັດເຕັກໂນໂລຊີຍັກໃຫຍ່ລະດັບສາກົນ ບໍ່ພຽງແຕ່ໃຫ້ຄວາມສົນໃຈຕໍກັບນະໂຍບາຍບຸລິມະສິດດ້ານການລົງທຶນເທົ່ານັ້ນ ແຕ່ຍັງຕ້ອງການຄຳຕອບທີ່ຊັດເຈນ ກ່ຽວກັບບັນດາບັນຫາ ເຊັ່ນ: ຂໍ້ມູນທີ່ໃຊ້ພາຍໃດການຝຶກອົບຮົມ AI (Training data), ກົນໄກການທົດລອງເຕັກໂນໂລຊີໃໝ່, ຄວາມຮັບຜິດຊອບທາງດ້ານກົດໝາຍ ແລະ ຂອບເຂດການນຳໃຊ້ AI ພາຍໃດພາກລັດ. ເຫຼົ່ານີ້ແມ່ນບັນດາປັດໄຈທີ່ສາມາດສົ່ງຜົນສະທ້ອນໂດຍກົງ ຕໍກັບການຕັດສິນໃຈເລືອກສະຖານທີ່ລົງທຶນ ລະຫວ່າງ ຫວຽດນາມ ແລະ ບັນດາຄູ່ແຂ່ງພາຍໃດພາກພື້ນ ເຊັ່ນ ໄທ ຫຼື ມາເລເຊຍ.

ຕາມທ່ານ ດຣ ງວຽນ ແທັງ ຮ້າຍ ແລ້ວ, ການແຂ່ງຂັນທາງດ້ານເຕັກໂນໂລຊີ ລະຫວ່າງ ອາເມລິກາ ແລະ ຈີນ ພວມເປີດໂອກາດທີ່ຫາຍາກ ເພື່ອໃຫ້ຫວຽດນາມ ຍົກລະດັບຕຳແໜ່ງຂອງຕົນ ຢູ່ພາຍໃດຕ່ອງໂສ້ມູນຄ່າທົ່ວໂລກ. ເຖິງຢ່າງໃດກໍຕາມ, ໂອກາດນີ້ຈະບໍ່ຄົງຢູ່ຕະຫຼອດໄປ. ສິ່ງທີ່ ຫວຽດນາມ ຕ້ອງການໃນປັດຈຸບັນ ບໍ່ແມ່ນການໄລ່ຕາມເປົ້າໝາຍການເປັນເຈົ້າຕົນເອງທາງດ້ານເຕັກໂນໂລຊີຢ່າງຮອບດ້ານ, ແຕ່ແມ່ນການສ້າງຄວາມສາມາດໃຫ້ພຽງພໍ ເພື່ອຄວບຄຸມບັນດາຊັ້ນເຕັກໂນໂລຊີທີ່ເປັນຍຸດທະສາດ, ເປັນເຈົ້າການພາຍໃດການດຶງດູດແຫຼ່ງກຳລັງສາກົນ ເຂົ້າສູ່ບັນດາຂົງເຂດທີ່ມີມູນຄ່າເພີ່ມສູງ ແລະ ສ້າງສະພາບແວດລ້ອມນະໂຍບາຍທີ່ມີຄວາມໝັ້ນຄົງ ສຳລັບການປະດິດສ້າງໃໝ່. ຢູ່ພາຍໃດການແຂ່ງຂັນທາງດ້ານເຕັກໂນໂລຊີ ທີ່ພວມຈັດລະບຽບເສດຖະກິດໂລກຄືນໃໝ່ນີ້, ທ່າແຮງຈະຕົກເປັນຂອງບັນດາປະເທດທີ່ຮູ້ຈັກເລືອກເປົ້າໝາຍຈຸດສຸມພາຍໃດການລົງທຶນຢ່າງຖືກຕ້ອງ ແລະ ມີການເຄື່ອນໄຫວທີ່ໄວພໍ ເພື່ອກຳແໜ້ນໂອກາດ.

ອານຢາງ ວາງເປົ້າໝາຍເກັບກູ້ຕົວຢ່າງອັດຖິນັກຮົບເສຍສະຫຼະຊີວິດເພື່ອຊາດໃຫ້ໄດ້ 15.747 ຕົວຢ່າງ ເພື່ອຮັບໃຊ້ການກວດພິສູດ ADN ຍສໝ - ໃນຕອນບ່າຍວັນທີ 22 ມິຖຸນາ, ຄະນະຊີ້ນຳ 515 ແຂວງ ອານຢາງ ໄດ້ຈັດຕັ້ງກອງປະຊຸມທາງໄກ (ອອນລາຍ) ຜັນຂະຫຍາຍ “ບັ້ນຮົບ 500 ວັນ ແລະ ຄືນ ເພື່ອຍູ້ແຮງການຈັດຕັ້ງປະຕິບັດການຊອກຫາ, ເກັບກູ້ ແລະ ຢັ້ງຢືນຕົວຕົນອັດຖິນັກຮົບເສຍສະຫຼະຊີວິດເພື່ອຊາດ” ແລະ ວຽກງານການເກັບກູ້, ມອບ-ຮັບຕົວຢ່າງອັດຖິນັກຮົບເສຍສະຫຼະຊີວິດເພື່ອຊາດ ຢູ່ພາຍໃດທ້ອງຖິ່ນແຂວງ. ...

ສະເຫຼີມສະຫຼອງວັນສ້າງຕັ້ງເຄືອຂ່າຍການສອນພາສາຫວຽດ ແລະ ວັດທະນະທຳຫວຽດນາມທົ່ວໂລກ ຄົບຮອບ 5 ປີ ຍສໝ - ອີງຕາມນັກຂ່າວສຳນັກຂ່າວສານຫວຽດນາມ (TTXVN) ປະຈຳ ຝຣັ່ງ, ຄູອາຈານ, ນັກຄົ້ນຄວ້າ, ຜູ້ຕາງໜ້າສະມາຄົມ ແລະ ບັນດາຜູ້ທີ່ມີຄວາມຈິງໃຈ ຕໍກັບວຽກງານການສອນພາສາຫວຽດ ຫຼາຍຮ້ອຍຄົນ ໄດ້ເຂົ້າຮ່ວມກອງປະຊຸມເວທີປຶກສາຫາລື “ການປົກປັກຮັກສາພາສາຫວຽດ ແລະ ວັດທະນະທຳຫວຽດ ຢູ່ຕ່າງປະເທດ”, ຊຶ່ງໄດ້ຈັດຂຶ້ນໃນວັນທີ 21 ມິຖຸນາ ຢູ່ທີ່ສູນວັດທະນະທຳຫວຽດນາມ ປະຈຳ ຝຣັ່ງ.