ຫວຽດນາມ ເນັ້ນໜັກວິທີການເຂົ້າເຖິງແບບມີມະນຸດເປັນສູນກາງ ພາຍໃດການພັດທະນາ AI

	ຍູ້ແຮງການດຶງດູດ ແລະ ເປີດກວ້າງຕາໜ່າງບັນດານັກວິທະຍາສາດ, ຊ່ຽວຊານ ແລະ ປັນຍາຊົນໜຸ່ມຢູ່ ຊູແອັດ
	ນຳພາສາຍພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ໄທ ໃຫ້ຂະຫຍາຍຕົວຢ່າງເລິກເຊິ່ງ ແລະ ມີປະສິດທິຜົນ

ອີງຕາມ TTXVN, ກ່າວປາໄສຢູ່ພາຍໃດວາລະກອງປະຊຸມຄົບຄະນະ ຂອງກອງປະຊຸມໃຫຍ່ແຮງງານສາກົນ ຄັ້ງທີ 114 (ILC114), ທ່ານເອກອັກຄະລັດຖະທູດ ມາຍຟານຢຸ້ງ ໄດ້ຢືນຢັນວ່າ ປະເທດ ຫວຽດນາມ ສະໜັບສະໜູນຢ່າງແຮງກ້າຕໍ່ກັບວິທີການເຂົ້າເຖິງແບບມີມະນຸດເປັນສູນກາງ ພາຍໃດການພັດທະນາ ແລະ ປະຍຸກໃຊ້ປັນຍาປະດິດ (AI), ແນໃສ່ຮັບປະກັນໃຫ້ທຸກໆຜູ້ອອກແຮງງານລ້ວນແຕ່ໄດ້ຮັບຜົນປະໂຫຍດຈາກຄວາມກ້າວໜ້າທາງດ້ານເຕັກໂນໂລຊີ. ທ່ານເອກອັກຄະລັດຖະທູດ ຕີລາຄາວ່າ AI ພວມເປີດກວ້າງບັນດາໂອກາດທີ່ບໍ່ເຄີຍມີມາກ່ອນ ເພື່ອຍົກສູງສະມັດຖະພາບແຮງງານ, ຊຸກຍູ້ການປະດິດສ້າງໃໝ່ ແລະ ສ້າງກຳລັງຂັບເຄື່ອນໃໝ່ໃຫ້ແກ່ການເຕີບໂຕທາງດ້ານເສດຖະກິດ. ເຖິງຢ່າງໃດກໍຕາມ, ຄຽງຄູ່ກັບບັນດາຜົນປະໂຫຍດດັ່ງກ່າວນັ້ນ ກໍແມ່ນບັນດາສິ່ງທ້າທາຍທີ່ນັບມື້ນັບສະແດງໃຫ້ເຫັນຢ່າງຈະແຈ້ງ ເຊິ່ງພົວພັນເຖິງວຽກເຮັດງານທຳ, ທັກສະແຮງງານ, ໄລຍະຫ່າງທາງດ້ານດິຈິຕອນ ແລະ ຄວາມສ່ຽງພາຍໃດການເພີ່ມທະວີຄວາມບໍ່ສະເໝີພາບໃນສັງຄົມ.

ຕົວແທນຂອງ ປະເທດ ຫວຽດນາມ ຖືວ່າ ວິວັດທະນາການແຫ່ງການພັດທະນາ ແລະ ປະຍຸກໃຊ້ AI ຈຳເປັນຕ້ອງວາງມະນຸດໄວ້ຢູ່ທີ່ຈຸດສູນກາງ, ຮັບປະກັນໃຫ້ເຕັກໂນໂລຊີຮັບໃຊ້ເຂົ້າໃສ່ການພັດທະນາຢ່າງຮອບດ້ານຂອງສັງຄົມ ແທນທີ່ຈະກາຍເປັນສາເຫດທີ່ສ້າງໃຫ້ເກີດໄລຍະຫ່າງໃໝ່ໆ. ຕາມນັ້ນແລ້ວ, ບັນດານະໂຍບາຍກ່ຽວກັບ AI ຈຳເປັນຕ້ອງມຸ່ງໜ້າສູ່ເpolກໝາຍສ້າງວຽກເຮັດງານທຳທີ່ຍືນຍົງ, ປົກປ້ອງສິດ ແລະ ຜົນປະໂຫຍດອັນຊອບທຳ ຂອງຜູ້ອອກແຮງງານ, ໃນຂະນະດຽວກັນ ກໍເພີ່ມທະວີຄວາມສາມາດພາຍໃດການເຂົ້າເຖິງເຕັກໂນໂລຊີ ໃຫ້ແກ່ທຸກໆຊັ້ນຄົນພາຍໃດສັງຄົມ.

ທ່ານເອກອັກຄະລັດຖະທູດ ມາຍຟານຢຸ້ງ (Mai Phan Dũng) ກ່າວປາໄສຢູ່ພາຍໃດວາລະກອງປະຊຸມຄົບຄະນະ ຂອງກອງປະຊຸມໃຫຍ່ແຮງງານສາກົນ ຄັ້ງທີ 114. (ພາບ: ບາວຕິນຕຶກ - Báo Tin tức).

ທ່ານເອກອັກຄະລັດຖະທູດ ມາຍຟານຢຸ້ງ ໄດ້ເນັ້ນໜັກເຖິງຄວາມສຳຄັນຂອງການສຶກສາ, ການອົບຮົມວິຊາຊີບ, ການອົບຮົມຄືນໃໝ່ ແລະ ການຍົກສູງທັກສະໃຫ້ແກ່ຜູ້ອອກແຮງງານ ແນໃສ່ຕອບສະໜອງຄວາມຕ້ອງການຂອງຕະຫຼາດແຮງງານ ທີ່ພວມມີການປ່ຽນແປງຢ່າງວ່ອງໄວ ພາຍໃຕ້ຜົນກະທົບຂອງການຫັນປ່ຽນເປັນດິຈິຕອນ ແລະ AI. ນີ້ຖືວ່າແມ່ນປັດໄຈກຸນແຈສຳຄັນ ທີ່ຊ່ວຍໃຫ້ຜູ້ອອກແຮງງານສາມາດປັບຕົວເຂົ້າກັບບັນດາຂະແໜງອາຊີບໃໝ່, ໃນຂະນະດຽວກັນ ກໍຫຼຸດຜ່ອນຄວາມສ່ຽງທີ່ຈະຖືກປະຖິ້ມໄວ້ທາງຫຼັງ ພາຍໃດວິວັດທະນາການແຫ່ງການພັດທະນາເຕັກໂນໂລຊີ.

ປະເທດ ຫວຽດນາມ ກໍໄດ້ຮຽກຮ້ອງໃຫ້ເພີ່ມທະວີການຮ່ວມມືສາກົນພາຍໃດຂົງເຂດ AI, ເປັນພິເສດແມ່ນການແບ່ງປັນບົດຮຽນປະສົບການພາຍໃດການສ້າງນະໂຍບາຍ, ການຖ່າຍທອດເຕັກໂນໂລຊີ, ການສະໜັບສະໜູນດ້ານເຕັກນິກ ແລະ ການຮັດແຄບໄລຍະຫ່າງການພັດທະນາລະຫວ່າງບັນດາປະເທດ. ອີງຕາມທັດສະນະຂອງທ່ານເອກອັກຄະລັດຖະທູດ ມາຍຟານຢຸ້ງ, ແມ່ນມີພຽງແຕ່ຜ່ານການຮ່ວມມື ແລະ ການເຈລະຈາພຫຸພາຄີເທົ່ານັ້ນ, ປະຊາຄົມສາກົນຈຶ່ງຈະສາມາດສ້າງຕັ້ງບັນດາຂອບການຄຸ້ມຄອງ AI ທີ່ມີປະສິດທິຜົນ, ປອດໄພ ແລະ ມີຄວາມຮັບຜິດຊອບໄດ້.

ກອງປະຊຸມໃຫຍ່ແຮງງານສາກົນ ຄັ້ງທີ 114 ໄດ້ດຳເນີນໄປພາຍໃຕ້ສະພາບການທີ່ AI ພວມສ້າງໃຫ້ເກີດມີການປ່ຽນແປງຢ່າງເລິກເຊິ່ງ ແລະ ກວ້າງຂວາງ ຕໍ່ກັບຕະຫຼາດແຮງງານທົ່ວໂລກ. ລາຍງານຂອງທ່ານຜູ້ອຳນວຍການໃຫຍ່ ILO ໃນປີນີ້ ໄດ້ເລືອກເອົາຫົວຂໍ້ “ຊ່ວງເວລາແຫ່ງການເລືອກເຟັ້ນ: ການຂຸດຄົ້ນປັນຍາປະດິດເພື່ອວຽກເຮັດງານທຳທີ່ເໝາະສົມ”, ເຊິ່ງເນັ້ນໜັກເຖິງຄວາມຕ້ອງການພາຍໃດການຮັບປະກັນໃຫ້ບັນດາຄວາມກ້າວໜ້າທາງດ້ານເຕັກໂນໂລຊີ ຕ້ອງປະກອບສ່ວນເຂົ້າໃສ່ການຊຸກຍູ້ຄວາມຍຸຕິທຳໃນສັງຄົມ, ຍົກສູງຄຸນນະພາບວຽກເຮັດງານທຳ ແລະ ການພັດທະນາທີ່ຍືນຍົງ.

ບັນດາເນື້ອໃນທີ່ປະເທດ ຫວຽດນາມ ໄດ້ຍົກຂຶ້ນຢູ່ພາຍໃດກອງປະຊຸມ ແມ່ນສືບຕໍ່ສະແດງໃຫ້ເຫັນເຖິງຄຳໝັ້ນສັນຍາອັນສະເໝີຕົ້ນສະເໝີປາຍ ພາຍໃດການຊຸກຍູ້ການພັດທະນາແບບກວມລວມ, ແບບມີມະນຸດເປັນສູນກາງ, ໃນຂະນະດຽວກັນ ກໍປະກອບສ່ວນຢ່າງຕັ້ງໜ້າເຂົ້າໃສ່ບັນດາຄວາມພະຍາຍາມສາກົນ ແນໃສ່ກໍ່ສ້າງອະນາຄົດແຫ່ງວຽກເຮັດງານທຳທີ່ຍືນຍົງພາຍໃດຍຸກສະໄໝດິຈິຕອນ.

ເວທີປາໄສອະນາຄົດອາຊຽນ 2026: ຂີດໝາຍຂອງຫວຽດນາມ ແລະ ສານແຫ່ງຄວາມສາມັກຄີພາກພື້ນ ຍສໝ - ເຫດການດັ່ງກ່າວ ບໍ່ພຽງແຕ່ຢືນຢັນເຖິງບົດບາດສູນກາງຂອງ ອາຊຽນ ເທົ່ານັ້ນ, ແຕ່ຍັງໄດ້ເຮັດໃຫ້ເຫັນຢ່າງພົ້ນເດັ່ນເຖິງຄວາມເປັນເຈົ້າການຂອງ ຫວຽດນາມ ພ້ອມກັບບັນດາປະເທດພາຍໃດພາກພື້ນ ພາຍໃດການຮ່ວມແຮງຮ່ວມໃຈສາມັກຄີ ແລະ ພັດທະນາ ຕໍ່ໜ້າບັນດາຄວາມຜັນແປທາງດ້ານພູມສາດການເມືອງໃນທົ່ວໂລກ.

ທ່ານນາຍົກແຫ່ງ ສປປ ລາວ ສອນໄຊ ສີພັນດອນ ສິ້ນສຸດການຢ້ຽມຢາມ ສສ ຫວຽດນາມ ຢ່າງເປັນທາງການ ແລະ ເຂົ້າຮ່ວມກອງປະຊຸມ AFF 2026 ຍສໝ - ໃນຕອນຄ່ຳວັນທີ 9/6, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ເດີນທາງອອກຈາກຮ່າໂນ້ຍ, ສິ້ນສຸດການຢ້ຽມຢາມ ສາທາລະນະລັດ ສັງຄົມນິຍົມ ຫວຽດນາມ ຢ່າງເປັນທາງການ ແລະ ເຂົ້າຮ່ວມເວທີປາໄສອະນາຄົດອາຊຽນ (AFF) ຄັ້ງທີ 3 ແຕ່ວັນທີ 7 ...