ນັກສຶກສາລາວ ແລະ ກຳປູເຈຍ 177 ຄົນ ມີ "ຄອບຄົວທີສອງ" ຢູ່ທີ່ນະຄອນໂຮ່ຈີມິນ

	ສັບປະດາວັດທະນະທຳ - ການທ່ອງທ່ຽວ ເກິ່ນເທີ: ເຊື່ອມຕໍ່, ຮ່ວມມື ແລະ ພັດທະນາຜະລິດຕະພັນໃໝ່
	ຂະຫຍາຍຂອບເຂດການຮ່ວມມື, ນຳເອົາສາຍພົວພັນ ຫວຽດນາມ - ການາດາ ຂະຫຍາຍຕົວຂຶ້ນສູ່ລະດັບສູງໃໝ່

ອີງຕາມໜັງສືພິມ ຍານເຢີນ, ແຜນງານດັ່ງກ່າວແມ່ນມີການເຂົ້າຮ່ວມຂອງ 102 ຄອບຄົວຫວຽດນາມ ແລະ ນັກສຶກສາລາວ, ກຳປູເຈຍ 177 ຄົນ ທີ່ພວມສຶກສາຮໍ່າຮຽນຢູ່ຕາມບັນດາມະຫາວິທະຍາໄລ, ວິທະຍາໄລ ແລະ ສະຖາບັນ ຢູ່ພາຍໃດຂອບເຂດທົ່ວຕົວເມືອງນະຄອນ. ນີ້ແມ່ນໂອກາດເພື່ອໃຫ້ບັນດາຄອບຄົວ ແລະ ນັກສຶກສາ ໄດ້ພົບປະ, ເຊື່ອມຕໍ່ ແລະ ຮ່ວມເດີນທາງນຳກັນພາຍໃດການຮໍ່າຮຽນ, ການດຳລົງຊີວິດປະຈຳວັນ ກໍຄືການຊອກຮູ້ກ່ຽວກັບວັດທະນະທຳຂອງແຕ່ລະປະເທດຊາດ ຢ່າງເປັນທາງການ.

ແຜນງານຄອບຄົວຫວຽດນາມ ຮ່ວມກັບນັກສຶກສາລາວ ແລະ ກຳປູເຈຍ ທີ່ພວມສຶກສາຮໍ່າຮຽນ ຢູ່ທີ່ນະຄອນໂຮ່ຈີມິນ ປະຈຳປີ 2026. (ພາບ: ຫນັງສືພິມ ໄຊງ່ອນຢາຍຟ້ອງ)

ປີ 2026 ກໍແມ່ນປີທຳອິດທີ່ໄດ້ຜັນຂະຫຍາຍໂຄງການເລກທີ 02/ĐA-MTTQ-BTT ລົງວັນທີ 9 ຕຸລາ 2025 ຂອງຄະນະປະຈຳຄະນະກຳມະການແນວໂຮມປະເທດຊາດຫວຽດນາມ ນະຄອນໂຮ່ຈີມິນ ວ່າດ້ວຍການຈັດຕັ້ງແຜນງານ "ຄອບຄົວຫວຽດນາມ ຮ່ວມກັບນັກສຶກສາລາວ ແລະ ກຳປູເຈຍ ທີ່ພວມສຶກສາຮໍ່າຮຽນ ຢູ່ທີ່ນະຄອນໂຮ່ຈີມິນ" ໄລຍະ 2026-2030.

ໜັງສືພິມ ໄຊງ່ອນຢາຍຟ້ອງ ໄດ້ຍົກຄຳເວົ້າຂອງທ່ານ ງວຽນ ມິງ ເຊີນ (Nguyễn Minh Sơn), ຮອງເລຂາຄະນະຊາວໜຸ່ມນະຄອນໂຮ່ຈີມິນ ໃຫ້ຮູ້ວ່າ, ທາງຕົວເມືອງນະຄອນຍາມໃດກໍເອົາໃຈໃສ່, ຮ່ວມເດີນທາງກັບນັກສຶກສາລາວ ແລະ ກຳປູເຈຍ. ແນໃສ່ສ້າງເງື່ອນໄຂໃຫ້ນັກສຶກສາລາວ, ກຳປູເຈຍ ເຊື່ອມໂຍງເຂົ້າກັບການດຳລົງຊີວິດໄດ້ດີຂຶ້ນ, ໄດ້ສຳຜັດຕົວຈິງຢ່າງເລິກເຊິ່ງກວ່າເກົ່າຕໍ່ກັບບັນດາກຸນຄ່າວັດທະນະທຳມູນເຊື້ອ, ນ້ຳໃຈໄມຕີຈິດມິດພາບຂອງຄົນຫວຽດນາມ, ແຜນງານຄອບຄົວຫວຽດນາມ ຮ່ວມກັບນັກສຶກສາລາວ ແລະ ກຳປູເຈຍ ທີ່ພວມສຶກສາຮໍ່າຮຽນ ຢູ່ທີ່ນະຄອນໂຮ່ຈີມິນ ຈຶ່ງໄດ້ຮັບການຜັນຂະຫຍາຍ ຄືດັ່ງຂົວຕໍ່ແຫ່ງການເຊື່ອມໂຍງອັນເຕັມໄປດ້ວຍຄວາມໝາຍ ລະຫວ່າງ ບັນດາຄອບຄົວຫວຽດນາມ ຮ່ວມກັບນັກສຶກສາສາກົນ.

ອີງຕາມຄະນະຈັດຕັ້ງ, ພາຍໃດໄລຍະ 2021-2025, ແຜນງານໄດ້ດຶງດູດຄອບຄົວຫວຽດນາມເຂົ້າຮ່ວມ 289 ເທື່ອຄອບຄົວ, ຮັບອຸປະຖຳນັກສຶກສາລາວ ແລະ ກຳປູເຈຍ 473 ເທື່ອຄົນ. ຫຼາຍຄອບຄົວໄດ້ສືບຕໍ່ຮ່ວມເດີນທາງເປັນເວລາຫຼາຍປີລຽນຕິດ, ສ້າງໃຫ້ມີສາຍພົວພັນອັນສະໜິດແໜ້ນຄືດັ່ງຍາດຕິພີ່ນ້ອງພາຍໃດຄອບຄົວດຽວກັນ.

ໂດຍຮ່ວມເດີນທາງກັບແຜນງານມາຕັ້ງແຕ່ປີ 2021, ຫຼາກຫຼາຍຄອບຄົວໃຫ້ຮູ້ວ່າ ຄວາມແຕກຕ່າງກ່ຽວກັບດ້ານພາສາ, ວັດທະນະທຳ ແລະ ຄວາມຊິນເຄີຍພາຍໃດການດຳລົງຊີວິດໃນໄລຍະເລີ່ມຕົ້ນນັ້ນ ແມ່ນຄ່ອຍໆຖືກລົບລ້າງໄປ ດ້ວຍຄວາມຈິງໃຈ ແລະ ຄວາມຮັກແພງອັນສະໜິດແໜ້ນລະຫວ່າງບັນດາສະມາຊິກ. ບັນດານັກສຶກສາໄດ້ຮັບການສະໜັບສະໜູນຊ່ວຍເຫຼືອພາຍໃດການຮໍ່າຮຽນ, ການດຳລົງຊີວິດ, ໃນຂະນະດຽວກັນ ກໍມີໂອກາດຊອກຮູ້ຢ່າງເລິກເຊິ່ງກວ່າເກົ່າກ່ຽວກັບວັດທະນະທຳ, ປະຫວັດສາດ ແລະ ຊີວິດການເປັນຢູ່ຂອງຄົນຫວຽດນາມ.

ຄະນະຈັດຕັ້ງໄດ້ຕີລາຄ່ວາ ການສືບຕໍ່ຮັກສາ ແລະ ພັດທະນາແຜນງານ ແມ່ນຫຼັກຖານຢັ້ງຢືນໃຫ້ແກ່ມູນເຊື້ອແຫ່ງຄວາມມີນ້ຳໃຈ, ຈິດໃຈສາມັກຄີສາກົນ ແລະ ຄວາມຮັບຜິດຊອບຂອງນະຄອນໂຮ່ຈີມິນ ພາຍໃດວຽກງານການຕ່າງປະເທດປະຊາຊົນ. ກິດຈະກຳນີ້ໄດ້ປະກອບສ່ວນເຮັດໃຫ້ສາຍພົວພັນມິດພາບມູນເຊື້ອ, ຄວາມສາມັກຄີພິເສດ ຫວຽດນາມ - ລາວ ແລະ ສາຍພົວພັນເພື່ອນບ້ານໃກ້ຄຽງມິດພາບ, ການຮ່ວມມືຮອບດ້ານ ຫວຽດນາມ - ກຳປູເຈຍ ມີຄວາມເລິກເຊິ່ງຍິ່ງໆຂຶ້ນ.

ເປັນພິເສດ, ແຜນງານດັ່ງກ່າວແມ່ນໄດ້ຈັດຂຶ້ນພາຍໃດປີທີ່ນະຄອນໂຮ່ຈີມິນ ສະເຫຼີມສະຫຼອງວັນນະຄອນ ໄຊງ່ອນ - ຢາດິ້ງ ໄດ້ຮັບນາມມະຍົດເປັນທາງການຕາມຊື່ຂອງ ທ່ານປະທານ ໂຮ່ຈີມິນ ຄົບຮອບ 50 ປີ, ໂດຍຜ່ານນັ້ນ ກໍສືບຕໍ່ຢັ້ງຢືນພາບພົດຂອງຕົວເມືອງນະຄອນທີ່ມີຄວາມຂະຫຍາຍຕົວຢ່າງຟົດຟື້ນ, ມີນ້ຳໃຈ ແລະ ຍາມໃດກໍເປີດກວ້າງຕ້ອນຮັບເພື່ອນມິດສາກົນສະເໝີ.

ຫວຽດນາມ ມີຜູ້ພິພາກສາຢູ່ພາຍໃດສານກົດໝາຍທະເລສາກົນ ເປັນຄັ້ງທຳອິດ ຍສໝ - ວັນທີ 18 ມິຖຸນາ, ພາຍໃດຂອບເຂດກອງປະຊຸມຄັ້ງທີ 36 ຂອງບັນດາປະເທດພາຄີສົນທິສັນຍາສະຫະປະຊາຊາດວ່າດ້ວຍກົດໝາຍທະເລ (UNCLOS) ທີ່ສຳນັກງານໃຫຍ່ສະຫະປະຊາຊາດນະຄອນນິວຢອກ (ອາເມລິກາ), ຮອງສາດສະດາຈານ ປະລິນຍາເອກ ຫງວຽນທິລານແອງ, ຮອງຜູ້ນຳສະຖາບັນການຕ່າງປະເທດ ຫວຽດນາມ, ຜູ້ສະໝັກຮັບເລືອກຕັ້ງຂອງຫວຽດນາມ, ໄດ້ຮັບການເລືອກຕັ້ງເຂົ້າດຳລົງຕຳແໜ່ງເປັນຜູ້ພິພາກສາສານກົດໝາຍທະເລສາກົນ (ITLOS) ອາຍຸການ 2026–2035 ດ້ວຍຄະແນນສຽງສູງທີ່ສຸດພາຍໃດເຂດພາກພື້ນ ອາຊີ - ປາຊີຟິກ.

ຫວຽດນາມ - ລັດເຊຍ ຂະຫຍາຍອະວະກາດແຫ່ງການຮ່ວມມືດ້ານເສດຖະກິດ ຍສໝ - ຢູ່ພາຍໃດແຜນງານການເຊື່ອມຕໍ່ການລົງທຶນ ແລະ ດຳເນີນທຸລະກິດ ຫວຽດນາມ - ສະຫະພັນລັດເຊຍ, ທ່ານລັດຖະມົນຕີກະຊວງການເງິນ ໂງວັນຕ໋ວນ ໄດ້ເນັ້ນໜັກເຖິງບົດບາດຂອງຊຸມຊົນວິສາຫະກິດ ພາຍໃດການຂະຫຍາຍການຮ່ວມມືດ້ານເສດຖະກິດ, ການຄ້າ ແລະ ການລົງທຶນທະວິພາຄີ.